द एक्सक्लुसिभ सम्वाददाता
जनकपुरधाम............
पञ्चायतकालको अन्त्यतिर नै तराइबासीहरुप्रति अन्याय र भेदभाव भयो भनी उनीहरुको हितको संरक्षणका लागि नेपाल सदभावना परिषदको गठन भएको थियो । जन आन्दोलनका समयमा पुर्णतया मौन रहेर पनि आन्दोलनको सफलतापछि यसैले नेपाल सदभावना पार्टीको रुप लियो । कुनै बेलामा नामुद कांग्रेसी गजेन्द्र नारायण सिंह यसका संस्थापक अध्यक्ष हुन । यो पार्टीले आफुलाई बहुदलिय उदार प्रजातन्त्रपति प्रतिबद्ध मान्दछ । आफ्नो राजनीतिक विचार, नीति, व्यवहार र प्रभावका दृष्टिले यो मुलतः एक क्षेत्रिय पार्टी हो । यस पार्टीले तराईसँग सम्बन्धित विषयहरुलाई ज्यादा उठाउने गर्छ र यसको कार्यक्षेत्र पनि तराई नै हो । पहिलो आम निर्वाचनमा ७५ जना उम्मेदवार उठाएर यसले प्रतिनिधि सभामा ५ स्थान जितेको थियो । २०५१ को मध्यावधि निर्वाचनमा यो पार्टी ३ सिटमा खुम्च्यो । तेस्रो आम निर्वाचनमा पुनः यसले ५ सिट जित्यो । १८ असोजको शाही कदम पछि यो पार्टी लोकेन्द्रबहादुर चन्दको सरकारमा सामेल भयो । तर त्यसै बेला सम्पन्न पार्टीको महाधिवेशनमा यो पार्टी विभाजित भयो ।
बद्री मण्डलको अध्यक्षतामा संगठित नेसपा शाही कदमको पक्षधर बन्यो । त्यसले माघ १९ को शाही कदमको समर्थन ग¥यो र राजाको अध्यक्षतामा गठित मन्त्रिमण्डलमा बद्री मण्डल आफै सामेल भए । अर्कोतिर संस्थापक नेता गजेन्द्र नारायण सिंहकी विधवा आनन्दी देवीको नेतृत्वमा गठित नेसपा प्रारम्भदेखि नै शाही शासनका विरुद्ध दलहरुद्धारा संचालित आन्दोलनमा सामेल भयो । यो पार्टी सात दलमध्येको एक घटक हो । यो ऐतिहासिक जनआन्दोलन भाग दुईको एक महत्वपुर्ण हिस्सा हो । आन्दोलनको सफलतापछि गठित सरकारमा समेत यो सामेल भयो । उता शाही शासनको पतनपछि बद्री मण्डलले पार्टीको पुरानो नीतिका लागि आफु जिम्मेवार रहेको स्वीकार गर्दै अध्यक्ष पदबाट राजीनामा दिए ।
संविधानसभाको निर्वाचनमा राजेन्द्र महत्तोले नेतृत्व गरेको सदभावना पार्टीले ९ सिट जितेर अरु घटकभन्दा उल्लेखनीय सफलता हासिल ग¥यो । उक्त पार्टी पटक पटक संयूक्त सरकारमा सामेल भयो । त्यसपछि सदभावनाका महासचिव अनिल झालाई पार्टीले साधारण सदस्यबाट निश्काशित गरेपछि उनले अलगै संघीय सदभावना पार्टी गठन गरे । यता जनकपुरमा सम्पन्न महाधिवेशनबाट पुनः महत्तो सदभावनाका अध्यक्ष चुनिए । मधेसवाट पहाड र हिमाली क्षेत्रमा समेत पार्टी विस्तार गर्दै आफ्नो दल मधेसको सबैभन्दा ठुलो शक्ति बन्ने दम्भका कारण पार्टी एकिकरण वा अन्य मधेसवादी दलहरुसँगको गठबन्धन सहित दोस्रो संविधानसभा चुनावमा जाने कुरालाई महत्तोले खुलेरै विरोध गरे । परिणाम स्वरुप दोस्रो संविधानसभाको निर्वाचनमा सर्लाहीबाट उठेका राजेन्द्र महत्तो तराई मधेस सदभावनाका अध्यक्ष महेन्द्र राय यादवबाट पराजित हुन पुगे । धनुषा निर्वाचन क्षेत्र नं. ४ बाट सदभावनाका वरिष्ठ उपाध्यक्ष संजय कुमार साह एक मात्र सिट प्रत्यक्ष तर्फ जितेको सदभावना समानुपातिक तर्फ ५ सिट गरी कुल ६ सिटका साथ नवौं स्थानमा खुम्चियो ।
मिति ः २०७०÷०८÷१६
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete