धनुषामा ३१२ उम्मेदवारको धरौटी जफत

द एक्सक्लुसिभ सम्वाददाता
जनकपुरधाम............
दोस्रो संविधानसभा निर्वाचनमा प्रत्यक्ष्ँ तर्फ धनुषामा बदर हुने मत उल्लेख्य मात्रामा भेटिएको छ ।
एउटै मत पत्रमा एउटा चुनाव चिन्ह भन्दा बढीमा स्वस्तिक चिन्ह लगाइएको, स्वस्तिक चिन्हको साटो ल्याप्चे (औंठाको छाप) लगाइएको र केहीमा निर्वाचन अधिकृतको हस्ताक्षर छुटेको मतपत्र पनि पाइएको छ ।
जिल्लाका सात वटै क्षेत्रमा २ लाख ४७ हजार ४ सय ७५ मत सदर भएकोमा १५ हजार ७ सय ६१ मत बदर भएको छ । सात वटै निर्वाचन क्षेत्रमा मिलाएर कुल २ लाख ६३ हजार २ सय ३६ मत खसेको थियो । जिल्ला निर्वाचन कार्यालयले संचालन गरेको मतदाता शिक्षा कार्यत्रम प्रभावकारी हुन नसकेका कारणले धनुषामा मत बढी बदर भएको पाइएको वुद्धिजीवीहरुको भनाई छ ।
लक्ष्मीनिवासका समाजसेवी नथुनी महतोले निर्वाचन कार्यालयले लापरवाही तरिकाले संचालन गरेको मतदाता शिक्षाका कारणले मत बदरमा कमी नआएको बताए । मतदाता शिक्षा कार्यक्रममा खटिएका कर्मचारीहरु स्वयम योग्य नभएका कारणले मतदातालाई सचेत गराउन नसकेको गुनासो गरे ।
यस्तै जनकपुर नगरपालिका ९ निवासी कौशल यादवले पनि मतदाता शिक्षा कार्यक्रममा खटिएका कर्मचारीहरुले सही रुपमा सहजीकरण चुकेको बताए । मतदाता शिक्षा कार्यक्रमका कर्मचारीहरु नै अयोग्य पाइएको दावी गर्दै यादवले यसको प्रमुख दोष निर्वाचन कार्यालयमा जाने जिकिर गरे ।
यता जिल्ला निर्वाचन कार्यालयका प्रमुख जानकी कर्णले मतदाताकै कमी कमजोरीका कारणले मत बढी मात्रामा बदर भएको जिकिर गरे । उनले सबै क्षेत्रको मत परिणामको तालिका आउन नसकेकाले पहिलो चुनाव भन्दा बदर मत बढेको वा घटेको बारे भन्न नसकिने बताए । कार्यालयका अनुसार जिल्लाको क्षेत्र नं. ७ मा सबै भन्दा बढी २ हजार ७ सय ३५(६ दशमलव ९६ प्रतिशत) मत बदर भएको छ भने क्षेत्र नं. ३ मा सबभन्दा कम १ हजार ६ सय ७४ (४ दशमल ४२प्रतिशत) मत बदर भएको छ । निर्वाचन क्षेत्र नं. ७ मा ३९ हजार २ सय ९१ (७९ दशमलव ६१ प्रतिशत) मत खसेकोमा ३६ हजार ५ सय ५६ (९३दशमलव ०४ प्रतिशत) मत मात्र सदर भएको थियो । यस्तै निर्वाचन क्षेत्र नं. ३ मा ३७ हजार ८ सय ३२ (७९ प्रतिशत) मत खसेकोमा ३६ हजार १ सय ५८(९५ दशमलव ५७ प्रतिशत) मत सदर भएको छ ।
निर्वाचन क्षेत्र नं. १ मा १ हजार ८ सय ५४ (५ दशमलव ०५ प्रतिशत) मत बदर भएको छ । निर्वाचन क्षेत्र नं. १ मा ३६ हजार ६ सय ६१ (७९ दशमलव ३९) मत खसेकोमा ३४ हजार ८ सय ७ (९४ दशमलव ९४)मत सदर भएको छ । कार्यालयले जारी गरेको मतगणना परिणाम अनुसार क्षेत्र नं. २ मा २ हजार २ सय ८४ (६ दशमलव ४७प्रतिशत) मत बदर भएको छ । क्षेत्र नं. २ मा ३५ हजार ३ सय १७ ( ७८दशमलव ९६ प्रतिशत) मत खसेकोमा ३३ हजार ३३ ( ९३दशमलव ५३ प्रतिशत) मत सदर भएको छ ।
यस्तै निर्वाचन क्षेत्र नं. ४ मा २ हजार ५ सय ३१ (६दशमलव १६ प्रतिशत) मत बदर भएको छ । क्षेत्र नं. ४ मा ३८ हजार १ सय २२ (७१ दशमलव ८२ प्रतिशत) मत खसेकोमा ३५ हजार ७ सय ७१ (९२ दशमलव २७ प्रतिशत) मत सदर भएको छ । १ हजार ९ सय ६९ (५दशमलव २२ प्रतिशत) मत क्षेत्र नं. ५ मा बदर भएको छ भने ३५ हजार ६ सय ८९ (९४ दशमलव ७७ प्रतिशत) मत सदर भएको छ । क्षेत्र नं. ५ मा ३७ हजार ६ सय ५८ (७९दशमलव ४३ प्रतिशत) खसेको थियो ।
निर्वाचन क्षेत्र नं. ६ मा भने २ हजार ८ सय ९४ (७दशमलव ५प्रतिशत) मत बदर भएको छ । क्षेत्र नं. ६ मा ३८ हजार ३ सय ५५ (७८ दशमलव १६प्रतिशत) खसेकोमा ३५ हजार ४ सय ६१ (९२ दशमलव ४५ प्रतिशत) मत सदर भएको छ ।
धनुषामा ३१२ उम्मेदवारको धरौटी जफत
विगत ४ गते संपन्न संविधानसभा निर्वाचनको प्रत्यक्ष प्रणाली तर्फ धनुषामा प्रत्यक्ष तर्फ ३ सय ३४ उम्मेदवारले उम्मेदवारी दिएकोमा ३ सय १२ उम्मेदवारको धरौटी जफ्त भएको हो । संविधानसभा निर्वाचनका लागि ४१ दल र स्वतन्त्र गरि धनुषाको सात निर्वाचन क्षेत्र बाट चुनावी प्रतिष्पर्धाका लागि ३ सय ३४ उम्मेदवारले उम्मेदवारी दर्ता गराएका थिए । अधिकांश उम्मेदवारको धरौटी जफ्त भएको अवस्थामा २२ जना उम्मेदवारले मात्र आफ्नो धरौटी बचाउन सफल भएका छन ।
निर्वाचन आचार संहिता उलंघन बाट जोगिन अधिकांश दलका उम्मेदवारहरुले डमी उम्मेदवारका रुपमा आफु नजिक रहेका व्यक्तिहरुलाई उम्मेदवारी दिन लगाएको कारण पनि व्यापक संख्यामा उम्मेदवारहरुको धरौटी जफ्त भएको विश्लेषकहरुको भनाई छ ।
    निर्वाचन प्रचार प्रसारको क्रममा गाडीको सुविधा प्रयोग गर्न अधिकांश दलका उम्मेदवारहरुले आफु नजिक रहेका व्यक्तिहरुलाई स्वतन्त्र रुपमा उम्मेदवारी दिन लगाउन गरेका छन । ४ गते सम्पन्न प्रत्यक्ष निर्वाचन तर्फका अधिकांश स्वतन्त्र उम्मेदवारले आफ्नो मात्रै मत पाएको समेत देखिएको छ । मनोनयन पत्र दर्ता गराउँदा प्रत्येक उम्मेदवारले धरौटी वापत तीन हजार नगद बुझाउनु पर्ने व्यवस्था गरिएको थियो । खसेको कुल मतको १० प्रतिशत ल्याउन न सकेका उम्मेदवारहरुको धरौटी जफत गरिने प्रावधान रहेको छ ।



 मिति ः २०७०÷०८÷१६