अजब–गजब छ बा ! सुदर्शन सिंह

त्यत्रो बजेट खायौं केही भएन, यो ADB को बजेट नखाएर दुव्लाउछु कि भनेर चिन्ताले मार्यो बा !
बुझ्नु भो डि साव ।

२०७३  पौष २४ गते  आईतवार

डा.रामजी यादवले नक्कली चिकित्सकको आरोपमा नभएर ठगी गरेको आरोपमा मात्र पाए सफाई

नक्कली शैक्षिक योग्यता प्रमाण पत्रको आधारमा
नक्कली चिकित्सक बनेको अभियोगका
अभियूक्त डा.रामजी यादव ।

अजय अनुरागी

जनकपुरधाम............

जनकपुर अञ्चल अस्पतालमा स्त्री रोग विशेषज्ञको रुपमा कार्यरत रहेका डा.रामजी यादवलाई धनुषा जिल्ला अदालतले नक्कली चिकित्सकको आरोपमा सफाई दिएको भनि स्थानीय संचार माध्यमहरु र सामाजिक संजालमा डा. यादवलाई बधाई दिई भएको समाचार सम्प्रेषण झुठो रहेको तथ्य द एक्सक्लुसिभले प्राप्त गरेको छ । हो, डा.रामजी यादवलाई धनुषा जिल्ला अदालतले सफाई त दिएको छ । तर, उनको शैक्षिक योग्यताको प्रमाण पत्र नक्कली हो वा सक्कली भन्ने विषयमा भने अदालतले सफाई दिएको छैन । किनभने उक्त मुद्दा अहिले पनि अख्तियार दुरुपयोग अनुसन्धान आयोगले विशेष अदालतमा चलाएको मुद्दा विचाराधिन नै छ । त्यसको फैसला त्यहाँबाट हुने हो । भ्रष्टाचार निवारण ऐन २०५९ अन्तरगतको कसुरमा अख्तियार दुरुपयोग अनुसन्धान आयोगले विशेष अदालतमा समेत कारवाही चलाएकोले  विशेष अदालतले त्यो मुद्दामा सफाई दिए मात्र उनी सक्कली चिकित्सक ठहरिने छन् । अहिलेसम्म उनी नक्कली चिकित्सकको रुपमा अभियूक्त छँदैछन् ।

धनुषा जिल्ला अदालतले उनलाई ठगीको मुद्दामा सफाई दिएको हो । जिल्ला न्यायाधीश ऋषिप्रसाद अधिकारीले १३ पुष २०७३ मा गरेको फैसलाबाट उनलाई ठगीको मुद्दामा सफाई दिएको हो । आईएससी तहमा उत्तीर्ण हुँदा उत्तीर्ण नभई नक्कली प्रमाण पत्र पेश गरी एमविविएस तथा पिजी गरी नेपाल मेडिकल काउन्सिलबाट चिकित्सक नम्बर एनएमसी प्राप्त गरी ठगी गरेको भन्दै नेपाल मेडिकल काउन्सिलले धनुषा जिल्ला अदालतमा ठगी मुद्दा दर्ता गरेको थियो । सोही नक्कली प्रमाण पत्रको आधारमा जनकपुर अञ्चल अस्पतालमा १ फागुन २०७१ देखि हालसम्म चिकित्सकको रुपमा करारमा नियूक्ति भई विरामी जाँच गर्ने काम गरिरहेको र निजले मासिक रु. २७ हजार ३ सय ७० तलब बापत पाउने गरेकोले प्रतिवादी रामजी यादवले रु.७ लाख ६६ हजार ३ सय ७० ठगी गरेकोले विगो रकम नेपाल सरकारको राजश्वमा दाखिला गराई पाऊ भन्दै अभियोग दायर गरेको थियो । हो, रामजी यादव अहिले त्यो ठगी मुद्दामा मात्र सफाई पाएका छन् । त्यो पनि किनभने को कसबाट के कति रकम यी प्रतिवादीले ठगी गरेका हुन भनि अदालतले लेखि पठाएकोमा प्रतिवादी रामजी यादवले कोही कसैलाई ठगी नगरेको बुझिन आएको भनि जिल्ला प्रहरी कार्यालय धनुषाको चलानी नम्बर ३५९८ मिति २०७३÷९÷१२ को पत्र जिल्ला सरकारी वकिल कार्यालय धनुषाको च.नं. ७६३ को पत्रसाथ प्राप्त भइ मुद्दा दायर गर्ने वादी पक्षले नै प्रतिवादीबाट कोही नठगिएको भनिएपछि उनले सफाई पाएका हुन । तसर्थ अहिले उनी नक्कली शैक्षिक प्रमाण पत्रका कारण नक्कली चिकित्सक होइनन् भन्ने कुराको टुङ्गो लागेको छैन । रामजी यादवले जसरी प्रचार गराएका छन् त्यसरी सत्य होइन ।

अभियोग पत्र र सजाय माग दावीको पुर्ण विवरण

डा.रामजी यादव बस्ने क्लिनिक ।

नेपाल मेडिकल काउन्सिलबाट चिकित्सक दर्ता प्रमाण पत्र लिएका विभिन्न ८ सय ९ जनाको शैक्षिक योग्यताको प्रमाण पत्र छानविनको लागि खटिएको संयूक्त टोलीले ८ सय ९ जना व्यक्तिहरु मध्ये १ सय ९ जनाको शैक्षिक प्रमाण पत्रहरु विहार स्कुल एक्जामिनेशन बोर्ड (एसएस) को कम्प्यूटर तथा कागजी अभिलेखमा प्राप्त नभई नक्कली (नट भेरिफाईड) भएको पाइएको भन्ने समेत व्यहोरा उल्लेख भएको प्रतिवेदन र सोही बोर्डमा रहेको अभिलेखको कम्प्यूटर स्क्रीन सर्ट समेतका कागजातहरु यस काउन्सिलमा प्राप्त हुन आएकोले शैक्षिक योग्यताका प्रमाणपत्रहरु नक्कली भएको देखिएका मध्ये रामजी यादव समेतका व्यक्तिहरुले नक्कली शैक्षिक योग्यताको प्रमाण पत्रहरुकै आधारमा यस काउन्सिलबाट चिकित्सक दर्ता प्रमाण पत्र लिई आफुहरुलाई चिकित्सक हुँ भनि नक्कली शैक्षिक योग्यताको प्रमाण पत्रको आधारमा प्राप्त उपाधिको प्रयोग गरी अस्पताल खोल्ने सरकारी तथा गैरसरकारी अस्पतालहरु, मेडिकल हल, नर्सिङ्ग होम र स्वास्थ्य क्लिनिकहरु समेतमा सर्वसाधारणको उपचार गरी मानव स्वास्थ्य जस्तो गम्भीर विषयमा खेलवाड गरी सर्वसाधारण समेतलाई झुक्याई गफलतमा पारी सर्वसाधारण मानिस समेतलाई ठगी कसुर अपराध समेतमा कानुन बमोजिम कारवाही गरी पाऊ भनि ३१ जेष्ठ २०७३ मा नेपाल मेडिकल काउन्सिल बाँसवारी काठमाण्डौले जाहेरी दर्ता गरेको पाईन्छ ।

छानविन टोली खटाउनका लागि भएको निर्णय माइनुट

नेपाल मेडिकल काउन्सिलबाट प्राप्त भएको प्रमाणहरु मध्येका भारत विहार बोर्ड अन्तरगतका प्रमाण पत्रहरुको स्थलगत रुपमा संयूक्त टोली खटिईगई सत्यापन (भेरिफिकेशन) कार्य गर्नका लागि नेपाल मेडिकल काउन्सिलबाट १ जना, उच्चमाध्यमिक शिक्षा परिषद भक्तपुरबाट १ जना र केन्द्रिय अनुसन्धान व्यूरो महाराजगञ्जबाट १ जना सम्मिलित संयूक्त टोली खटाई पठाउने भन्ने नेपाल मेडिकल काउन्सिलका अध्यक्ष समेतको उपस्थितिमा २६ बैशाख २०७३ मा भएको निर्णय माइनुट ।

छानविन समितिको प्रतिवेदन र संलग्न विवरण

रामजी यादवले सन् १९९८ मा भारत विहारबाट आईएससी पास गरेको भनि नेपाल मेडिकल काउन्सिलमा पेश गरेको रोल कोर्ड ३२०२÷नम्बर १०४२६ कुल प्राप्ताङ्क ५९४ भएको प्रमाण पत्र रहेकोमा विहार स्कुल एक्जामिनेशन बोर्ड एसएसबाट उक्त रोल कोड ३२०२ र नम्बर १०४२६ बोर्डमा नरहेको र उक्त बर्ष १०४२३ नम्बर सम्म मात्रका नम्बरहरु जारी भई १०४२६ नम्बर नै नरहेकोले १०४२६ नम्बरमा कुनै विद्यार्थी नै नभएको भनि रोल कोड ३२०२ र नम्बर १०४२६ ुल्यत खभचषष्भम त्यतब िच्यिि ष्क ज्ञण्द्धद्दघ यलथि ायच तजष्क चयिि अयमभुभन्ने उल्लेख भई निज प्रतिवादीको प्रमाण पत्र नक्कली भएकोले निज रामजी यादवले नेपाल मेडिकल काउन्सिलमा पेश गरेको आईएससीको प्रमाण पत्र नक्कली भएको भन्ने समेत व्यहोराको छानविन टोलीको प्रतिवेदन र संलग्न विवरण ।

प्रहरी प्रतिवेदन

नेपाल मेडिकल काउन्सिलको पत्र जाहेरीले बादी नेपाल सरकार प्रतिवादी रामजी यादव समेत भएको निज प्रतिवादी समेतले जनकपुर अञ्चल अस्पताल र न्यू पूजा हल जनकपुरमा कार्यरत रही सर्वसाधारण व्यक्तिलाई उपचार गरी सो वापत रकम लिई ठगी गरेको मुद्दामा निजहरुलाई खोज तलास गरी दाखिला गराउनु भन्ने आदेशानुसार खटिगई खोजतलास गर्दा रामजी यादवलाई फेला पारी प्रतिवेदन साथ पेश गरेको भन्ने समेत व्यहोराको ४ अषाढ २०७३ को प्रहरी प्रतिवेदन ।

प्रतिवादी रामजी यादवको बयान कागज

मैले भारतको एसआरकेजी कलेज, सितामरहीबाट सन् १९९८ मा आईएससी पास गरेको हुँ । मेरो रोल कोड ३२०२ र रोल नम्बर १०४२६ थियो । मैले चीनबाट सन् २००७ मा एमविविएस पास गरी नेपाल मेडिकल काउन्सिल बाँसवारी काठमाण्डौमा ७२४१ नम्बरको चिकित्सक दर्ता प्रमाण पत्र प्राप्त गरेको छु । मैले हालसम्म जनकपुर अञ्चल अस्पताल र सोही ठाउँमा रहेको न्यू पूजा मेडिकल हलमा मात्र डाक्टरको हैसियतले काम गरेको छु । मासिक २४ हजार तलब पाउने गरी नियूक्ती भई काम गर्दै आएकोमा हालसम्म रु. ३ लाख ३६ हजार पारिश्रमिक पाईसकेको छु । आईएससी तहको सर्टिफिकेट नेपाल मेडिकल काउन्सिल, एमविविएस पढ्दा, पिजी पढदा र जनकपुर अञ्चल अस्पतालमा नियूक्ती हुँदा पेश गरेको छु । मैले नक्कली प्रमाण पत्र बनाएको छैन र कोही कसैलाई ठगी गरेको पनि छैन भन्ने व्यहोराको ७ कार्तिक २०७३ मा प्रतिवादीमा रामजी यादवको बयान कागज ।

जिल्ला प्रहरी कार्यालय धनुषा र जनकपुर अञ्चल अस्पतालको पत्र तथा कागजात

प्रतिवादी रामजी यादव जनकपुर अञ्चल अस्पतालमा १ फागुन २०७१ देखि हालसम्म चिकित्सकको रुपमा करारमा नियूक्ति भई विरामी जाँच गर्ने काम गरिरहेको र निजले मासिक रु. २७ हजार ३ सय ७० तलब बापत पाउने गरेको भन्ने समेत व्यहोराको जिल्ला प्रहरी कार्यालय धनुषाको पत्र संलग्न जनकपुर अञ्चल अस्पतालको पत्र ।

जिल्ला प्रहरी कार्यालय धनुषाको पत्र र पूजा मेडिकल हल जनकपुरको पत्र

प्रतिवादी रामजी यादव पूजा मेडिकल हलमा २७ जेष्ठ २०७२ देखि हालसम्म चिकित्सकको रुपमा प्रसुति सम्बन्धि विरामीहरुको उपचार गर्ने गरेको तथा निजले प्रतिदिन ३÷४ जना विरामीहरुको उपचार गर्ने गरेको, विरामीहरुबाट प्राप्त फिस रकम निज आफैले बुझ्ने गरेको भन्ने समेत व्यहोराको जिल्ला प्रहरी कार्यालय धनुषाको पत्र संलग्न पूजा मेडिकल हल जनकपुरको पत्र ।

प्रतिवादी रामजी यादवले भविष्यमा चिकित्सक बनि ठगी गर्ने मनसाय र बदनियत राखि तत्काल आफुले प्राप्त नै नगरेको आईएससी तहको सर्टिफिकेट किर्ते बनाई सोही किर्ते सर्टिफिकेटको आधारमा चीनबाट एमविविएस अध्ययन गरी नेपाल मेडिकल काउन्सिलबाट चिकित्सक दर्ता प्रमाण पत्र लिने कार्यको लागि उक्त आईएससी तहको शैक्षिक योग्यताको नक्कली सर्टिफिकेट जाल परिपन्च गरी पेश गरी किर्ते काम गरी झुक्याई, धोका दिई नेपाल मेडिकल काउन्सिलबाट एनएमसि नम्बर ७२४१ को चिकित्सक दर्ता प्रमाण पत्र लिई सोही चिकित्सक दर्ता प्रमाण पत्र प्रयोग गरी ढाँटी बेईमानीको नियतसँग धोका दिई आफुलाई फाईदा तथा अरुलाई नोक्सानी हुने काम गरी मुलुकी ऐन ठगीको महल १ र २ नम्बरमा परिभाषित ठगी कसुर अपराध गरेको सप्रमाण पुष्टि हुन आएको हुँदा निज प्रतिवादी रामजी यादवलाई सोही महलको ४ नम्बर बमोजिम सजाय गरी निज प्रतिवादी रामजी यादवले ठगी गरेको भन्ने हालसम्मको अनुसन्धानबाट खुल्न आएको रु ७ लाख ६६ हजार ३ सय ७० विगो रकमको सम्बन्धमा जाहेरवाला नेपाल मेडिकल काउन्सिल समेत कोही कसैबाट दिलाई भराई पाउ भनि दावी पर्न आएको र नेपाल सरकार स्वास्थ्य मन्त्रालयको बार्षिक बिनियोजित बजेटबाट तलब बुझेको देखिँदा उक्त ठगी गरेको नेपाल सरकारको राजश्व खातामा जम्मा गरी पाऊ भन्ने व्यहोराको अभियोग पत्र ।

धनुषा जिल्ला अदालतको ठहर

नियम बमोजिम साप्ताहिक तथा आजको दैनिक पेशी सूचिमा चढी पेश हुन  आएको प्रस्तुत मुद्दामा मेसिल कागजात अध्ययन गरी हेरियो । अभियोग दावी बमोजिम प्रतिवादीले ठगी गरेको हो होइन ? हो भने सजाय हुनुपर्ने हो वा होइन ? र भए के कति हुने हो ? भनि निर्णय दिनुपर्ने देखिन आयो ।

निर्णय तर्फ विचार गर्दा प्रतिवादी रामजी यादव उपर निजले प्राप्त गरेको आईएससी तहको प्रमाण पत्र द्यष्जबच क्अजयय िभ्हबmष्लबतष्यल द्ययबचम ९क्क्० बाट नट भेरिफाईड भएको, निजले चिकित्सक बनि ठगी गर्ने मनसाय र बदनियत राखि एमविविएस अध्ययन गर्नको लागि चाहिने आईएससी उत्तीर्ण हुनुपर्नेमा सो उत्तीर्ण नभई नक्कली प्रमाण पत्र बनाई चीनबाट एमविविएस अध्ययन गरी नेपाल मेडिकल काउन्सिलबाट एनएमसि नम्बर ७२४१ को चिकित्सक दर्ता प्रमाण पत्र लिई सोही आधारमा जनकपुर अञ्चल अस्पताल र सोही ठाउँमा रहेको पूजा मेडिकलमा चिकित्सकको हैसियतले सर्बसाधारण विरामीको उपचार गरी सो बापत शुल्क रकम र नेपाल सरकारबाट तलब समेत लिई ठगी गरेकाले ठगीको रकम नेपाल सरकारको राजश्व खातामा जम्मा गरी ठगीमा सजाय गरी पाउ भन्ने अभियोग दावी देखिन्छ । प्रतिवादीले अधिकार प्राप्त अधिकारी समक्ष र यस अदालतमा बयान गर्दा भारतको एसआरकेजी कलेज (गोयंका) सितामरहीबाट सन् १९९८ मा आईएससी पास गरेको हुँ । मेरो रोल कोड ३२०२ र रोल नं. १०४२६ थियो । मैले चीनबाट सन् २००७ मा एमविविएस पास गरी नेपाल मेडिकल काउन्सिलबाट ७२४१ नम्बरको चिकित्सक दर्ता प्रमाण पत्र प्राप्त गरेको छु । आईएससी को सर्टिफिकेट नेपाल मेडिकल काउन्सिल, एमविविएस पढ्दा, पिजी पढ्दा र जनकपुर अञ्चल अस्पतालमा नियूक्ति हुँदा पेश गरेको छु, भनेको पाईन्छ ।

मिसिल संलग्न रहेको प्रतिवादीले प्राप्त गरेको भनेको आईएससीको लव्धाङ्क पत्र विहार स्कुल एक्जामिनेशन काउन्सिलबाट प्राप्त गरेको देखिन्छ । तर, प्रस्तुत मुद्दाको अनुसन्धात तथा छानविनको क्रममा विहार स्कुल एक्जामिनेशन बोर्ड (एसएस) को नट भेरिफाईड भन्ने पत्रबाट मुद्दाको सुरुवात गरेको देखिन्छ । सो बोर्ड र काउन्सिल एउटै हो वा पृथक हो । काउन्सिलले प्रदान गरेको प्रमाण पत्र बोर्डबाट पनि अवलोकन हुने हो होइन ? सो खुलेको पाइँदैन । निजको सो प्रमाण पत्र नेपाल सरकारबाट समकक्षता समर्थन भई चीनमा अध्ययन गर्न गए पठाएकोमा पनि विवाद देखिएन । चीनबाट यी प्रतिवादीले एमविविएस अध्ययन पुरा गरी आएपछि नेपालमा मेडिकल काउन्सिलले पेश भएको प्रमाण पत्रहरुको छानविन गरी उचित ठहर गरी चिकित्सक प्रमाण पत्र प्रदान गरेकोमा पनि अन्यथा छैन । जाहेरी गर्न नेपाल मेडिकल काउन्सिलले आदेशानुसार अदालतमा उपस्थित भई यो यस प्रकारबाट ठगी भनि अभियोग दावीलाई प्रमाणबाट पुष्टि गर्न सकेको पनि पाईँदैन । यस अदालतको आदेशानुसार को कसबाट के कति रकम यी प्रतिवादीले ठगी गरेका हुन भनि लेखि पठाएकोमा प्रतिवादी रामजी यादवले कोही कसैलाई ठगी नगरेको बुझिन आएको भनि जिल्ला प्रहरी कार्यालय धनुषाको चलानी नम्बर ३५९८ मिति २०७३÷९÷१२ को पत्र जिल्ला सरकारी वकिल कार्यालय धनुषाको च.नं. ७६३ को पत्रसाथ प्राप्त भई मिसिल संलग्न रहेको अवस्था छ ।

प्रतिवादी उपर ठगी मुद्दा चलाईएकोमा निजले कोही कसैलाई ठगी गरेको एवम निजबाट कोही नठगिएको स्वयम मुद्दा दायर गर्ने वादी पक्षबाट लेखि आएको अवस्था छ । अर्को तर्फ यी प्रतिवादी उपर भ्रष्टाचार निवारण ऐन २०५९ अन्तरगतको कसुरमा अख्तियार दुरुपयोग अनुसन्धान आयोगमा समेत कारवाही चलाएको भन्ने अभियोग पत्रमा उल्लेख हुँदा प्रमाण पत्र नक्कली भए नभएको सोही निकायबाट हेरिने नै हुँदा प्रस्तुत ठगी कसुरमा मुद्दा दायर गर्ने वादी पक्षले नै प्रतिवादीबाट कोही नठगिएको बुझिन आएको भनि लेखि आएको हुँदा ठगीको विगो भराई सजाय गरी पाऊ भन्ने वादी नेपाल सरकारको अभियोग दावी पुग्न सक्दैन । प्रतिवादी रामजी यादवले आरोपित कसुरबाट सफाई पाउने ठहर छ ।

२०७३ पौष २४ गते आईतबार

नक्कली चिकित्सक भई ठगी गरेको आरोपमा डा.रविन्द्र पाण्डेको मुद्दा विचाराधिन

प्रतिवादी डा.रविन्द्र कुमार पाण्डे । फाईल तस्वीर ।

द एक्सक्लुसिभ सम्वाददाता
जनकपुरधाम............
नेपाल मेडिकल काउन्सिलबाट चिकित्सक दर्ता प्रमाण पत्र लिएका विभिन्न ८ सय ९ जनाको शैक्षिक योग्यताको प्रमाणपत्र छानविनको लागि खटेको संयूक्त टोलीले छानविन गर्दा डा.रविन्द्र कुमार पाण्डे समेतका व्यक्तिहरुले नक्कली शैक्षिक योग्यताको प्रमाण पत्रहरुकै आधारमा नेपाल मेडिकल काउन्सिलबाट चिकित्सक दर्ता प्रमाण पत्र लिई आफुहरुलाई चिकित्सक हुँ भनि नक्कली शैक्षिक योग्यताको प्रमाण पत्रको आधारमा प्राप्त उपाधिको प्रयोग गरी अस्पताल खोल्ने, सरकारी तथा गैरसरकारी अस्पतालहरु, मेडिकल नर्सिङ होम तथा स्वास्थ्य क्लिनिकहरु समेतमा सर्वसाधारणको उपचार गरी मानव स्वास्थ्य जस्तो गम्भीर विषयमा खेलवाड गरी सर्वसाधारण समेतलाई झुक्याई गफलतमा पारी सर्वसाधारण मानिस समेतलाई ठगी गर्ने कार्यमा संलग्न रहेको देखिएकोले निज रविन्द्र कुमार पाण्डे समेतलाई ठगी कसुर अपराधमा कानुन बमोजिम कारवाही गरी पाउ भन्दै नेपाल मेडिकल काउन्सिल काठमाण्डौले धनुषा जिल्ला अदालतमा ३१ जेष्ठ २०७३ मा मुद्दा दर्ता गरेको थियो ।
रविन्द्र कुमार पाण्डेले सन् १९९० मा भारत विहारबाट आईएससी पास गरेको भनि नेपाल मेडिकल काउन्सिलमा पेश गरेको रोल कोड डिएस र रोल नं. ७१२२ र कुल प्राप्ताङ्क ४९७ भएको प्रमाण पत्र रहेकोमा विहार स्कुल एक्जामिनेशन बोर्ड एसएसमा उक्त रोल कोड डिएस र नम्बर ७१२२ को अभिलेखमा कुल प्राप्ताङ्क ४४७ र बायोलोजी विषय नभएको देखि ‘नट भेरिफाईड बायो ईज नट देयर बायो माकर््स मेन्सन्ड’ उल्लेख भई निजको सर्टिफिकेट नट भेरिफाईड अर्थात नक्कली भएकोले निज रविन्द्र कुमार पाण्डेले नेपाल मेडिकल काउन्सिलमा पेश गरेको आईएससीको प्रमाण पत्र नक्कली भएको उक्त छानविन टोलीले प्रतिवेदन पेश गरेको थियो ।
कोशी अञ्चल अस्पताल र परिवार नियोजन संघ इटहरी सुन्सरीमा कार्यरत रहि सर्वसाधारण व्यक्तिलाई उपचार गरी सो वापत रकम लिई ठगी गरेको मुद्दामा निजहरुलाई खोज तलास गरी दाखिला गराउनु भन्ने आदेशानुसार खटिगई खोजतलास गर्दा पाण्डेलाई ४ अषाढ २०७३ मा इटहरीमा फेला पारेको प्रहरीले प्रतिवेदन पेश गरेको थियो ।
जुद्ध माध्यमिक विद्यालय गौरबाट एसएलसी र भारत विहारको आरके कलेज मधुवनी विहारमा भर्ना भई रोल कोड ७१२२ मा सन् १९९० मा आईएससी पास गरी भारतको विहारबाट विडिएस पास गरेको हुँ । नेपाल मेडिकल काउन्सिलमा चिकित्सक दर्ता प्रमाण पत्र परीक्षामा सहभागी भई एनएमसि नम्बर २९८४ प्राप्त गरेको हुँ । मैले विहार इन्टरमेडिएट एजुकेशन काउन्सिल पटनाबाट पास गरेको छु । विहार स्कुल एक्जामिनेशन बोर्ड एसएस पटना छुट्टै बोर्ड भएकाले यसमा बायोलोजिको लव्धाङ्क पत्र छुटिएकोले भुलचुक भयो, त्यसमा मलाई कुनै जानकारी छैन । हालसम्म धनुषाको जनकपुरमा आफ्नै लगानीमा मिथिलाञ्चल डेन्टल क्लिनिक नामको क्लिनिक खोली सोही क्लिनिकमा काम गर्दा मासिक रु. ११ हजार प्राप्त गर्ने गरेको छु । सो क्लिनिकमा म विगत १८ महिनाको रु. १ लाख ९८ हजार पारिश्रमिक पाएको छु । मैले ठगी गरेको छैन भन्ने व्यहोराको प्रतिवादी रविन्द्र कुमार पाण्डेले बयान कागज गरेका छन् ।
प्रतिवादी पाण्डे केयर मेडिकल सेन्टर जनकपुरमा डाक्टरको रुपमा काम काजगरी विरामीहरुको उपचार समेत गरेको तर क्लिनिकमा १७ जेष्ठ २०६१ मा भएको आगलागीबाट उक्त क्लिनिकमा भएका सबै कागजातहरु जलेर नष्ट भएकोले निजपाण्डेले नियूक्ति पाएको तथा निजले तलब भत्ता लिएको सम्बन्धित कागजातहरु क्लिनिकमा नरहेकोले यकिन गरी खुलाउन नसकिएको भन्दै उक्त सेन्टरका संचालक राहुल सिंघानियाले प्रहरी मार्फत प्रतिवेदन दिएका छन् । त्यसैगरी विगत १ बर्ष देखि क्लिनिकको संचालन भई डाक्टरको रुपमा कामकाज गरी विरामीहरुको उपचार गरिरहेको र निजले मासिक रु. १० हजार प्राप्त गर्ने गरेको भन्दै मिथिलाञ्चल डेन्टल क्लिनिकले पत्र मार्फत प्रतिवेदन दिएका छन् ।
निज पाण्डेले भविष्यमा चिकित्सक बनि ठगी गर्ने मनसाय र बदनियत राखि तत्काल आफुले प्राप्त नै नगरेको आईएससी तहको सर्टिफिकेट किर्ते बनाई सोही किर्ते सर्टिफिकेटको आधारमा भारतबाट विडिएस अध्ययन गरी नेपाल मेडिकल काउन्सिलबाट चिकित्सक दर्ता प्रमाण पत्र लिने कार्यको लागि उक्त आईएससी तहको शैक्षिक योग्यताको नक्कली सर्टिफिकेट जाल परिपन्च गरी पेश गरी किर्ते काम गरी झुक्याई धोका दिई नेपाल मेडिकल काउन्सिलबाट एनएमसी नम्बर २९८४ को चिकित्सक दर्ता प्रमाणपत्र लिई सोही चिकित्सक दर्ता प्रमाण पत्र प्रयोग गरी ढाँटी बेईमानीको नियतसाथ धोका दिई आफुलाई फाईदा तथा अरुलाई नोक्सानी हुने काम गरी ठगी गरेको सप्रमाण पुष्टि भएको तथा हालसम्म कुल १ लाख ९८ हजार ठगी गरेको भन्दै विगो रकम सर्वसाधारण विभिन्न व्यक्तिबाट फि बापत प्राप्त गरेको पारिश्रमिक  देखिँदा नेपाल सरकारको राजश्व खातामा जम्मा गराई पाऊ भन्ने अभियोग दावी साथ मुद्दा दर्ता गरिएको हो ।
उक्त मुद्दामा धनुषा जिल्ला अदालतका न्यायाधीश ओमकार उपाध्यायले २० अषाढ २०७३ मा उक्त अभियोग दावीलाई हाल अन्यथा मान्न मिल्ने अवस्था देखिन आएन, अतएव तत्काल प्राप्त प्रमाणबाट यी प्रतिवादी निर्दोष छन् भन्न मिल्ने अवस्था नहुँदा प्रमाण बुझ्दा ठहरे बमोजिम हुने नै मुद्दा निजबाट नगद धरौटी रु. ५० हजार लिई तारेखमा राख्नु भनि आदेश गरिएको छ । तत्काल उनी धरौटी तारेखमा रिहा भएपनि धनुषा जिल्ला अदालतको उक्त आदेश रित पुर्वक नभएको भन्दै वेरितको आदेश बदर गरी पाऊ भन्दै नेपाल मेडिकल काउन्सिलले उच्च अदालत जनकपुरमा मुद्दाको पुनरावेदन समेत गरेको छ । एकातर्फ डा.पाण्डेको ठगी मुद्दाको फैसला नभएकाले उनले ठगी गरेका हुन वा होइनन् भन्ने कुराको हालसम्म निकर््यौल लागेको छैन भने अर्को तर्फ उनको आईएससीको प्रमाण पत्र नक्कली भएको भन्दै अख्तियार दुरुपयोग अनुसन्धान आयोग मार्फत विशेष अदालतमा विचाराधिन रहेकाले उनी नक्कली चिकित्सक हुन वा सक्कली भन्ने कुराको पनि फैसला हुन बाँकी नै छ । पाण्डे महोत्तरी जिल्लाको पिपरा ५ का सिताशरण पाण्डेका छोरा हुन । उनी अहिले नेपाल डेन्टल एशोसिएशन धनुषाका अध्यक्ष पनि हुन ।

२०७३ पौष २४ गते आईतबार

धनुषाको ट्राफिक व्यवस्थापनमा सस्तो लोकप्रियता भन्दा पनि अभियानकै आवश्यकता

ट्राफिक प्रहरी धनुषा ।

द एक्सक्लुसिभ सम्वाददाता
जनकपुरधाम............
जिल्ला टूाफिक प्रहरी कार्यालय धनुषाको कार्यालय प्रमुखको रुपमा करिब साढे २ बर्ष जति कार्य गरेका प्रहरी निरीक्षक ज्ञानकुमार महतोको १२ पुष २०७३ मा प्रहरी प्रधान कार्यालय काठमाण्डौमा सरुवा भएको छ । २६ अषाढ २०७१ मा धनुषामा टूाफिक प्रमुखको रुपमा कार्यभार सम्हालेका महतोलाई जनकपुरका यूवा क्लवहरुले एक कार्यक्रम आयोजन गरी विदाई गरेका छन् । २० पुष २०७३ मा जनकपुरका यूवा क्लवहरु, नागरिक समाजका अगुवा भनिनेहरु तथा केही समाजसेवीहरुले महतोलाई अत्यन्त राम्रो कार्य गरेको भन्दै भव्य विदाई गरेका छन् भने उनको ठाउँमा १३ पुष २०७३ देखि जिम्मेवारी सम्हालेका नयाँ टूाफिक प्रहरी प्रमुख तथा प्रहरी निरीक्षक हरिनन्दन चौधरीलाई समेत    स्वागत गरेका छन् ।
यसो त प्रहरी प्रमुखको रुपमा सर्बेन्द्र खनालको धनुषाबाट सरुवा भएपछि यूवा क्लव, विभिन्न संघ संस्थाका प्रमुख र नागरिक समाजका अगुवा तथा समाजसेवीहरुले भव्य विदाई गर्ने एउटा परम्परा नै बसालेको जस्तो देखिन्छ । धनुषामा कुनै पनि एसपी वा सिडिओ वा टूाफिक प्रमुखको सरुवा भएपछि यहाँका स्थानीयवासीहरुको रुपमा प्रतिनिधित्व गर्ने ती संस्थागत प्रतिनिधित्व गर्ने अगुवाहरुले भव्य विदाई गर्दै आएको प्रचलन स्थापित भएको छ । काम राम्रो गरेको होस वा नहोस जाने बेला विदाई गर्दै आएका छन्, जनकपुरवासीले । हुन त यहाँका यूवा क्लवका प्रतिनिधिहरु र नागरिक समाजका अगुवाहरु जाने बेला मात्र होइन, कार्यभार सम्हालेको अवधिमा पनि प्रहरी प्रमुखहरुलाई आवश्यकता भन्दा वढी नै सम्मान गर्ने गरेका छन् । कुनै पनि कार्यक्रमहरु आयोजन गर्दा यूवा क्लवहरुले प्रहरी प्रशासनका प्रमुखहरुलाई नै प्रमुख अतिथि पनि बनाउने गरेका छन् । प्रहरी प्रमुखहरुसँग राम्रो सम्बन्ध स्थापित गर्न खप्पिस यहाँका यूवाहरुको प्रहरी प्रशासनको मोह त्यति किन बढेको होला भन्ने प्रश्नको उत्तर जो कोहीले पनि सजिलै आँकलन गर्न सक्छन् ।
नेपाल प्रहरीको तुलनामा यहाँका यूवाहरु टूाफिक प्रहरीसँग चाँडै घुलमिल हुने गर्छन् । किनभने विना लाईसेन्स अर्थात सवारी चालक अनुमति पत्र, सवारी धनि प्रमाण पत्र सवारी गुडाउँदा कारवाही गर्ने निकाय भनेको टूाफिक प्रहरी नै हो । त्यसकारण यूवा क्लवको नेतृत्व गर्नेहरुलाई विना लाईसेन्स वा ब्लुबुकको सवारी साधन चलाउने यूवाहरुलाई कारवाही स्वरुप जरिवाना गर्न लाग्दा ती यूवाहरुलाई विना कारवाही मुक्त गराउन टूाफिक प्रहरीसँग राम्रो सम्बन्ध आवश्यक पर्छ । त्यति मात्र होइन लाईसेन्स बनाउनका लागि पनि टूाफिक प्रहरीको सहयोग आवश्यक पर्ने गर्छ । त्यसकारण यहाँका यूवाहरु टूाफिक प्रहरी प्रमुखसँग राम्रो सम्बन्ध बनाईरहेका हुन्छन् ।
कस्तो रह्यो ज्ञान महतोको कार्यकाल

ट्राफिक निरीक्षक ज्ञानकुमार महतोलाई कोशेली 
प्रदान गरेर विदाई गर्दै ट्राफिक प्रमुख हरिनन्दन चौधरी ।

१७ पुष २०७३ मा जनकपुर उपमहानगरपालिका १४ स्थित पिडारी चौकमा राति करिब १ बजेर १५ मिनेटको समयमा जनकपुरबाट ढल्केवर तर्फ जाँदै गरेको ज७प ३४८५ नम्बरको मोटरसाईकल तिब्र गतिमा गुडेको कारण सडकको गोलम्बरमा ठोक्किन जाँदा मोटरसाईकल चालक धनुषाको क्षिरेश्वरनाथ ९ बस्ने ३० बर्षिय जितेन्द्र यादव गम्भीर घाइते भई जनकपुर अञ्चल अस्पतालमा उपचारको क्रममा मृत्यु भयो ।
२९ मंसिर २०७३ मा रातको करिब १ बजेको समयमा जनकपुर जटही सडक खण्डमा हनुमान मन्दिर अगाडी कुवाबाट श्याम चौक तर्फ आउँदै गरेको ज१च ८४६ नम्बरको पिकअपले सडकमा हिड्ने पैदल यात्री सोही ठाउँका सरिता खत्वेको ४ बर्षिय छोरा अनिकेत कुमार खत्वेलाई ठक्कर दिँदा गम्भीर घाईते भएपछि उपचारको लागि जनकपुर अञ्चल अस्पताल लग्दै गर्दा उक्त बालकको बाटोमै मृत्यू भएको थियो ।
१३ मंसिर २०७३ मा राति करिब साढे ९ बजेको समयमा धनुषाको मिथिला नगरपालिका ९ स्थित पुर्वपश्चिम राजमार्गको लालगढको पुर्वेली होटेलमा राजविराजबाट काठमाण्डौ आउने क्रममा खाना खुवाउनको लागि पार्किङमा रोकिराखेको बस खाना खाईसकेपश्चात निकाल्ने क्रममा खलासीले चलाउँदा सवारी साधन हुत्तिन गई दुर्घटना भएको थियो । उक्त बस होटेल भित्रै पस्दा सप्तरी हर्दियाका २६ बर्षिय रामकुमार मण्डल र उनको २१ बर्षिय श्रीमति आनन्दी देवी मण्डलको मृत्यु भएको थियो ।
३० असोज २०७३ मा राति ८ बजेको समयमा धनुषाको मिथिला नगरपालिका ५ स्थित जनकपुर ढल्केवर सडक खण्डमा जनकपुर आउँदै गरेको ज५प ३८७७ नम्बरको मोटरसाईलक आफै अनियन्त्रित भई पल्टिन जाँदा  मोटरसाईकल चालक धनुषाको क्षिरेश्वरनाथ ६ बस्ने ३० बर्षिय राजेन्द्र साह तेलीको घटना स्थलमै मृत्यु भयो । मोटरसाईकलमा पछाडीसवार भएकासोही ठाउँका ५० बर्षिय दिपनारायण गुप्ता गम्भीर घाईते भएपछि उपचारको क्रममा उनको पनि मृत्यु भएको थियो ।
यसरी हेर्ने हो भने धनुषामा सवारी दुर्घटनामा परेर मृत्यु हुनेहरुको यो प्रतिनिधि मुलक उदाहरण मात्र हो । चालु आर्थिक बर्षको पुष १५ सम्ममा मात्र हेर्ने हो भने धनुषामा कुल ३० जनाको सवारी दुर्घटनामा परेर ज्यान गईसकेको छ । ३३ वटा जम्मा सवारी दुर्घटना भएको छ भने ४२ वटा सवारी साधनहरु दुर्घटना ग्रस्त भएका छन् । जसमध्ये १७ वटा मोटरसाईकल दुर्घटना भएका छन् । उक्त दुर्घटनामा परेर ३० जनाको मृत्यु नै भएको छ भने १० जना गम्भीर घाइते भएर बाँचेका छन् । ६ जना साधारण घाइते भए । चालु आर्थिक बर्षमा मंसिर महिनामा मात्रै सवारी दुर्घटनामा परेर ११ जनाको मृत्यु भईसकेको छ । जसमध्ये ७ जना पुरुष, ३ जना महिला र १ बालकको मृत्यु भएको छ ।
पछिल्लो ३ बर्षको तथ्याङ्कलाई हेर्ने हो भने १ सय २८ जनाको मृत्यु भएको छ भने १ सय ७७ जना गम्भीर घाईते भएका छन् । आर्थिक बर्ष २०७०÷०७१ मा जम्मा ७७ वटा सवारी दुर्घटना भएभने ३० जनाको ज्यान गएको थियो । त्यसैगरी आर्थिक बर्ष २०७१÷०७२ मा जम्मा १ सय २६  वटा सवारी दुर्घटना भएभने ५२ जनाको ज्यान गएको थियो । आर्थिक बर्ष २०७२÷०७३ मा जम्मा १ सय ५ वटा सवारी दुर्घटना भएभने ४६ जनाको ज्यान गएको थियो ।
धनुषाका टूाफिक प्रहरी नायव निरीक्षक राजिव तिवारीका अनुसार सवारी साधनहरु तिब्र गतिमा चलाएको कारण, सडकको अवस्था जिर्ण रहेको कारण र चिसो मौसममा हुस्सु लागेका कारण सवारी दुर्घटनाहरु हुने गरेका छन् ।सवारी साधनहरु मध्ये सबै भन्दा वढी १५० सिसि भन्दा वढीका मोटरसाईकलहरु दुर्घटना ग्रस्त हुने गरेको र दुर्घटनामा परेर ज्यान गुमाउनेहरु मध्ये अधिकांश १७ देखि ३५ बर्षसम्मको उमेरको हुने गरेको छ ।
सवारी साधन कारवाही र राजश्व
चालु आर्थिक बर्षमा मंसिर महिनासम्ममा धनुषा टूाफिक प्रहरीले कुल १३ हजार ३सय ३४ वटा सवारी साधनहरुलाई कारवाही गरेर ८३ लाख ३३ हजार ५सय रुपैयाँ राजश्व असुल गरेको देखिन्छ । आर्थिक बर्ष २०७०÷०७१ मा १९ हजार ८ सय ७ वटा सवारी साधनहरुलाई कारवाही गरी ६७ लाख १९ हजार ९ सय ५० रुपैयाँ राजश्व असुल गरेको थियो । त्यसैगरी आर्थिक बर्ष २०७१÷०७२ मा २९ हजार ७ सय ६९ वटा सवारी साधनहरुलाई कारवाही गरी १ करोड ३० लाख १३ हजार १ सय रुपैयाँ राजश्व असुल गरेको थियो । आर्थिक बर्ष २०७२÷०७३ मा १६ हजार ४ सय १ वटा सवारी साधनहरुलाई कारवाही गरी ८० लाख १७ हजार ९ सय रुपैयाँ राजश्व असुल गरेको थियो ।
मापसे कारवाही
धनुषा टूाफिक प्रहरीले चालु आर्थिक बर्षको पुष १५ सम्ममा कुल ८१ जनालाई मादक पदार्थ सेवन गरी सवारी साधन चलाएको भन्दै कारवाही गरी ८१ हजार रुपैयाँ राजश्व असुल गरेको छ । आर्थिक बर्ष २०७१÷०७२ मा ३ सय २८ वटा मापसे कारवाही गरी ३ लाख २८ हजार रुपैयाँ राजश्व असुल गरिएको थियो भने आर्थिक बर्ष २०७२÷०७३ मा १ सय १८ वटा मापसे कारवाही गरी १ लाख १८ हजार रुपैयाँ राजश्व असुल गरिएको थियो ।
ज्ञानकुमार महतोले आफ्नो कार्यकालमा धनुषामा गरेको सबैभन्दा राम्रो काम मध्ये छाडाचौपायाहरुलाई नियन्त्रण गरी कारवाही गर्नु मानिन्छ । उनको कार्यकालमा कुल १ सय ७० वटा ठुलो चौपाया र १५ वटा साना चौपायालाई नियन्त्रण गरी ७७ हजार रुपैयाँ जरिवाना असुल उपर गरी जनकपुर उपमहानगरपालिकाको कार्यालयलाई बुझाइएको छ ।
कतिपय काम चर्चाको लागि मात्र
प्रहरी निरीक्षक महतोले आफ्नो कार्यकालमा गरेका केही कामहरु चर्चाको लागि अर्थात सस्ता लोकप्रियताको लागि मात्र गरेको पाइन्छ । जस्तै उनले छाडा चौपाया नियन्त्रण गर्ने कार्यको लागि थालनी त गरे तर त्यसलाई अभियानको रुपमा निरन्तरता भने दिएनन् । सडक छेउको फुटपाथ अतिक्रमण गरी व्यवसाय गर्ने साना व्यवसायीलाई कहिले काँही झोक चल्दा हटाउने र फेरी विर्सने कार्यले अभियानको रुपमा नलिएपछि फुटपाथ अतिक्रमणको समस्या यथावत छ । जानकी मन्दिर भित्रको पार्किङको व्यवस्थापन गरिएपनि बाहिरको पार्किङ व्यवस्थापन फितलै पाइन्छ । विगतका कार्यकालमा गरिएको पार्किङ तथा नोपार्किङको क्षेत्रलाई विस्तार गरिएन । अर्थात जनकपुरको सडकमा थप पार्किङ नो पार्किङको व्यवस्थापन गरिएन । मधेस आन्दोलनताका जनकपुरको शिव चौक, जनक चौक, भानु चौक आदि ठाउँहरुमा रहेका टूाफिक विटहरुको  आगजनी गरिएपछि त्यसको पुनसर््थापन गरिएन । कहिलेकाँही टिूपर, टयाक्टर, टूली आदि जस्ता सवारी साधनहरुमा रिफ्लेक्टर स्टीकर टाँस्ने काम गरिएपनि त्यसको निरन्तरता हुन सकेन । विद्यालय, कलेजहरुमा समेत टूाफिक शिक्षाबारे गरिने अन्तरक्रिया कार्यक्रम तथा विभिन्न जनचेतना मुलक कार्यक्रमहरुको पनि अभाव नै देखियो । उनको कार्यकालमा रुट कायम भने भयो । कतिपय सदरमुकाम जोड्ने कच्ची सडकहरुमा रुट परमिट कायम नै नभएपनि सार्वजनिक सवारी साधनहरु चल्ने गथर््यो । त्यसका लागि यातायात कार्यालय पनि जिम्मेवार थियो ।
ईरिक्सा चालकहरुले विना लाईसेन्स सवारी साधन चलाईरहेको पाइन्छ । तिनीहरुलाई सवारी अनुमति पत्र लिन पुर्णतः बाध्य गरिएको छैन । हो, एउटा राम्रो काम के भएको छ भने ती सवारी साधनहरुमा नम्बर प्लेट झुन्डयाईएको छ । यस जिल्लामा भारतीय नम्बर प्लेटका सवारी साधनहरु अत्यधिक मात्रामा भन्सार छलेर संचालनमा रहेका छन् । कतिपय सवारी साधनहरु त चोरीका पनि हुन सक्छन् । त्यस्ता अवैध सवारी साधनहरुलाई नियन्त्रण गर्नका निम्ति कुनै पनि प्रक्रिया अगाडी वढाइएन । टूाफिक चिन्ह अंकित होडिङ बोर्डहरु थप ठाउँहरुमा झुन्डयाइएनन् । सहरका कतिपय ठाउँहरु जस्तै अस्पताल रोड, जानकी मन्दिर क्षेत्र, स्टेशन रोड आदिमा टूाफिक जाम हुनेगर्छन । ती टूाफिक जामको व्यवस्थापन गर्न सकिएको छैन । त्यसैगरी कतिपय सरकारी कार्यालयका सवारी साधनहरुको व्यापक दुरुपयोग भईरहेको छ । त्यस्तो दुरुपयोग रोक्नका निम्ति महतोको कार्यकालमा कुनै पनि अग्रसरता देखिएन ।
टूाफिक कार्यालयका लागि आफ्नै जग्गा किन्ने काम महतोको कार्यकालमा भयो । गुठी संस्थानबाट ८ कठ्ठा १५ धुर जग्गा किनेर जिल्ला टूाफिक प्रहरी कार्यालयको आफ्नै भवन निर्माणको प्रक्रिया अगाडी वढ्नु राम्रो कामको रुपमा रहेको छ । त्यसैगरी जटही, धनुषाधाम, र लालगढमा टूाफिक प्रहरीको अस्थायी पोष्ट थपिनु सकारात्मक कार्य हो । अर्को राम्रो काम के हो भने सवारी दुर्घटना न्यूनिकरण गर्नका लागि उनले धनुषाको लालगढमा रिफ्रेस सेन्टरको स्थापना गरे । काठमाण्डौबाट आउने रात्रीकालिन बसहरुलाई त्यहाँ रोकेर आराम गरेर मात्र जाने व्यवस्था गरियो । सबैभन्दा नराम्रो कुरा के हो भने उनको कार्यकालमा नै यातायात व्यवस्था कार्यालयबाट सवारी चालक अनुमति पत्रमा सर्वाधिक घुस लिएर सवारी चालक अनुमति पत्र दिने काम भयो । तसर्थ टूाफिक व्यवस्थापन, सार्वजनिक सवारी साधनहरुमा कर्मचारीहरुद्वारा यात्रुमैत्री व्यवहार, भारतीय नम्बर प्लेटका अवैधानिक सवारी साधनहरुको नियन्त्रण, सरकारी गाडीको दुरुपयोग नियन्त्रण, जस्ता महत्वपुर्ण कामहरु सम्पन्न गराउने दायित्व नबनियूक्त टूाफिक प्रहरी प्रमुख हरिनन्दन चौधरीको काँधमा रहेको छ । उनको लागि फाईदाको कुरा के हो भने उनी यस अघि पनि धनुषामा नेपाल प्रहरीको प्रहरी निरीक्षक भएर जिल्लाका सम्पुर्ण स्थितिबारे पहिले देखि नै अवगत छन् । त्यसैले उनको कार्यकाल कस्तो हुने हो त्यो भने उनको काम गराईले नै पुष्टि गर्ने छ ।


२०७३ पौष २४ गते आईतबार