सिंघानिया हत्यामा सरेश सर्राफ, नबल मुरारका र बृजकुमार यादवलाई प्रहरीले उन्मुक्ति दिन खोजेको छ ः संजय साह

अजय अनुरागी
जनकपुरधाम............

जनकपुरको चर्चित आपराधिक घटनाहरुको मध्ये एक संचार उद्यमी तथा व्यापारी अरुण कुमार सिंघानियाको हत्याको सवालमा नयाँ कुराहरु पनि खुलिरहेका छन् । सिंघानिया हत्याको प्रमुख अभियूक्तहरु मध्येका एक संजय साहले अदालत समक्ष  गरेको बयानका क्रममा नयाँ कुराहरु खुलेका छन् । सिंघानिया हत्या हुँदा अनुसन्धान गर्न आएको केन्द्रिय अनुसन्धान व्यूरो सहितको प्रहरी टोलीले नबल मुरारका, सरेश सर्राफ, मृतक अरुण सिंघानिया र जनकपुर टुडेका सम्पादक बृजकुमार यादवको मोवाइलको कल डिटेल्स नेपाल टेलिकमबाट मगाएको थियो ।तर प्रतिवादी अंशी राईन, योगेन्द्र सहनी, मुकेश चौधरी र राजन मुक्तिलाई पक्राउ गरि सकेपश्चात सरेश सर्राफ, नबल मुरारका र बृजकुमार यादव माथि अनुसन्धान केन्द्रित गरेको स्पष्ट देखिन्छ । तर, हालको २०७२ साल चैत्र तिरको अनुसन्धानको अनुसन्धानकर्ताले बास्तविक अपराधिलाई बचाउन उन्मुक्ति दिन प्रस्तुत अभियोग पत्रमा यी सम्पुर्ण प्रशंग  लुकाएको, गौन पारेको स्पष्ट देखिन्छ, संजय साहले अदालत समक्ष गरेको बयानमा उल्लेख छ ।
धनुषा जिल्ला अदालतका  जिल्ला न्यायाधीश डा. राजेन्द्र कुमार आचार्यको इजलासमा प्रतिवादी संजय कुमार साहले १ मंसिर देखि ३ मंसिर सम्म गरेको बयान जस्ताको तस्तै प्रस्तुत छ ः
स.१ज. मेरो बुवाको नाम साधुशरण साह आमाको नाम दुलारी देवी मेरो नाउ नागरिकतामा संजय कुमार साह उमेर ३९ बर्षको भए पेशा राजनीति गर्छु । घर जिल्ला धनुषा जनकपुर उपमहानगरपालिका वार्ड नं. २ मा पर्दछ । मेरो मोवाइल फोन नं. ९८५४०२०२०७ हो ।
स.२ ज. वादी नेपाल सरकार प्रतिवादी म समेत भएको कर्तव्य ज्यान मुद्दामा कारागार कार्यालय सिरहाद्वारा उपस्थित गराएकोले वयान गर्नका लागि यस अदालतमा उपस्थित भएको छु ।
स.३ ज. मिसिल नाम सुनाइएका जाहेरवालासँग चिन जान छैन । प्रतिवादीहरु मध्ये नामको आधारमा कसैलाई चिन्न सक्दिन जिल्ला प्रहरी कार्यालय धनुषाको हिरासतको क्रममा अधिकार प्राप्त अधिकारी समक्ष बयानको क्रममा ५÷७ जना मानिसलाई चिन्हाउदा अनुहार हेरेपछि प्रतिवादी ओम प्रकाश यादवलाई चिन्हेको छु । प्रतिवादी राम विनोद यादव अदालतमा उपस्थित भए पश्चात गाउँ घरको इष्ट मित्र मसँग कारागारमा भेटन आई मसँग कनकपट्टी गा.वि.स. वार्ड नं. १ मा बस्ने राम विनोद यादव भनी स्मरण( जानकारी) गराएपछि मैले चिन्हेको छु । म यसै क्षेत्रको निर्वाचित जनप्रतिनिधि भएको र मृतक अरुण सिंघानिया पनि यसै बजार क्षेत्रको प्रतिष्ठित उद्योगी व्यवसायी भएकोले मैले चिन्हेको थिए । रिसईवी लेनदेन झै झगडा छैन र म अदालतसँग निवेदन गर्दछु मेरो वयान झुठो र साँचो जाँच्ने पोलिग्राफ यन्त्र वा नार्को प्रविधि प्रयोग गरी सम्मानित अदालत समक्ष मेरो बयान गराई पाऊँ ।
श्रीमान्,
पोलिग्राफ जाँच गराई दिन हुन अधिकार प्राप्त अधिकारी समक्ष वयान गर्दा माग गरेको र साथै मेरो घर परिवारले सार्वजनिक संचार माध्यमबाट सरकारसँग तथा स्थानीय प्रहरी प्रशासन समक्ष सरकारी वकिल, मेरो कानुन व्यवसायी र मानव अधिकारकर्मी तथा पत्रकारको रोहवरमा पोलिग्राफ जाँच गराई दिन गरेकोमा प्रहरीले पोलिग्राफ जाँचको लागि वाध्य भई तयार भए तर कसैको रोहवरमा वयान गराउन मानेनन जवकी प्रहरीको पोलिग्राफ परीक्षण स्वीकृति फाराममा नै साक्षीको रोहवरमा वयान गराउने व्यवस्था गरेको छ र मेरो पोलिग्राफ जाँचको साथै मलाई पोल गर्ने सह अभियूक्त चन्द्रदीप यादव समेतको पोलिग्राफ जाँच गराई दिन माग गरेकोमा तथा प्रहरी प्रधान कार्यालयको च.नं. १२६० मा म निवेदक लगायत अन्य प्रतिवादीहरुको समेत पोलिग्राफ जाँच गर्न खटाइएको भए तापनि प्रहरीले वदनियत पुर्वक मलाई पोल गर्ने सह अभियूक्त चन्द्रदीप यादवको पोलिग्राफ जाँच गरेन । तथापि प्रहरीको तर्फबाट पोलिग्राफ जाँच गर्ने विशेषज्ञ गणेश बहादुर श्रेष्ठले गरेको पोलिग्राफ जाँचबाट म निर्दोष देखिए जो तत्काल कम्प्यूटरले देखाए तर त्यसको रिपोर्टलाई शुरुमा लुकाउन खोजे, अपवाह फेलाउने कोशिस गरे कि संजय साहले पोलिग्राफ जाँच गर्न तयार भएन तर कान्तिपुर लगायतका राष्टिूय र स्थानीय पत्रिकाले पोलिग्राफ जाँच भयो भनी प्रकाशित गरी दिएको कारणले त्यसमा सफल नभएपछि जाँच रिपोर्ट अदालतमा बुझाएन आलटाल गरे तर प्रहरीले मलाई वलजवरजस्ती मुद्दा माथि मुद्दा लगाई फसाई राखेकोले त्यसको विरोध गर्दै सरकारी वकिल कार्यालय मार्फत बयान द्वारा नेपाल सरकारलाई जानकारी गराई म आमरण अनशनमा वसी रहेको कारणले सरकारका समेत ध्यानाकर्षण समेत भएको र प्राविधिक कारणले जाँच रिपोर्ट परिवर्तन गर्न नसक्ने भएको मिति २९ चैत्र २०७२ गतेको पुरानो मिति राखि  २७ बैशाख २०७३ गते अदालतमा जाँच रिपोर्ट नपठाई मात्र एउटा चिठी संजय साहले पुलिसलाई सहयोग नगरेकोले ओपिनियन दिन नसक्ने भनी एउटा चिठी मात्र अदालतमा पठाई दिए जवकी ् पोलिग्राफ जाँच गर्दा ओडियो भिडियो रेकर्ड तथा जाँचको क्रममा बोल्दा वखतको शरिरको जैविक प्रतिक्रियाको ग्राफ रेकर्ड (इसिजी रिपोर्ट जस्तो) सम्पुर्ण सामग्रीहरु प्रहरीसँग रहेको हो भनी पोलिग्राफ परीक्षण स्वीकृती फाराम बुँदा नम्बर ४ बाट समेत प्रष्ट हुन्छ । यी प्रसँगबाट पनि प्रहरीको वदनियत स्पष्ट हुन्छ । तसर्थ सो जाँच सामग्रीहरु पोलिग्राफ रेकर्ड तत्काल झिकाई पाउँ तथा सम्मानित अदालत वा अदालतको रोहवरमा पुनः पोलिग्राफ जाँच गरी पाउँ सो जाँच गर्न लाग्ने सम्पुर्ण खर्च व्यहोर्न तयार छु भनी २३ साउन २०७३ गते च.न.२५२ बाट कारागार कार्यालय डिल्ली बजार मार्फत निवेदन समेत पठाएको सम्मानित अदालतलाई स्मरण गराउन चाहन्छु ।
स.४ मिति १७ फागुन २०६६ गते साझै ६ः३० बजेको समयमा तपाई कहाँ हुनुहुन्थ्यो ? सो दिन अन्य प्रतिवादीहरु र मृतक सँग भेटघाट भएको छ छैन ।
ज.४ मिति २०६६ साल फागुन ९  गते देखि उक्त मितिमा मन्त्री भएकोले ऐ.१९ गतेसम्मको सम्मानिय प्रधानमन्त्री ज्यूबाट स्वीकृत लिई तराईका बारा जिल्ला देखि सप्तरी जिल्लासम्मको भ्रमण, विकास निर्माणको निरीक्षण र पाटी कार्यक्रममा भाग लिन गएकोमा महोत्तरी र धनुषाको कार्यक्रम त्यस भेगको ठुलो धार्मिक उत्सव मिथिला परिक्रमा तथा होली पर्वको कारण हुन नसकेकोले २०६६ साल फागुन १६ गते काठमाण्डौ फिर्ता भई २०६६ साल फागुन १७ गते तराईको परम्परा अनुसार ललितपुर स्थित निजी मन्त्री निवासमा होली मनाई बसेकोमा फागुन १७ गते बसेको थिए । म २०६६ साल फागुन १६ गते देखि नै ललितपुर स्थित रहेकोले अन्य प्रतिवादीहरुसँग र मृतकसँग भेटघाट भएको छैन, होइन ।
स.५ मृतक अरुण सिंघानियालाई को कसले कर्तव्य गरी मारेको हो खुलाई दिनु होला ।
ज.५. मृतक अरुण सिंघानियालाई को कसले कर्तव्य गरी मारेको मलाई थाहा छैन, होइन । तर प्रहरीले तयार पारेको मिसिल अनुसार घटना घटाउने भनिएका प्रतिवादीहरु अंशी राइन, योगेन्द्र सहनीलाई २०७० साल फागुन तिर प्रहरीले निजहरुलाई पक्राउ गरी सार्वजनिक अपराध लगायतका मुद्दा लगाई त्यसको आडमा प्रस्तुत मुद्दाको सन्दर्भमा व्यापक अनुसन्धान गरी प्रस्तुत मुद्दामा प्रतिवादी कायम गरी २०७१ साल बैशाख २३ गते अधिकार प्राप्त अधिकारी समक्ष बयान गराएको देखिन्छ र उक्त घटनाको संचार माध्यममा जिम्मेवारी लिने राजनमुक्ति २०७० साल मंसिर मितर र अर्को जिम्मेवारी लिने व्यक्ति प्रतिवादी मुकेश चौधरी २०७० साल फागुन तिर पक्राउ पर्दा निजहरुमाथि व्यापक अनुसन्धान गरे  पश्चात उक्त घटना आपसी ईषादोष तथा आर्थिक कारणले घटाइएको हो भनी प्रहरीले शुरु देखि गर्दै आईरहेको अनुसन्धानमा थप विश्वस्त भई अरुण सिंघानियाको नजिकका व्यक्तिहरु मुन्ना भन्ने शरेश सरार्फ, जसको मोवाईल नम्बर ९८५४०२०९४७ को तथा जो ठुलो उद्योगपति हुन । जसको घरमा मृतक अरुण सिंघानिया घटना बारदातको दिन विहान ९ः०० बजे देखि २ः०० बजेसम्म बसेका थिए र नवल मुरारका जसले ९८५४०२५०१९ नम्बरको मोवाईल फोन प्रयोग गर्थे र जसको प्लाष्टिक फैक्टूीको सम्बन्धमा राजेश अग्रवालसँग विवाद हुँदा मृतक अरुण सिंघानियाले सो फैक्टूी राजेश अग्रवालको पक्ष लिई दिलाई दिएकोमा पुनः नवल मुरारकाले अरुण सिंघानियालार्य अटेर गरी राजेश अग्रवालबाट फैक्टूी फिर्ता लिएको भनी राजेश अग्रवाल र श्याम सुन्दर अग्रवाल भन्ने श्याम डाकानियाले प्रहरीमा गरेको कागजबाट देखिन्छ र यस सन्दर्भमा विचारणीय के छ भने नवल मुरारकाको घरमा पुजामा सरीक भई वाहिर निष्कीदा अरुण सिंघानियाको हत्या भएको हो र जो श्याम सुन्दर अग्रवाल भन्ने श्याम डोकानियाले प्रहरीमा “माडवारी समुदायको संस्कृत तथा चलन विपरित होलीकोदिन श्याम बावाको पुजा नवल मुरारकाले राखेको थियो” भनी भनेकोबाट सो विषय थप रहस्यमय हुन गएको छ । त्यस सन्दर्भमा थप विचारणिय के छ भने प्रतिवादी अंशी राईन र प्रतिवादी योगेन्द्र सहनीले अधिकार प्राप्त अधिकारी समक्ष गरेको वयानबाट निज प्रतिवादीहरुलाई मृतक अरुण सिंघानिया जनकपुरको शिव चौकमा नवल मुरारको घरमा पुजाको कार्यक्रममा आउँदा भनी सटिक जानकारी निज प्रतिवादीहरुलाई रहेको देखिन्छ । मृतक अरुण सिंघानियाको वारेमा प्रतिवादी अंशी राईन र प्रतिवादी योगेन्द्र सहनी लगायतका प्रहरी शुटर भनिएका व्यक्तिहरुलाई सटिक जानकारी कसरी भयो ? कसले जानकारी गराई रहेको थियो ? सो सन्दर्भमा हालको अनुसन्धानकर्ता नियत वस मौन रहेको छ र यस सन्दर्भमा थप तथ्य के हो भने केन्द्रिय अनुसन्धान व्यूरोको च.नं.२४३ सि.मिति २२ जेष्ठ २०७१ गते नेपाल टेलिकमले पत्राचार गरी नवल मुरारका र सरेश सरार्फ लगायत निज मृतक अरुण सिंघानियाको पत्रिका जनकपुर टुडेको सम्पादक वृजकुमार यादवको मोवाईल फोन नं. ९८५४०२००२५ समेतको कलडिटेलस मगाएको देखिन्छ । जसबाट यी प्रतिवादी अंशी राईन प्रतिवादी योगेन्द्र सहनी प्रतिवादी मुकेश चौधरी र राजन मुक्तिलाई पक्राउ गरी सकेपश्चात निज सरेश सरार्फ नवल मुरारका र वृजकुमार यादव मािथ अनुसन्धान केन्द्रित गरेको स्पष्ट देखिन्छ । तर हालको २०७२ साल चैत्र तिर गरेको अनुसन्धानको अनुसन्धानकर्ताले  वास्तविक अपराधीलाई बचाउन उन्मुक्ति दिन प्रस्तुत अभियोग पत्रका यी सम्पुर्ण प्रसंग लुकाएको गैन पारेको स्पष्ट देखिन्छ ।तेतीमात्र नभई हालको अनुसन्धानकर्ताले वास्तविक अपराधीलाई बचाउन उन्मुक्ति दिन मृतक अरुण सिंघानियाको कलडिटेल्स, शंकास्पदहरु मोवाईलको कलडिटेल्स र मृतकलाई हत्या हुनु भन्दा अगाडी एसएमएस गरेको मानिसको समेतको कलडिटेल्स लुकाएको गौन पारेको देखिन्छ ।
जवकी उक्त कल डिटेल्सहरु मृतकको हत्या पछिको दुई दिन भित्रै प्राप्त गरी सकेको भनी मिति २०६६ साल फागुन १९ गतेको प्रहरी संचारबाट स्पष्ट हुन जान्छ र पछि नेपाल टेलिकमले २४ जेष्ठ २०७२ गते पत्रसाथ पठाएको मोवाईलको कलडिटेल्सको पाना थान १३ समेत लुकाएको देखिन्छ । जो लुकाउनुको एक मात्र उद्देश्य वास्तविक अपराधीलाई बचाएको स्पष्ट हुन्छ । प्रहरीले सो कलडिटेल्सहरु अदालतमा नबुझाएर स्वयम कानुनत अपराध गरी वास्तविक अपराधीलाई उन्मुक्ति दिई प्रहरीले पुर्व मन्त्री एवं सांसदलाई फसाउदा आफु चर्चित समेत हुन पाउने धनाढ्यहरुलाई उन्मुक्ति दिँदा आर्थिक लाभ समेत पाउने रणनीतिबाट मलाई फसाई म जनप्रतिनिधिको रुपमा जनताको पक्षमा प्रहरीको कुकृत्य भ्रष्टाचारीहरुलाई संरक्षण दिने कार्यको विरोध गर्ने गरेको कारणले प्रहरीहरुसँग पटक पटक झडप समेत भई विवाद भएको हो जसको प्रतिसोध स्वरुप समेत मलाई प्रस्तुत मुद्दा प्रतिवादी बनाई फसाएको भनी २०६४सालको प्रथम संविधान सभको सभासदमा निर्वाचित भईसकेपछिका राष्टिू पत्र पत्रिकाहरु लगायतका स्थानीय पत्र पत्रिकाले मेरो प्रहरीसँग भएको झडप र वाद विवाद बारे लेखेको समाचारहरुवाट सहजै सिद्ध हुन्छ । जो सम्पुर्ण पत्रिकाहरु यसै वयानका क्रममा पेश गर्ने नै छु । माथि दर्शाइएका कुरा सम्मानित अदालतमा रहेको मिसिल कागजातबाट नै उल्लेख गरेको छु । यदि थप प्रष्ट पार्नु परे त्यो समेत सोधी पाएमा पुष्टि गर्ने छु । पुर्व जिल्ला अदालतको आदेश बमोजिम सिरहा कारागार मै पठाई भोली पुुनः वयान कार्यको लागि उपस्थित गराई पाउ सिरहा कारागार गरी दिनु हुन अनुरोध छ ।
स.६ प्रतिवादी चन्द्रदीप भन्ने चन्द्रदीप यादवले अधिकार प्राप्त अधिकारी समक्ष गरेको बयानमा तपाई समेत भई मृतक अरुण सिंघानियालाई गोली हानी कर्तव्य गरी मारेको साविति बयान पढी बाची सुनाईन्छ ।सो कसो हो ।
ज.६ प्रतिवादी चन्द्रदीप भन्ने चन्द्रदीप यादवले अधिकार प्राप्त अधिकारी समक्ष गरेको वयान पढी बाची सुनाउँदा सुने उक्त घटना २०६६ साल फागुनमा घटी सकेपश्चात शुरु भएको अनुसन्धान प्रहरीले गर्दै जादा अंशी राईन तथा योगेन्द्र सहनीलाई २०७० साल फागुन तिर पक्राउ गरी सकेपश्चात उक्त घटनाको आपसी इर्षाद्वेष तथा आर्थिक कारणले घटाईएको भनि निष्कर्षमा प्रहरी पुगी त्यही अनुसारको जाहेरी दरखास्त लिएको तथा प्रहरी प्रतिवेदन तयार पारी घटनामा संलग्नहरुलाई प्रतिवादी कायम गरी अभियोग लगायतको देखिन्छ । यी शुरु देखि कै सम्पुर्ण अनुसन्धानमा मेरो नाम कही पनि उल्लेख भएको गरेको छैन । हाल २०७२ चैत्रमा प्रतिवादी चन्द्रदीप यादवबाट म विरुद्ध निज प्रतिवादी चन्द्रदीप यादवबाट अधिकार प्राप्त अधिकारी समक्ष गराएको सवाल जवाफ ९बाट देखिन्छ । निज प्रतिवादी चन्द्रदीप यादवको म विरुद्धको पोल झुठा काल्पनिक रहेको भनि निम्न तथ्य तथा प्रमाणहरुबाट स्वतः स्पष्ट हुन्छ ।
प्रतिवादी चन्द्रदीप यादवले संजय कुमार साहसँग कसरी चिन्ह जान भयो भनी सन्दर्भमा पोल बयान गर्दा स.ज.२ मा भनेको छ कि शुरुमा फोर्म नेपाल (उपेन्द्र यादवको समुह) मा लागेको थिए र स.ज.९ मा भनेको छ कि २०६३ सालको मधेस आन्दोलन हुँदा विरेन्द्र बजार एरियामा नेतृत्व गरेको थिए भनी संजय कुमार साह फोरम नेपालको नेता रहेकोले सोही अवस्थामा चिन्हेको हो भनी मनसायको पोल बयान चन्द्रदीप यादवले गरेको देखिन्छ । तर म संजय कुमार साह २०६३ सालमा मधेस आन्दोलन हुँदा नेपाली कांग्रेस थिए मधेस आन्दोलनको करिब दुई बर्ष पछि पहिलो संविधान सभा निर्वाचनको क्रममा नेपाली कांग्रेसबाट विजय गच्छदार, शरत सिंह भण्डारी लगायतका नेताहरु फोर्म नेपालमा प्रवेश गरे पश्चात निजहरुको आग्रहमा म फोरम नेपालमा प्रवेश गरेको हु जो सर्वविदित सत्य छ जसको पुष्टि फोरम नेपालको सदस्यता रसिदबाट समेत हुन्छ तथा उक्त मितिको पत्र पत्रिका समेतबाट स्पष्ट हुन्छ ।
प्रतिवादी चन्द्रदीप यादवले मृतक अरुण सिंघानियाको हत्या गर्ने जस्तो गम्भीर गोप्य योजनाको कुरा संजय साहले आफु (चन्द्रदीप) सँग किन गरयो भनी स्वकल्पीत झुठा कथा पत्यार लायक देखाउन तथा म विरुद्धको कल्पीत कथाको आधार स्तम्भ कडा गरी भनेको छ कि मधेस आन्दोलनको केही समय पछाडी मेरो (चन्द्रदीप) भाई रविन यादव मोटर साइकल दुर्घटनामा घाइते भएकोमा उपचार गराई ज्यान जोगाउन संजय कुमार साहले महत्वपुर्ण भुमिका खेलेकोले संजय कुमार साहबाट प्रभावित भई संजय साहको नजदिक रही काम गर्न लागेकोले संजय साहले अरुण सिंघानियाको हत्या गर्ने जस्तो गोप्य योजनाकोकुरा भनेको भनी म विरुद्धको पोल गर्नुको साथै निज मृतक अरुण सिंघानियाको हत्या पश्चात संजय साहसँग हत्या गराएको वापतको पैसा(रुपैयाँ) माग्दा भाई रविन यादवको उपचारमा रु. २ लाख खर्च भएको भनि संजय साहले रु. २ लाख रकम समेत कट्टा गरी लिएको भनि भनाई राखी चन्द्रदीप यादवले म विरुद्ध कपोल कल्पित कथाको जग हालेको छ । तर निज प्रतिवादी चन्द्रदीप यादवको म विरुद्धको कथाको जग आधार नै झुठा काल्पनिक रहेको यी तथ्य प्रमाणहरुबाट स्वतः प्रष्ट हुन्छ । सर्व प्रथम निज प्रतिवादी चन्द्रदीप यादवको भाई दुर्घटना २०६३ साल मधेस आन्दोलनको केही समय पछाडी मात्र नभई सो समय भन्दा करिब ५ बर्ष पछि ६ चैत्र २०६७ गते भएको हो ।
जो विर अस्पतालको दर्ता रजिष्टर इन्जुरी वुक र विर अस्पताल २५ जेष्ठ २०६७ मा पत्रबाट समेत सिद्ध हुन्छ । अर्थात निज चन्द्रदीप यादवको भाईको मोटर साइकल दुर्घटना अरुण सिंघानियाको हत्याको १ बर्ष पछाडी भएको स्पष्ट हुन्छ । जसबाट चन्द्रदीप यादवले भनेको हत्या वापतको रकम मध्येको दुई लाख संजय साहले निज चन्द्रदीप यादवको भाईको इलाजमा खर्च भएको भनी संजय साहले कट्टा गरी लिएको भनाई कुन हदसम्मको झुठा काल्पनिक हो सहजै बुझ्न सकिन्छ र निज चन्द्रदीप यादवले अदालतमा आफ्नो (चन्द्रदीपको) भाई रविन यादवको मोटर साइकल दुर्घटना १७ फागुन २०६६ मा अर्थात अरुण सिंघानियाको हत्या भए कै दिन भएको भनी अदालतको विभिन्न स.ज.मा ठोस रुपले दावी लिएकोबाट निज चन्द्रदीप यादवले म विरुद्ध प्रहरीमा गरेको पोल झुठा काल्पनिक रहेको सहजै बुझ्न सकिन्छ । अर्थात चन्द्रदीप यादवको पोल वयानको आडमा अभियोजन पक्षले म विरुद्ध तयार पारेको सम्पुर्ण कथा काल्पनिक झुठा रहेको सिद्ध हुन्छ । निज प्रतिवादी चन्द्रदीप यादवको भाई रविन यादवले विर अस्पताल उपचार गराएको रजिष्टर इजुरी बुकको प्रतिलिपी पाना १ र विर अस्पतालको मिति २५ जेष्ठ २०७३ गतेको पत्र यसै बयान साथ पेश गर्दछु ।
सह अभियूक्त चन्द्रदीप यादवले घटना घटाउने योजना संजय साहसँग मिलि कहिले तथा कसरी बन्यो तयार भयो भनी मिति सन्दर्भमा म विरुद्ध पोल गर्दा भनेको छ कि २०६६ साल फागुनको पहिलो हप्तातिर (मिति एकनि भएन) फोरम नेपाल पाटीको वैठक चली अध्यक्षमा संजय साह उपाध्यक्षमा शेषनारायण यादव सहित जिल्ला कार्य समिति गठन भयो । त्यसपछि लगतै निज संजय साह अर्को ठाउँको कार्यक्रममा जानु भन्दा अगाडी मलाई (चन्द्रदीप) र प्रतिवादी रामविनोद यादवलाई गोप्य कुरा छ भनी छुट्टै छतमा बोलाई अरुण सिंघानियाको हत्या गर्नु छ भनी भनेका थिए । त्यसको २ दुई दिन पछि मैले (चन्द्रदीप) प्रतिवादी रामकरण यादवलाई सुटर खोज्न भनेकोमा सो दिनको २÷३ दिन पछाडी प्रतिवादी रामकरण यादवले सुटर ल्याई दिनपछि सोको जानकारी संजय साहको घर गएर गराएको थिए भनी म विरुद्धको ठोस पोल गरी वयान गरी मिठो कथा तयार पारेको देखिन्छ । तसर्थ उक्त २०६६ साल फागुनको पहिलो हप्तामा म कहाँ थिए ? तथा निज प्रतिवादी चन्द्रदीप यादवले उल्लेख गरेका फोरम नेपाल पार्टीको बैठक उक्त मिति समयमा भएको थियो वा थिएन तथा उक्त मिति समयमा म फोरम नेपाल पार्टीको अध्यक्षमा चयन भएको थिये ? वा थिएन ? र निज प्रतिवादी चन्द्रदीपले शेषनारायण यादव सहितका ४२ जना जिल्ला कार्य समिति उक्त मितिमा बनेको थियो वा थिएन भनी प्रश्नको जवाफ प्रस्तुत मुद्दाको सन्दर्भमा मेरो हकमा सबभन्दा महत्वपुर्ण रहेको देखिन्छ । श्रीमान् सर्वप्रथम म (संजय साह) उक्त मिति अर्थात २०६६ साल फागुनको पहिलो हप्तामा म जनकपुरमा नभई काठमाण्डौमा रहेको थिए । त्यस पछि तराईको जिल्लाहरुमा भ्रमणमा गएको पुष्टि प्रधानमन्त्री तथा मन्त्री परिषदको कार्यालयको मिति १६ जेष्ठ २०७३ मा च.नंं३३(०७२÷०७३(७६७१ बाट र सोही साथमा रहेको तत्कालिन मिति समयको दस्तावेज पाना थान २ बाट सिद्ध हुन्छ र साथै प्रतिवादी चन्द्रदीप यादवले भने जस्तो  २०६६ साल फागुनको पहिलो हप्तामा फोरम नेपाल पार्टीको बैठक वसी अध्यक्षमा म (संजय साह) उपाध्यक्षमा शेषनारायण यादव सहितको जिल्ला कार्य समिति गठन भयो भनी निज प्रतिवादी चन्द्रदीप यादवले गरेको पोल म (संजय साह) उक्त मिति समय तिर काठमाण्डौमा रहेको कारणले निज प्रतिवादी चन्द्रदीप यादवले भने जस्तो म (संजय साह) उक्त मिति समयमा फोरम नेपाल पार्टीमा नभई उक्त मिति भन्दा महिनौं अगाडी फोरम लोकतान्त्रिक पार्टीको तर्फबाट म मन्त्री भएकोबाट समेत निजको भनाई झुठा रहेको स्पष्ट हुन्छ ।
साथै निज प्रतिवादी चन्द्रदीप यादवले भने जस्तो फोरम नेपाल पार्टीको जिल्ला अध्यक्षमा चयन भएको थिएन । तथा उक्त मिति भन्दा महिनौ अगाडी फोरम लोकतान्त्रिक( विजय गच्छदार) पार्टीको संस्थापक केन्द्रिय सदस्य रही निर्वाचन आयोगमा सो पार्टी दर्ता गराएका थिए । सोही पार्टीको तर्फबाट उक्त मितिमा पार्टी केन्द्रिय जिम्मेवारीमा रही पार्टीको केन्द्रिय यूवा विभागका इन्चार्ज समेत रहेका थिए ।अर्थात उक्त मिति भन्दा महिनौ अगाडी देखि कुनै पनि पार्टीको जिल्ला अध्यक्षको हैसियतमा कार्य गरेको थिइन तथा प्रतिवादी चन्द्रदीप यादव भने जस्तो उक्त मिति समयमा म कुनै जिल्ला स्तरीय पार्टीको अध्यक्षको पदमा चयन समेत भएको थिएन र प्रतिवादी चन्द्रदीप यादवले भने जस्तो शेषनारायण यादव भन्ने व्यक्ति मेरो (संजय साह) को नेतृत्वमा गठन भएको फोरम नेपाल नामक पार्टीको महिनौं दिन अगाडी देखि नै फोरम नेपाल (उपेन्द्र यादव)नामक पार्टीको जिल्ला अध्यक्ष भई कार्य गरी रहेको कुराको पुष्टि उक्त मिति समय तिरका पत्र पत्रिकाहरुले लेखेको समाचारहरुबाट सिद्ध हुन्छ । जो पर्याप्त पत्र पत्रिकाहरु अहिले यसै वयान साथ पेश गर्दछु ।
श्रीमान् जब उक्त मितिमा म जनकपुरमा छैन,उक्त मितिमा कुनै बैठक बसेको छैन तथा उक्त मितिमा कुनै पनि पार्टीको जिल्ला अध्यक्षमा म (संजय साह) चयन भएको छैन भनि सिद्ध भईसकेको अवस्थामा निज प्रतिवादी चन्द्रदीप यादव मिटिङ पश्चात लगतै मृतक अरुण सिंघानियाको हत्या गर्ने योजना बनयो भनि गरेको पोल बयान कुन स्तरको कपोकल्पीत कथा हो सहजै बुझ्न सकिन्छ । श्रीमान प्रतिवादी चन्द्रदीप यादवले म विरुद्ध तयार पारेको कपोकल्पीत कथामा २०६६ साल फागुनको पहिलो हप्तामा हत्याको योजना बनेको दुई दिन पछि अर्थात संजय साहले मृतक अरुण सिंघानियाको हत्या गर्न भनेको दुई दिन पछि प्रतिवादी रामकरण यादवलाई हत्या गर्ने मान्छे (सुटर) खोज्न भनेकोमा सो दिनको दुई तिन पछाडी प्रतिवादी रामकरण यादवलेव सुटर ल्याईदिए पछि सो सुटर आएको जानकारी संजय साहको घरमा गएर जानकारी गराएको थिए भने म विरुद्ध गरेको पोल बयान समेत झुठा रहेको देखिन्छ । किनभने सर्वप्रथम निज प्रतिवादी चन्द्रदीप यादवले हत्या गर्ने योजना बनेको मिति सन्दर्भमा भनेको छ कि २०६६ साल फागुन को पहिलो हप्ता (मिति यकिन भएन) हत्या गर्ने योजना बनाई भनि गरेको पोल बयानको यकिन मिति के हो भन्ने तर्फ मिसिलको अन्य कागजात समेतलाई केलाई बिचार गर्दा प्रतिवादी रामकरण यादवले बयानमा उल्लेख गरेको भनाई “ घटना वारदात भन्दा १०÷१५ दिन अगाडी चन्द्रदीप यादवले सुटर खोज्न भनेको थियो ” भन्ने गरेको बयानलाई प्रतिवादी चन्द्रदीप यादवको बयानसँग दाजेर मिलाउँदा तथा प्रतिवादी अंशी राइनले ” घटना बारदात मिति १७ फागुन २०६६ भन्दा १८÷१९ दिन पहिले चन्द्रदीप यादवले जनकपुरमा काम (हत्या) गर्नु पर्दछ” भनि गरेको बयान समेतलाई प्रतिवादी चन्द्रदीप यादवले गरेको बयान” २०६६ साल फागुन पहिलो हप्तामा हत्या गर्ने योजना बनेको” भनि गरेको पोल बयानको मिति यी अन्य प्रतिवादीहरुले उल्लेख गरेको मिति सँग दाजेर मिलाउँदा फागुनको पहिलो हप्ताको २÷३ गते तिरको मिति हुन आउछ र निज प्रतिवादी चन्द्रदीप यादवले सुटर ल्याई दिए पश्चात सो को जानकारी संजय साहको घरमा गएर जानकारी गराएको थिए भनि गरेको पोल बयानबाट म (संजय साह) २०६६ फागुन २÷३ गते देखि फागुन ६÷७ गते सम्म जनकपुर स्थित निवासमै रहेको देखिन आउछ ।
र निज प्रतिवादी चन्द्रदीप यादवले घटना बारदात दिनको विहान तिर समेत म (संजय साह) सँग भेटेको भनि गरेको पोल बयानबाट २०६६ फागुन २÷३ गते देखि २०६६ फागुन १७ गते सम्म म (संजय साह) जनकपुरमै रहेको निजको  पोल बयानबाट देखिन आउछ ।
तर २०६६ साल फागुन १ देखि ९ गतेसम्म म (संजय साह) काठमाण्डौमा रहेको भनि प्रधानमन्त्री तथा मन्त्री परिषदको कार्यालयको ३३÷०७२÷७३(७६७१ बाट तथा भौतिक योजना तथा निर्माण मन्त्रालयको निजी सचिवालयको मिति ६ फागुन २०६६ गतेको च.नं. ६८बाट सिद्ध हुन्छ र १७ फागुन २०६६ गते अर्थात घटना वारदातको दिन म(संजय साह) काठमाण्डौ ललितपुर स्थित निजी निवास तथा तत्कालिन मन्त्रि निवासमा रही होला खेलेको फोटोग्राफमा रहेको मितिबाट र तरार्ई छाडी काठमाण्डौमै मधेसी नेताहरुले होली मनाएको भनि केही पत्रिकाले लेखेको समाचारबाट सहजै सिद्ध हुन्छ ।

२०७३ मंसिर ०५ गते आईतबार