रा.रा.ब. क्याम्पसको परीक्षा पनि उस्तै

 त्रिभुवन विश्वविद्यालय आंगिक क्याम्पसका रुपमा रहेको रा.रा.ब.क्याम्पसमा परीक्षा नियन्त्रित भएको बाहिरी देखावा गरे पनि परीक्षामा चोरी यथावत छ । स्वतन्त्र विद्यार्थी युनियनका पूर्व सभापति उमेश चौधरी भन्छन् “निमुखा र पहुँच विहिन भएका विद्यार्थीहरुको परीक्षा रद्द गरे पनि स्ववियूका मार्फत पैसा र पावर भएका विद्यार्थीहरुको लागि अहिले पनि प्रश्न–पत्र र उत्तर पुस्तिका सजिलै बाहिर आउने गरेको छ, सेटिङ अहिले पनि भइ नै रहेको छ, बरु परीक्षा नियन्त्रण कार्यालय र परीक्षाका नाउँमा कारोबार बनाएका गिरोहहरुका लागि परीक्षा व्यवसाय नै बनेको छ ।”
रा.रा.ब. क्याम्पसका एक प्राध्यापकका अनुसार परीक्षा            नियन्त्रणका निम्ति होम सेन्टर भएको क्याम्पसको केन्द्राध्यक्ष नियुक्ति गर्दा परीक्षा नियन्त्रकले त्यही क्याम्पसको क्याम्पस  प्रमुखलाई केन्द्राध्यक्ष नबनाई आफ्नो तजबिजमा केन्द्राध्यक्षको चयन गर्नु पर्दछ, नीरिक्षकलाई दवावरहित वातावरण उपलब्ध गराउनु पर्दछ, परीक्षामा स्ववियूको हस्तक्षेप बन्द गरी परीक्षा हलमा प्रवेश निषेध गरिनु पर्दछ ।
परीक्षाका लागि आउने रकममा हिनामिना गर्ने उद्देश्यले केन्द्राध्यक्षले नियम विपरित २ सय देखि ३ समय विद्यार्थीमा निरीक्षक राख्ने गर्दछन् र निरीक्षकको संख्या कटौती गरेर निरीक्षक भत्ता, चिया भत्ता सहित हजम गर्ने गरेकाले उक्त कार्य अविलम्ब रोकिनु पर्दछ र प्रति २० विद्यार्थी एक निरीक्षक राख्यो भने त्रिभुवन विश्वविद्यालयको परीक्षा हदै सम्म नियन्त्रण गर्न सकिने परीक्षामा खटने गार्डहरुको भनाई रहेको छ ।


मिति ः २०६८–२–१५