तीन महिना म्याद थप अर्को तीन महिनाको तयारी ः दाहाल

एक्सक्लूसिभ सम्बाददाता
काठमाडौं..................
एनेकमा (माओवादी) का अध्यक्ष पुष्पकमल दाहालले संविधानको मस्यौदा तीन महिनाभित्रै ल्याउन धेरै मिहेनत गरिएको बताउँदै अहिले थपिएको तीन महिनाको अवधि चाहीँ अर्को तीन महिनाको तयारी भएको बताएका छन् । धेरे मेहनत र कसरतपछि तीन महिनामा संविधानको मस्यौदा पनि ल्याउने र शान्ति प्रक्रियाको मूलभूत कामहरु पूरा गर्ने प्रतिबद्धता पाँच बुँदे सहमतिमा आएको अध्यक्ष दाहालले बताए । “राष्ट्रिय सहमतिको सरकारको निम्ति प्रधानमन्त्रीले राजिनामा दिने भनिएको छ, सहमतिको वातावरण बने पछि प्रधानमन्त्रीको राजिनामा भइहाल्छ, “प्रधानमन्त्रीको राजिनामाको प्रसङ्गमा अध्यक्ष दाहालले भने । एनेकपा (माओवादी)का उपाध्यक्ष डा.बाबुराम भट्टराईले प्रमुख तीन दलबीच संविधानसभाको म्याद तीन महिना थप्ने गरी भएको पाँच बुँदे सहमति लोकतान्त्रिक उपलब्धिलाई अघि बढाउने आधार भएको बताए । मधेशी जनअधिकार फोरम (लोकतान्त्रिक)का अध्यक्ष विजय कुमार गच्छदारले ठूला तीन दलले शान्ति, संविधान र राष्ट्रिय सहमतिका लागि प्रतिबता जनाएकाले शान्ति प्रक्रिया र संविधान लेखनो काम तोकिएको तीन महिना भित्र पूरा हुने विश्वास व्यक्त गरे । उनले प्रधानमन्त्री खनाल आफैँले हस्ताक्षर गरेका कारण उहाँले प्रधानमन्त्री पदबाट राजिनामा पनि दिने विश्वास व्यक्त गरे । त्यसैगरी नेपाल कांग्रेस संसदीय दलका नेता रामचन्द्र पौडेलले आइतबार भएको पााच बुँदे सहमति अनुसार प्रधानमन्त्री झलनाथ खनालले तुरुन्त राजनीनामा दिने बताएका छन् । मुख्या तीन दलबीच भएको सो सहमतिमा प्रधानमन्त्रीको राजीनामा पनि उल्लेख छ ।
संविधानसभाबाट बाहिरिने क्रममा सञ्चाकर्मीहरुसित कुरागर्दै नेता पौडेलले तीन महिना भित्र माओवादीले हतियारको साँचो मात्र हैन, हतियार नै सरकारलाई बुझाउने बताए । प्रधानमन्त्री झलनाथ खनालले भने राष्ट्रिय सरकारको विकल्प तयार भए पछि राजीनामा दिने बताएका छन् । कति समय लाग्छ राजीनामाको लागि भनेर सोध्दा उनले मुस्कुाउँदै भने – ‘टाइम त अबै हेर्दे जाऊँ । उनले तीन महिनाभित्र संविधानको पाहिलो मस्यौदा आउने र शान्ति पक्रिया पूरा हुने बताए ।




मिति ः २०६८–२–१५