ट्राफिक व्यवस्थापनमा ऐतिहासिक परिवर्तन

एक्सक्लुसिभ सम्वाददाता
जनकपुरधाम.....................
कुनै बेला जनकपुरमा सवारी चलाउने व्यक्तिहरु नगरको कही पनि पार्किङ गर्न तथा कुनै पनि मार्गमा प्रवेश गर्न पाउँदथे तर अहिले भने ठाउँ–ठाउँमा एकतर्फी पार्किङ, नो इन्ट्री           जस्ता ट्राफिक नियम पालना गर्नु पर्दछ । विक्रम सम्वत २०३९ मा गठन भएको जिल्ला ट्राफिक प्रहरी कार्यालयमा ७ जनाले कार्यालय प्रमुखको जिम्मेवारी सम्हालेका छन् तर ट्राफिक सम्बन्धि जनकपुरमा ऐतिहासिक परिवर्तन हुन करिब २९ वर्ष लाग्यो । १७ फाल्गुण २०६६ मा कार्यालय प्रमुख भएर आएका ट्राफिक प्रहरी निरीक्षक सन्तोष पन्तले देखिने गरि ट्राफिक क्षेत्रमा उल्लेखनिय परिवर्तन गरेर नगरवासीका बीच लोकप्रिय भएका छन् । नगरको मुख्य बजार स्टेशन एरियामा पार्किङ व्यवस्थित गरिएको छ भने विभिन्न चौकमा ट्राफिक बीट स्थापना गरिएको छ । ठाउँ–ठाउँमा ट्राफिक चिन्ह अंकित वोर्डहरु झुन्डाइएका छन् ।             भानु चौक र शिव चौकमा  जेबरा क्रसिङ बनाइएको छ । तर प्रयोगमा ल्याउन            सकिएको छैन् ।
ट्राफिक बीट बनाइए पनि जनशक्ति अभावमा सवै बीटमा ट्राफिक प्रहरी पोष्टीङ गर्न नसकिएको प्रहरी निरीक्षक सन्तोष पन्त भन्छन्, “म आफू लगायत जिल्लामा जम्मा २८ जनाको दरवन्दी छ, जसमा पोर्ताहामा २ जना, महेन्द्रनगरमा ३ जना, ढल्केवारमा ५ जना, जानकी चौकीमा २ जना,    रेल्वेमा २ जना फिक्स           गरिएको अवस्थामा बाँकी १४  जनाले गर्दा नभ्याएको र केही बीट खाली रहने गरेको स्विकार्छन् ।” शिब चौकमा १, जनक चौकमा २, जानकी चौकमा २, पिडारी चौकमा—१ गरी ६ ठाउँमा ट्राफिक बीट बनिसकेको र जिरोमाइलमा एउटा बीट बन्दैछ । नगरको उक्त बीटहरुमा दिन भरी ट्राफिक प्रहरीले ड्यूटी गरे पनि साँझ ५ बजे तिर फर्के पछि शहरको ट्राफिक व्यवस्थापन हुन सकेको छैन् । नगरक्षेत्रमा साँगुरो सडक, फोहोर, व्यवसायीहरुद्वारा अतिक्रमित फुटपाथ च्याप्ने, छाडा अनियन्त्रित पशुपक्षी, ढल–नालाको व्यवस्था नहुनु, नगरको कतिपय घरहरुबाट छतको सिधा पानी सडकमा झार्नु सवारी कसुर गरे पछि जरिवाना तिर्दा मर्यादा नै गुमको मानिसहरु अनुभव गर्नु, ट्राफिक प्रहरीहरु लामो अवधि एकै ठाउँ रहिरहनु, ट्राफिक प्रहरीहरुलाई निरन्तर तालिम, अनुशिक्षणको कमि, श्रोत साधन तथा जनशक्तिको न्यून अवस्था जस्ता समस्याहरुले ट्राफिक क्षेत्रमा सुधार         ल्याउन कठिनाइृ भइरहेको बताइएको छ ।




मिति ः २०६८–२–१५