जनकपुर उपमहानगरपालिकाको जेष्ठ सम्मको खर्च ब्यापक अनियमितता तथा भ्रष्टाचार भएको आशंका

 द एक्सक्लुसिभ सम्वाददाता
जनकपुरधाम............
जनकपुर उपमहानगरपालिकामा गठन भएको स्थानीय सरकारले चालु आर्थिक बर्षको जेष्ठ महिना सम्म कुल ७० करोड १६ लाख १० हजार ३ सय रुपियाँ खर्च गरेका छन् जस मध्ये पुँजीगत खर्च ४७ करोड २९ लाख ८९ हजार ४ सय ९८ रुपियाँ रहेको छ ।
मधेश आन्दोलनको जगमा, मधेशी शहीदहरूको शहादत र आन्दोलनकारीहरूको बलिदानीका भरमा भारी मत अन्तरले दुई तिहाई सीटमा लाल किशोर साहको नेतृत्वले बनाएको उक्त सरकारद्वारा प्रस्तुत गरिएको जेष्ठ मसान्त सम्मको खर्च विवरणले नगरबासी झस्किएका छन् ।
क्रान्तिको बलमा स्थापित सरकारले गरेको खर्चमा ब्यापक आर्थिक अनियमितता तथा भ्रष्टाचार भएको नगरबासीले आशंका व्यक्त गरेका छन् ।
मोदी भ्रमणको खर्च
भारतका प्रधानमन्त्री नरेन्द्र मोदी जनकपुर आउँदा विश्वसम्पदा सूचिका लागि, जानकी मन्दिर, राम मन्दिर सौन्दर्यिकरण तथा ब्यबस्थापनका लागि ४६ लाख ६१ हजार, मिथिला आर्ट प्रतियोगिता तथा वाल पेंटिंग बापत १९ लाख ७६ हजार, कार्यालय परिषर सौन्दर्यिकरण बापत ४ लाख ९९ हजार रुपियाँ खर्च गरिएको छ ।
अन्य खर्च
स्थानीय सरकारका पदाधिकारीको भ्रमण भत्ता बापत १ लाख ६० हजार २ सय र कर्मचारीहरूको भ्रमण बापत ३ लाख ९९ हजार ५ सय २० रुपियाँ खर्च गरिएको छ । अहिले सम्मको बैठक भत्ता बापत नै १७ लाख २० हजार ५ सय रुपियाँ खर्च गरिएको छ । कार्यालय बैठक भत्ता बापत ३१ लाख ६० हजार रुपियाँ खर्च गरिएको छ । संचार महशुल बापत ४ लाख ३८ हजार, बिज्ञापन तथा सुचना प्रकाशन बापत ४ लाख १० हजार रुपियाँ खर्च गरिएको छ ।
छपाई बापत १२ लाख ३३ हजार,कार्यालय सम्बन्धी सामान बापत २० लाख ६६ हजार, वडा कार्यालय मसलन्द बापत १३ लाख ८ हजार,वडा कार्यालय घर भाडा बापत ४ लाख ८० हजार, प्रशासकीय अधिकृत आबास घर भाडा बापत ८० हजार रुपियाँ खर्च गरिएको छ । कम्प्युटर, प्रिन्टर,स्क्यानर,फ्याक्स, तथा अन्य विद्युतीय उपकरण मरम्मत बापत ६ लाख ५७ हजार, सबारी भाडा बापत ३ लाख ९२ हजार रुपियाँ खर्च गरिएको छ । दमकल इन्धन बापत २ लाख २७ हजार ,सफाई साधनहरूको इन्धन बापत २२ लाख,निर्माण तर्फको इन्धन बापत १ लाख १८ हजार, अन्य इन्धन बापत २ लाख ८५ हजार रुपियाँ खर्च गरिएको छ ।
सामाजिक संस्थालाई नगद अनुदान १३ हजार,धार्मिक संरक्षण बापत २ लाख ८५ हजार,लामखुट्टे नियन्त्रणमा १० लाख २५ हजार रुपियाँ खर्च गरिएको छ ।
आन्तरिक ऋणको ब्याज बापत २९ लाख ४१ हजार, स्थानीय शासन तथा सामुदायिक बिकास कार्यक्रम अन्तर्गत २७ लाख १९ हजार,अन्य संस्था तथा व्यक्तिलाई चालु अनुदान बापत १० लाख ७५ हजार रुपियाँ खर्च गरिएको छ ।
सफाई औजार तथा सामग्रीहरू खरिद बापत १२ लाख ६२ हजार,फोहोरमैला ब्यबस्थापन तथा जनचेतना बापत ७ लाख ७३ हजार, बिशेष सफाई तथा दशैं तिहार, बिबाह पंचमी मेला बापत २३ लाख ५९ हजार रुपियाँ खर्च गरिएको छ ।
मेशिनरी औजार तथा अन्य उपकरण खरिद बापत ६ लाख २१ हजार, मेशिनरी औजार तथा अन्य उपकरण मरम्मत बापत ९ लाख १५ हजार, जनकपुर उपमहानगरपालिका कार्यालय अन्तर्गत भवन तथा वडा कार्यालय मरम्मत समेत बापत २६ लाख ३७ हजार रुपियाँ खर्च गरिएको छ । कार्यालय भवन निर्माण बापत ४१ लाख ५१ हजार, सडक बत्ति बापत ८४ लाख ९८ हजार रुपियाँ खर्च गरिएको छ ।
खानेपानी सामग्री बापत ९ लाख १८ हजार, बिभिन्न ठाउँमा कल्भर्ट निर्माण बापत ३ लाख ९२ हजार रुपियाँ खर्च गरिएको छ । वडास्तरीय योजना निर्माण अन्तर्गत २ करोड ६८ लाख, अन्य नगर स्तरीय योजना निर्माण तथा अन्य पूर्वाधार योजना बापत २ करोड २९ लाख ५४ हजार, बिगतका योजनाको भुक्तानी बापत ३१ लाख ८२ हजार रुपियाँ खर्च गरिएको छ ।
परामर्श सेवा बापत ९ लाख ७३ हजार, कान्जी हाउस बापत ४७ हजार,बाल बालिकाको लागि ३० हजार रुपियाँ खर्च गरिएको छ । २५ वडामा कम्प्युटर जडान बापत ९ लाख ६३ हजार रुपियाँ खर्च गरिएको छ ।
नगरपालिका प्रबेशद्वारमा शहीद स्मारक निर्माण बापत ४२ लाख ९५ हजार रुपियाँ खर्च गरिएको छ । एकीकृत शहरी विकास आयोजना सापटी बापत ९ करोड र एकीकृत शहरी बिकास आयोजना पारस्परिक कोष बापत २ करोड रुपियाँ खर्च गरिएको छ । भानु चोकमा रहेको नगरपालिकाको जग्गामा व्यावसायिक भवन निर्माण बापत ४९ लाख २४ हजार, पशु बापत २५ लाख,बिभिन्न आकस्मिक कार्यक्रमका लागि पारस्परिक कोष बापत २ करोड रुपियाँ खर्च गरिएको छ ।
गरीबसंग विशेश्वर कार्यक्रम अन्तर्गत १ करोड ४ लाख,ससर्त अनुदान बापत २२ करोड ७ लाख २५ हजार, बालमैत्री स्थानीय शासन बापत ५ लाख ३० हजार , किशोरी शिक्षा बापत २ लाख ८६ हजार र बिबिध भैपरी आउने तथा मरम्मत सम्बार कोष बापत १ करोड २६ लाख ७० हजार रुपियाँ खर्च गरिएको छ । बिबिध खर्च बापत ३१ लाख ६२ हजार र बिबिध भैपरी आउने बापत १ लाख ३९ हजार  रुपियाँ गरिएको छ ।
पत्रपत्रिका तथा पुस्तक बापत ५ लाख, पुरस्कार बापत १ लाख ५० हजार र नगर सभा संचालन बापत १४ लाख ७४ हजार रुपियाँ खर्च गरिएको छ । पोलियो थोपा लगायत अन्य भिटामिनका कार्यक्रम बापत ५ लाख ८९ हजार, शिक्षा तथा खेलकूद कार्यक्रम बापत ५ लाख रुपियाँ खर्च गरिएको छ ।

२०७५ आषाढ १७ गते आईतबार