ससुराद्धारा ज्वाँई कुटिए

द एक्सक्लुसिभ सम्वाददाता
जनकपुरधाम............
धनुषाको धनुषाधाममा ढल्केवर स्थायी घर भई धनुषाधाममै डेरा बस्दै आएका परमेश्वर महतोमाथि कुटपिट भएको छ । करिब ३८ वर्षीय महतोमाथि धनुषाधाम बजारमै आफनै ससुरा , साला , श्रीमती र सालीले सामुहिक रुपमै कुटपिट गरेको पिडितले जनाएको छ । कामको सिलसिलामा सिरहाको लहानबाट जनकपुर फर्किने क्रममा सोमबार करिब पौने ५ बजे आफनै घर अगाडी उभि रहेको साला विजय महतोले मोटरसाइकल रोक्न लगाएर लागी लगौज गर्न लागेको समयमा विवाद हुँदा साली कविता महतो ,सुसुरा लक्ष्मी महतो , श्रीमती मंजु महतो लगायतले आफुलाई एक्लो पारी कुटपिट गरि गम्भिर बनाएको मंगलवार संचारकर्मीलाई जानकारी दिए ।
 ससुरा लक्ष्मी महतोले इटाले टाउको हानेपछि गम्भिर भएपछि धनुुषाधामका प्रहरीले बचाउ गर्दै स्थानिय क्लिनिक पुप्याएका थिए । प्रहरीले क्लिनिक पुप्याए पनि कुटपिटमा संलग्नहरुलाई पारिवारिक घटना भन्दै वास्ता नगरेको पिडित महतोले गुनासो गरे । टाउको बाहिर चोट नभए पनि भित्री चोट रहेका घाइते महतोको जनकपुर अंचल अस्पतालमा उपचार भई रहेको छ । महतोका अनुसार आफुमाथि गोरुलाई पिटने चामुले समेत पिटेको बताए । तर पिडित महतोका अनुसार आफु र श्रीमती मंजु महतोविच एक वर्षदेखि सम्बन्ध विग्रेको स्विकार गर्दै उनले आफुलाई वेवास्ता गरि आफनो घर परिवारमा आँच आउने काम गर्ने गरेकाले सम्झाउन खोज्दा माइतीकै उक्साहटमा जिल्ला अदालतमा आइतवार सम्बन्ध विच्छेदका लागि निवेदन दिएकी बताए । परमेश्वर महतोकी श्रीमती महिला हकहितका लागि सक्रिय ओरेक नेपालको धनुषाधाम कार्यालय प्रमुख तथा मनोविमर्शकर्ता हुन ।
आफनो नाममा रहेको ढल्केवरको १ कठठा जमिन र धनुषाधाममा किनेको १० धुर जमिन सहित मोटरसाइकल श्रीमती मंजु महतोको नाममा रहेको उनले बताए । पिडित महतोले आफु भारत भ्रमणमा रहेको बेला साहुसंग क्रटणमा एक लाख रुपैया लिए वापत ढल्केवरको जग्गा रजिस्टेशन पास गरेको बेलामा उनले आफनो नाममा नामसारी गराएको बताए ।

२०७१ अषाढ ०८ गते आईतबार