मोओवादीमा अन्तरविरोध हल गर्न नयँ“ प्रयोग मिथिला राज्य समितिको पनि छुट्टाछुट्टै भेला

एक्सक्लुसिभ सम्बाददाता
जनकपुरधाम...........
एकीकृत नेकपा माओवादीले पालुङटारको राष्ट्रिय विस्तारित भेलाबाट मोहन बैद्य किरण समूहको जनविद्रोह पारित गरे पनि त्यस लगतै बसेको केन्द्रिय कमिटीको बैठकबाट जनविद्रोहलाई उल्टयाउदै बावुराम भट्टराई समूहको विचार शान्ति र संविधान पारीत गर्न अध्यक्ष प्रचण्ड पक्षले पनि समर्थन गरे पछि माओवादी भित्रको अन्तरविरोध सतहमा आएको छ । उक्त केन्द्रिय कमिटीको बैठकबाट पार्टीलाई शुद्धिकरण गर्नका निम्ति आ–आफ्ना बिचार तल्लो तह सम्म पु¥याउन अलग अलग गुटको बैठक गर्ने नया विधीको अभ्यास गर्दा नेता तथा कार्यकर्ताहरु बीच झनै दुरी बढन थालेको भए पनि विहीबार रौतहटमा आयोजित भेलामा तिनै नेता एकै मञ्चमा एक साथ उभिएर हामी एक हौंं भन्ने सन्देश दिन खोजेका छन् । मिथिला राज्य समितिमा पनि माओवादी नेताहरुले अलग्गै भेला तथा प्रशिक्षण कार्यक्रम गरेर आ–आफना विचारहरु अगाडी राखेका छन् । गत ३० जेष्ठमा मोहन बैद्य किरण पक्षघरका नेता तथा कार्यकर्ताहरुले सर्लाहीको वयलवासमा मिथिला भोजपुरा राज्य समितिको भेलामा कार्यकर्तालाई प्रशिक्षण दिएका थिए । माओवादी सचिव सिपी गजुरेल तथा स्थायी समिति सदस्य नेत्रचन्द विपल्व, केन्द्रिय सदस्य द्वय महेन्द्र पासवान र कृष्णदेव सिंह दनुवार सहितका केन्द्रिय नेताहरुले उपस्थित करिव ३ सय कार्यकर्ताहरुलाई जनविद्रोहको पक्षमा जानुपर्छ भन्ने विचार राखेका थिए । क्रान्तिकारी, भूमिसुधार, संभियता, दलित आदिवासी, जनजाति, पहाडी, मधेशी, महिला सहितका मौलिक अधिकार पारितका लागि विद्रोह नै एक मात्र विकल्प रहेको नेताहरुले कार्यकर्तालाई प्रशिक्षण दिएको माओवादी केन्द्रिय सदस्य कृष्णदेव सिंह दनुवारको भनाई छ । शान्तिप्रक्रिया र संविधान निर्माण संग–संगै गर्ने कुरालाई प्रचण्ड पक्षले छाडेर शान्तिलाई मात्र प्राथमिकता बनाएको र सेना समायोजन सम्बन्धि धमाधम संशोधनवाद र आत्मसमर्पणवादमा भासेको कारणले गर्दा नेतृत्वमा विमति देखिएको दनुवारले एक्सक्लुसिभलाई बताएका छन् । त्यसपछि प्रचण्ड पक्षधरले १ अषाढमा धनुषाको लालगढमा छुट्टै राज्यसमितिको भेला डाकेर मिथिला राज्य समितिका ४ सय २० सदस्य मध्ये उपस्थित भएका करिव ३ सय सदस्यहरुलाई प्रशिक्षण दिएका थिए ।  मधेशका व्यूरो प्रमुख एवं स्थायी समिति सदस्य गिरिराजमनि पोख्रेल, हरिवोल गजुरेल, श्रवण यादव सहितको नेताहरुले पार्टीमा केही नेताहरु फुट हेर्न खोजेको तथा जनता र कार्यकर्ताका बीचमा भ्रम फिजाइन खोजेको आरोप लगाएका थिए ।  संशोधनवादी, सुधारवादी भन्दै सार्वजनिक गरिएको किरण पक्षको १८ बुँदाको विपक्षमा नेताहरुले धारणा राखे ।
एता बाबुराम भट्टराई पक्षधरका मिथिला राज्य समिति सदस्य देवसागर दास भन्छन्, “विचार समूहको छुट्टा–छुट्टै बैठक बस्नु पर्ने ठाउँमा गुटहरुको बैठक हुन थाले पछि पार्टीका कार्यकर्ताहरु समेत अन्यौलमा परेका छन् । तिनै समूहको विचार एकै ठाउँमा ल्याएर राम्रो विचारलाई लिएर जानु पर्ने ठाउँमा अलग–अलग गुटको वैठकलाई बढावा दिने हो भने पार्टीमा विभाजन हुने खतरा बढेर जान्छ ।”
रुसमा पनि क्रान्ति अन्तिम समयमा पुग्न लागेको बेला मेन्सेभिक र बोलसेभिक दुई समूहमा विभाजन भई आ–आफना विचार अगाडी बढाउने प्रयोग गरे पनि अवस्था खतरनाक रुपमा चित्रीत भयो । यति सम्म भयो कि दूवै समूहका नेता तथा कार्यकर्ताहरुले एक अर्का विरुद्ध भौतिक आक्रमण समेत गर्न थालेका थिए । नेपालको माओवादीको परिपेक्ष्यमा पनि त्यस्तै भयानक अवस्था आउने त होइन भन्ने सवालमा मिथिला राज्य समिति सदस्य रामचन्द्र मण्डल भन्छन्, “पार्टी भित्रको अन्तरविरोध हल गर्न नयाँ विधीको प्रयोग गरिएको भए पनि उक्त अभ्यास असफल भए स्वभाविकै रुपमा अर्को विकल्पको खोजी गरिन्छ । विधी अहिले परीक्षणकालमै रहेको तथा गलत या सही सावित नभइसकेको अवस्थामा उक्त विधीको प्रयोग गर्नु पर्छ ।”
गुटको माध्यमबाट व्यक्तिगत लाभ लिने, पदिय लोलुप्ता तथा आत्मकेन्द्रित सोच बढ्दै गइरहेको बेला माओवादीले शुरु गरेको नयाँ विधीको अभ्यासले शान्ति प्रक्रिया तथा संविधान निर्माणमा समेत असर पर्न सक्ने जानकारहरुको विश्लेषण छ ।

मिति ः २०६८ अषाढ ५ गते