एक्सक्लुसिभ सम्बाददाता
जनकपुरधाम...........
आगामि १४ भदौ सम्ममा माओवादीले सरकारलाई हतियार बुझाएर शान्ति प्रक्रिया सम्पन्न नगरेको अवस्था आए संविधानसभाको म्याद पनि नथप्ने र देशैभरी शान्तिपूर्ण आन्दोलन गर्ने बताए पछि राजनीतिक दलहरुबीच अझै पनि विश्वासको संकट कायमै रहेको देखिएको छ । अडान राख्दै आउने तर ऐन मौकामा चुक्दै गरेको कांग्रेसले फेरी पनि आन्दोलन गर्ने चेतावनि दिए पछि दलहरु बीच राष्ट्रिय सहमति कायम हुनेमा आशंका बढदै गएको छ । कांग्रेसका देशैभरिको जिल्ला सभापतिको गत आइतबार सम्पन्न धुलिखेल सम्मेलन बाट ११ बुँदे घाषणापत्र जारी भए पछि सभापतिहरु जिल्लामा फर्केर अहिले आफ्ना कार्यकतालाई ५ बुँदे सम्झौता बारे सचेत गराउन थालेका छन् । काँग्रेस सर्लाहीका सभापति लक्ष्मण राय भन्छन, “१४ जेष्ठ अघि देशै भरि कांग्रेसले गरेको आमसभाबाट दिइएको जनादेश अनुसार १० बुँदे अवधारणामा कांग्रेस अडिग नभएर अन्तिम समयमा आएर पछि हटेको भए पनि शान्ति प्रक्रियालाई माओवादीले निष्कर्षमा पु¥याउन नचाहेको कारण त्यस पछिको विकल्प तयार गर्न र आन्दोलन गर्न सभापतिहरुले केन्द्रिय सभापति शुशिल कोइरालालाई सुझाव दिएको अनुसार सबै सभापतिहरु जिल्ला तथा क्षेत्रहरुमा आन्दोलनको तयारीमा जुटेको हो ।”
५ बुँदे सम्झौताको पहिलो बुँदा शान्ति प्रक्रियाको मुलभुत कार्य सम्पन्न गर्ने क्रममा दुई हप्ता वितिसके पनि माओवादी नेताहरुले लिदै आएको दोहोरो सुरक्षा प्रणाली हटाउनु भन्दा अन्य कुनै काम नभएका कारण कांग्रेस माओवादी प्रति सशक्ति भएको भन्दै नेपाली कांग्रेसका केन्द्रिय सदस्य विलेन्द्र निधि भन्छन, “दोहोरो सुरक्षामा खटेका माओवादी लडाकूहरु र हतियारहरु २८ शिविरमा जम्मा मात्र भएका छन्, हामी त २८ वटै शिविरहरुबन्द भई समायोजन पुनःस्थापन तथा व्यवस्थापन हुन पर्छ भन्ने पक्षमा छौं तर त्यसको कार्यान्वयन सम्बन्धि माओवादीले कुनै तदारुकता नदेखाउँदा शंका उत्पन्न भए पछि माओवादी प्रति दवाव दिनका निम्ति पनि शान्तिपूर्ण संघर्षको विकल्प रोजिएको हो ।” माओवादी अध्यक्ष पुष्पकमल दाहाल र प्रधानमन्त्री झलनाथ खनाल समेतको हस्ताक्षर भएको ५ बुँदे सहमति कार्यान्वयन गरी १४ भदौ अगावै शान्ति प्रक्रिया टुङ्गोमा पु¥याई संविधानको मस्यौदा जारी गर्ने कार्यका लागि तत्पर गराउने तर्फ नै कांग्रेसको जोड रहेको निधिको भनाई छ ।
सत्ताबाट टाढिएका नेपाली कांग्रेस सत्ता प्राप्तिका लागि उद्दत रहेको बेला आफ्ना कार्यकर्तालाई अल्मलाउन आन्दोलनको घुर्की दिएर प्रतिपक्षी धर्मको भूमिका मात्र निर्वाह गरेको भन्दै एकीकृत नेकपा माओवादीका केन्द्रिय सदस्य एवम महोत्तरी जिल्ला इन्चार्ज समेत रहेका सभासद रामकुमार शर्मा भन्छन् “पार्टी भित्र रहेको अन्तरविरोधका बावजुद शान्ति प्रक्रियालाई पुर्णता दिन जस्तो सुकै कुरबानी दिनु परे पनि पछि नपर्ने अध्यक्ष प्रचण्डले क्लियर र स्ट्रङ्ग मुड बनाई सक्नु भएकाले केही दिन भित्रे शान्ति प्रक्रियाले झन गति लिनेछ ।”
सेना समायोजनकै लागि शिर्ष नेतृत्वलाई प्रदान गरिदै आएको दोहोरो सुरक्षा व्यवस्था हटाएर तिनीहरुलाई शिविर फर्काएर पहिलो पाइलो माओवादीले अगाडी बढाइसकेको भन्दै शर्मा भन्छन, “ मुख्य कुरा सेना समायोजनको मोडलिटीको हो, माओवादीले प्रस्ताव गरेको नेपाल प्रहरी सशस्त्र प्रहरी, जनमुक्ति सेना सहितको मिश्रीत समायोजन र अर्को नेपाली सेनाले प्रस्ताव गरेको अलग्गै निर्देशनालय बनाई समूहगत प्रवेश मध्ये कुन अपनाउने बारे निक्र्यौल गर्नु नै हो ।” मोडालिटीको तय भई सकेपछि माओवादीले प्रस्ताव गरेको १० हजार, एमालले प्रस्ताव गरेको ६ देखि ७ हजार तथा कांग्रेसले प्रस्ताव गरेको ५ हजार लडाकू संख्या मध्ये ८ देखि १० हजारको बीचमा सहमति कायम भई शान्ति प्रक्रिया र संविधानको मस्यौदा पनि भदौं १४ भन्दा पहिले जारी हुनेमा शर्मा विश्वस्त छन् ।
मिति ः २०६८ अषाढ ५ गते
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete