एक्सक्लुसिभ सम्बाददाता
जनकपुरधाम...........
करोडौं रुपियाँको लागतमा निर्माण भएको हुलाकी सडक मर्मत सम्भारको अभावमा सडक जीर्ण बनेको छ । ३ देखि ४ लाख रुपियाँ सम्मको मात्र कार्य भयो भने उक्त सडक फेरी पनि राम्रो अवस्थामा आउने स्थानीयवासीहरुको भनाई छ । हुलाकी सडक तिनकौरिया चौक देखि पश्चिम बेलापट्टिको बलुवा खोला सम्म करिब दुइृ किलोमिटर सम्म सडक पूर्णतः जीर्ण भए पछि यातायात पनि ठप्प भएको छ । त्यसैगरी भोइलमा सडक हिलाम्य भएको छ ।
विगतमा हुलाकी सडकमा माटो तथा ग्रेभलकै लागि एमाले नेता रामचन्द्र झा स्थानीय विकास मन्त्री हुँदा मन्त्रालयको अख्तियारीमा ३ कारोड ९० लाख रुपियाँको काम मन्त्रीमाका भाई विद्याचन्द्र मmाले गराएका थिए । त्यसैगरी अर्थ मन्त्री बाबुराम भट्टराईले माओवादी नेता रामचन्द्र मण्डलको अख्तियारीमा हुलाकी सडकका लागि ३० लाख रुपियाँ निकासा गराएका थिए । सार्वजनिक लेखा समितिका सभापति एवम कांग्रेसका सभासद रामकृष्ण यादवले पनि आफ्नो अख्तियारीमा १० लाख रुपियाँ निकासा गराएका थिए । त्यसै गरि सडक बोर्डको ७ लाख र जिविसको १३ लाख गरी २० लाख रुपियाँ जोगियाराको पुल दुखि दुई सय मिटर पश्चिम सम्म र जोगियारा देखि पूर्व करिव डेढ किलोमिटर सम्ममा प्रभाकर झाले खर्च गरेका थिए । गत वर्ष ४ करोड ५० लाख रुपियाँ खर्च गरिएको उक्त सडकको दुरावस्था सम्बन्धमा सार्वजनिक लेखा समितिका सभापति रामकृष्ण यादव भन्छन्, “केन्द्रमा राजनीतिक अस्थिरताको कारण बजेट रेड बुकमा आए पनि कार्यान्वयन हुन सकिएको छैन । हुलाकी सडकको मर्मत सम्भारका लािग भारतीय राइटस कम्पनीले सर्वे गर्दैछन्, अर्थ मन्त्री भरतमोहन अधिकारी संग पनि सम्बाद थालेका छु, सडक निर्माण भने हुने नै छ ।” जिविस धनुषाका सर्वदलिय संयन्त्रका एक सदस्य तमलोपाका सहसंयोजक परमेश्वर साह भन्छन्, “ एकीकृत माओवादीको आन्तरिक विवाद र स्थानीय विकास अधिकारी सूर्यकान्त झाको घरायसी कार्यका कारण वोर्ड बैठक बस्न सकेको छैन् । वोर्ड बैठक बसे पछि हुलाकी सडक जीर्ण भइरहेको सम्बन्धमा छलफल चलाई योजना बनाउने छौं ।”
राष्ट्रिय योजना आयोगका प्रथम उपाध्यक्ष स्वर्गिय हर्ष बहादुर गुरुङ र तत्कालिन राजा महेन्द्रकै कारण हुलाकी सडकको विकास संग विभेद भएको हो । तत्कालिन राजा महेन्द्रले हुलाकी सडक सम्बन्धि विशेष चासो लिए पनि उपाध्यक्ष गुरुङले मधेशी जनतालाई २ नम्बर नागरिक भनि १ नम्बर नागरिकका लागि पूर्व पश्चिम महेन्द्र राजमार्ग विस्तार गर्नु पर्छ भनेर राजमार्ग विस्तार गरियो र हुलाकी सडक संग विभेद गरियो ।
राणाकालिन समयमा यातायातको सुविधा नभए पनि चिठीपत्रि एक ठाउँबाट अर्को ठाउँमा पु¥याउन हुलाकीहरुले प्रयोग गर्ने गरेको सडकलाई हुलाकी सडक भनेर नामाकरण गरिएको हो । भारतको रक्सौलबाट विरगंज देखि काठमाडौं तर्फ र मधेशका जिल्लाहरुका लागि हुलाकीहरु पैदलै हिंडेर चिठी पु¥याउने गर्दथे । हुलाकीहरु एउटा काँधमा भाला र चिठी पत्री राख्नुका साथै अर्को हातमा झुनझुना बाँधेको लठी टेकेर रातको समयमा पनि जाने गर्दथे । हुलाकीको लठीमा बाँधिएको झुनझुनाको आवाजले स्थानीयवासी हुलाकी गइरहेको भान पाउँथे । त्यतिबेला चोर तथा डाँकाहरु समेतले राती हुलाकी हिडंदा केही पनि गर्दैनथे । यति सम्मकी हुलाकीलाई हिंडन सजिलो होस भन्न ठानेर सडकमा भएका घाँस काटन पनि वर्जित थियो । घास काट्यो भने माटो बग्न सक्ने हुनाले त्यति सावधानी वर्तेको थियो । तर अहिले उक्त सडकमा करोडौंको लागत लागे पनि सडक जीर्ण हुँदा सम्बन्धित निकायले ध्यान नदिएकै कारण सडकमा आवागमन प्रभावित भएको छ । जनकपुरको कदम चौक देखि धनुषाको बलहा सगहारा सम्म करिब २७ किलोमिटरको दुरीमा दैनिक ५ देखि ७ वटा बस, सयौं ट्रैक्टर,मोटरसाइकल सहित करिब १ हजार भन्दा बढी यात्रुहरु साइकलमा आवतजावत गर्ने गर्छन् । बेलैमा सम्बन्धित निकायले हुलाकी सडक सम्बन्धि गम्भिर हुन जरुरी छ । जिविसमा सडक मर्मत सम्भार कोषबाट पनि उक्त सडकको मर्मत गर्नु पर्दछ ।
मिति ः २०६८ अषाढ ५ गते
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete