साइकलमा मोटरसाइकल

Add caption

द एक्सक्लुसिभ सम्वाददाता
जनकपुरधाम............
नेपालमा मोटरसाइकल हुन त धेरै जसो व्यक्तिहरुले चढ्ने गरेका छन् । खास  गरी यूवाहरुको लागि सबै भन्दा आकर्षक र पहिलो आवश्यकताको रोजाईको बस्तु भनेकै मोटरसाइकल हो । मोटरसाइकल नेपालमा धेरै महँगो छ । सामान्य मानिसले मोटरसाइकल किन्न सक्ने हिम्मतै गर्न सक्दैनन् । त्यस्ता मानिसहर साइकलमै सबारी गरेर संतुष्टि लिई रहेका हुन्छन् । तर, यदि पैसा छैन भने मोटरसाइकलै किन्नुपर्छ भन्ने छैन । साइकललाई पनि मोटरसाइकल बनाउन सकिन्छ । तपाईलाई विश्वास नलाग्ला । साइकलमा पनि कहिँ मोटरसाइकल हुन सक्छ ? तर, महोत्तरीका एक जना अनपढ युवकले साइकलमै मोटरसाईकल जस्तै गुड्ने पृथक खालका साईकल बनाएका छन् । महोत्तरी महदैया ५ तपनपुरका २३ वर्षीय अशोककुमार सहनीलले सो साईकल बनाएका हुन् ।  
 

खेतमा सिँचाई गर्ने सानो मोटर (दमकल)को ईन्जिन प्रयोग गरेर उक्त साईकल बनाएर चढ्ने गरेका छन् । मोटरसाईकल जस्तै गुड््ने साईकल मट्टी तेलबाट चल्ने गर्छ । सहनीका अनुसार एक घण्टामा एक लिटर मट्टी तेल खपत हुने साईकल प्रति घण्टा ४० कि.मि. दुरी पार गर्छ ।  
सहनीले सो साईकल चार दिनको प्रयास पछि गएको जेठ १७ गते पूर्ण रुपमा तयार पारेर चढ्न थालेका छन् । पूर्ण रुपमा अनपढ सहनी दुई वर्ष अघिदेखि यस्तो साईकल बनाउने सोच बनाएको भएपनि आर्थिक अभावको कारण ले नत साईकल किन्न सकेका थिए नत ईन्जिन र चाहेको सामग्रीहरु ।
 

तर पछिल्लो समय हाउस वाईरिंग र ज्याला मजदुरी गरी जोडेको रुपैयाँबाट साईकल , सिँचाई गर्ने पुरानो मोटर , अन्य फलामका सामग्रीहरु किनेर बनाउन आफ्नो सपनालाई साकार पार्न उनी सफल भए । 
साईकलको सिस्टम मोटरसाईकल जस्तै देखिएपनि दुवैको तुलनात्मक रुपमा धेरै नै भिन्नता रहेको छ । साईकलमा मोटरसाईकल जस्तै साईलेन्सर , सेल्फ, क्लच, अगाडीको लाईट सबै छन् ।
 

साईकलमा जम्मा खर्च १३ हजार रुपैया लागेको सहनीले बताएका छन् । सहनीे अनपढ भएर पनि पृथलक खालका साईकल बनाएपछि गाउँघरका मान्छेहरु दंग परेका छन् । सहनी बाटोमा साईकल गुडाउँदा हेर्नेहरुको लर्को लाग्ने  गरेका छन् । आफुले तयार गरेको साईकल हेर्न मान्छेहरुको भीड लाग्ने गरेपछि आफ्नो खुसीको सीमा नरहेको सहनीको भनाई छ ।  सहनीले एक वर्षअघि घर मै सानो साईकल पसल खोलेको र पछि मुम्बई गएर मजदुरी गएर फर्केको बताउँदै अहिले गाउँघरमै हाउस वाईरिंको काम गर्ने गरेका छन् ।
 

२०७२ जेष्ठ ३१ गते आईतबार