बुवाले घर हडप्न खोजेको छोरीको आरोप

द एक्सक्लुसिभ सम्वाददाता
जनकपुरधाम............
छोरीले दुःख गरी बनाएको घरसहित घडेरी बुबाले बेईमानी गर्न खोजेपछि छोरीले न्याय माग्दै प्रहरीमा उजुरी दिएकी छन् । जनकपुर उपमहानगरपालिका ४ की मिनु झाले आफुले तीन धुर घडेरी किनेर सो जग्गामा बनाएको तीन तल्ले घर आफ्नै बुबाले बेईमानी गर्न खोजेको भन्दै जिल्ला पहरी कार्यालय अन्तरगत रहेको महिला तथा बालबालिका कार्यालयमा  उजुरी दिएकी हुन् ।

श्रीमान दिपेन्द्र झाको २०६६ सालमा सवारी दुर्घट्नामा परी निधन भएपछि ससुरामा अंशबण्डा नभएको अवस्थामा आफ्नो बुबा जनकपुर उपमहानगरपालिका ४ दुर्गा मन्दिर टोल बस्ने महेश मिश्रको नाममा किनेको तीन धुरी घडेरी बुबाले बेईमानी गर्न लागेको मिनुको भनाई छ । उनले भनिन् ‘ श्रीमानको सवारी दुर्घटनामा निधन भयो , अंशबण्डा हुँदा घरपरिवारमा पछि समस्या हुन्छकी भनेर आफ्नै बुबाको नाममा जउनपा ४ गोलका फुलवारी स्थित तीन धुर जग्गालिएर दुःख गरी गरी घर बनाए ।

अव बुबा यो जग्गा तिम्रो हैन भनी भनि राख्नु भएको छ । मेरो त कमाउने पनि कोहि छैन । अव कहाँ जानु ।’ आफ्नी १४ वर्षकी एक छोरी ९ कक्षामा पढी रहेको र अव छोरीको पढाईमा पनि बाधा पर्ने भन्दै मिनुले चिन्ता व्यक्त गरिन् । ‘बुबाले पनि यसरी सम्पति बेईमानी गर्नु हुन्छ भन्ने मैले सपनमा पनि सोँचेकी थिइन’ भन्दै मिनुले भनिन् ‘ अव को माथि विश्वास गर्नु । श्रीमान् वितेको अवस्थामा माईतले सहयोग गर्नुको साटो भएभरको सम्पति पनि बेईमानी गर्न खोज्नु म माथि सारो अन्याय गर्न लागेका छन ।

बुबाको नाममा किनेको तीन धुर घडेरीमा विभिन्न संघ संस्थाहरुमा काम गर्दै दुःख गरी तीन तल्ले घर बनाएको मिनुको भनाई छ । सो तीन धुरमा बनाएको घरसहित घडेरी बुबाले छोरा आर्थात आफ्नो भाई डा.रविन्द्र मिश्रको नाममा लेख्न खोजेको मिनुले बताईन् ।
    मिनुले न्यायको लागि पहल गरिदिन महिला अधिकारबादी संघ संस्थाहरुमा निवेदन दिनुको साथै सबै पक्षलाई सहयोग गरिदिन गुहार गरेकी छन् ।

२०७२ जेष्ठ ३१ गते आईतबार