अनशनकारीहरुको अवस्था चिन्ताजनक हुँदै अनिश्चितकालिन जनकपुर बन्दको आह्वान

आमरण अनशनमा बसेका तीनै जना अनशनकारीहरुको स्वास्थ्स्य अवस्था चिन्ताजनक भएपछि स्लाइन पानी चढाइएको छ ।

द एक्सक्लुसिभ सम्वाददाता
जनकपुरधाम............
आमरण अनशनबाट पनि  राज्यले माग प्रति कुनै चासो नलिएपछि जनकपुर उद्योग बाणिज्यसंघले अनशनसँगै अनिश्चितकालिन जनकपुर बन्द गरी आन्दोलनलाई थप सशक्त बनाउन अगाडी वढेको छ ।
 जनकपुुर उद्योग बाणिज्य संघका अध्यक्ष शिवशंकर साह हिराका अनुसार संघका पदाधिकारीहरु आमरण अनशनमा बसेको ४ दिन वितिसक्दा पनि सम्बन्धित निकायले चासो नदेखाएपछि आम हडतालको विकल्प रोज्न बाध्य बनाइएको हो । साहका अनुसार आफुहरुले उठाएको मागको सुनुवाई गर्न उर्जा मन्त्रि वा उर्जा सचिव वा नेपाल विद्युत प्राधिकरणका निर्देशकले आएर वार्ता गरी लिखित सहमति नगरुन्जेलसम्म आन्दोलन सशक्त हुनेछ ।
 

हुन त धनुषाका प्रमुख जिल्ला अधिकारी कृष्ण प्रसाद ढुङगाना, प्रहरी उपरीक्षक गणेश बहादुर थापा क्षेत्री, जनकपुर विद्युत प्राधिकरण वितरण केन्द्रका प्रमुख जितेन्द्र झा र जनकपुर उपमहानगरपालिकाका कार्यकारी प्रमुख अनशन स्थलमा पुगेर अनशनकारीहरुलाई अनशन तोड्न आग्रह गरिसकेका छन् । यिनीहरुको अनशन तोडाउन र मागको सुनुवाई गराउन तपाईले के कस्तो पहल गर्नुभयो भन्ने सवालमा धनुषाका प्रमुख जिल्ला अधिकारी कृष्ण प्रसाद ढुङ्गाना भन्छन,“ हामीले सहजकर्ताको रुपमा अनशनकारी संग वार्ता र छलफल गरि नै रहेका छौं । उर्जा मन्त्रालयसँग सम्बन्धित उच्च तहका व्यक्तिहरुसँग समेत समन्वय गरी मागका बारेमा जानकारी गराई सकेका छौं । यति नै दिनमा उहाँहरुको माग पुरा भईहाल्छ र अनशन नै तोडिनै दिनुहुन्छ भन्ने कुराको यकिन तिथी मिति त भन्न सकिन्न् । तर, चाँडै अनशन तोडनु हुनेछ भन्ने मेरो विश्वास भएको छ ।”
 

नेपाल विद्युत प्राधिकरण जनकपुर वितरण केन्द्रका प्रमुख जितेन्द्र झाका अनुसार अनशनकारीहरुले उठाएको माग जायज हो र त्यो मागको सम्बोधन गराउनको लागि आफु क्षेत्रिय कार्यालय मुजेलियाका निर्देशक रामचन्द्र पाण्डे, विद्युत प्राधिकरण केन्द्रका केन्द्रिय कार्यकारी निर्देशक मुकेश काफ्ले, भारप्रेषण केन्द्रका निर्देशक भुवन क्षेत्रीसँग निरन्तर कुराकानी गरिरहेको छु । शनिबार साँझसम्ममा केही न केही समझदारी हुने विश्वास राखेको छु । झाका अनुसार शनिबार नेपालको राष्टिूय ग्रिडको लाइन जनकपुरमा सप्लाई गरिएको छ । सुख्खा मौसम भएपछि विद्युत उत्पादनका स्रोतहरु अवरुद्ध भएपछि उत्पादनमै कमी आउन थालेपछि राष्टिूय ग्रिडको लाइनबाट जनकपुर बञ्चित हुने गर्दछ ।
विगत ६ महिना देखि जनकपुरमा भारतीय लाइन सप्लाई गरिएको हुनाले जनकपुरमा अनियमित लोडसेडिङ र लो भोल्टेजको समस्या आईरहेको स्वीकार गर्दै वितरण केन्द्रका प्रमुख झा भन्छन,“ जनकपुरको विद्युतमा देखिएको समस्या समाधान गर्नका लागि मैले प्रमुख जिल्ला अधिकारी समक्ष ६ महिने कार्य योजना प्रस्तुत गरेको छु । जिल्ला प्रशासन कार्यालय धनुषाको एक जना प्रशासकिय अधिकृतको संयोजकत्वमा उद्योग बाणिज्य संघका सदस्य समेत गरि ५ दलिय अनुगमन समिति पनि बनेको छ । उक्त कार्य योजना कार्यान्वयन भयो भने सबै समस्या समाधान हुनेछ ।”
 

जनकपुर उद्योग बाणिज्य संघले जिल्ला प्रशासन कार्यालयमा प्रस्तुत गरेको ४८ घण्टे अल्टिमेटम लगतै प्राधिकरण प्रमुख झाले उक्त कार्ययोजना प्रस्तुत गरेको थियो । कार्य योजना अनुसार तारको क्षमता अभिवृद्धि गर्ने, टूान्सफर्मरको क्षमता अभिवृद्धि गर्ने, चुहावट नियन्त्रण गर्ने, लाइन टिूप भएपछि एउटा फ्यूज जडान गर्नका लागि पुरै सहरको विद्युत सप्लाई ठप्प गर्नुपरेको समस्या समाधानका लागि एमसिसिबी जोड्ने लगायतका कार्यक्रमहरु रहेको छ ।
 

अनशनकारीहरुले उठाएका मागहरु मध्ये दुईवटा माग उर्जा मन्त्रालयसँग सम्बन्धित रहेको छ भने एउटा माग जनकपुर उपमहानगरपालिकाको कार्यालयसँग सम्बन्धित छ । लामखुट्टेको आतंकबाट मुक्ति दिलाउनु पर्ने भन्ने माग उपमहानगरपालिकासँग सम्बन्धित रहेकाले तपाईले के गरिरहनु भएको छ भन्ने सवालमा जनकपुर उपमहानगरपालिकाका कार्यकारी अधिकृत पुन्य प्रसाद लुइटेल भन्छन,“ लामखुट्टेलाई मार्नका लागि हामीले मच्छर मार्ने औषधि छर्कने काम सुरु गरिसकेका छौं । मट्टीतेल, पुरानो मोविल, सर्प आदि मिसाएर प्रारम्भमा लामखुट्टेको लार्भाहरुलाई मार्ने प्रयास गरेका छौं । त्यसपछि फगिङ मेसिन आफुहरुसँग उपलब्ध नरहेकाले कि त अरु ठाउँबाट मगाउनु पर्यो वा त्यो हुन नसके हामी जिल्ला जनस्वास्थ्य कार्यालय धनुषासँग समेत समन्वय गरी अगाडी वढ्ने छौं ।” कार्यकारी अधिकृत लुईटेलका अनुसार सुरुमा लार्भा मार्ने अभियान ७÷८ दिनसम्म सहरका मुख्य सडकहरुमा र त्यसपछि अन्य वस्तीहरुमा लगिने छ । त्यसका अतिरिक्त ढलहरुको सर सफाई सँगै सहरलाई सफा राख्ने अभियान पनि अगाडी वढाइने छ ।
 

अनियमित लोडसेडिंग एवं लो भोल्टेजबाट मुक्ति पाउनका साथै नेश्नल ग्रिडमा जनकपुरलाई जडान गर्नु पर्ने र लामखुट्टेबाट मुक्ति पाउनु पर्ने दुई सुत्रिय माग सहित संघका पदाधिकारीहरु आमरण अनशन बसेका हुन् ।
संघका वरिष्ठ उपाध्यक्ष विजयकुमार साह,सचिव सुरेन्द्र भण्डारी र कार्यकारी सदस्य फुलदेव पण्डित लगायत तीन जना पदाधिकारी गत बुधबारबाट जनकपुरको जनकचोकमा अनशन बसेका छन् । लामो समयदेखि जनकपुरमा तालिका भन्दा बढी अनियमित लोडसेडिंग हुँदै आएको र सम्बन्धीत निकायमा पटक(पटक समस्यासमाधानको लागि जानकारी गराउँदासमेत वेवास्ता गरेकोले बाध्य भएर आन्दोलनमा उत्रिनु परेको संघका अध्यक्ष शिवशंकर साह हीराको भनाई छ ।
 

 चर्को गर्मीको समयमा अनियमित लोडसेडिंग एव कम भोल्टेजको समस्या र जनकपुरमा  लामखुट्टेको संक्रमणले जनकपुरबासी पिडीत र ज्यानसमेत जानसक्ने अवस्था आईसकेकोले संघ नै आन्दोलनमा आउनु परेको साहको भनाई छ ।
 

यता अनशनमा बसेकाहरुको स्वास्थ्य अवस्था चिन्ता जनक हुन थालेपछि अनशनकारीहरुलाई स्लाइन पानी चढाइएको छ । जनकपुर अञ्चल अस्पतालबाट चिकित्सक पठाई तिनीहरुलाई स्लाईन पानी चढाइएको हो । यसका अतिरिक्त अस्पतालले अनशनकारीहरुको स्वास्थ्य अवस्था अवजरभेशन गर्नका लागि स्वास्थ्यकर्मीहरुको चौविसै घण्टा टोली खटाएको छ । अञ्चल अस्पतालका विकास समितिका अध्यक्ष डा.नागेन्द्र प्रसाद यादव आफै अनशन स्थलमा पुगेर अनशनकारीहरुको स्वास्थ्य अवस्थाबारे जानकारी लिएका थिए ।
 

यता आमरण अनशन प्रति गणेश यूवा कमिटि, राम यूवा कमिटि, राजदेवी यूवा कमिटि, रामानन्द यूवा क्लब, नेपाल बार एसोशिएशन, धनुषा मुस्लिम यूवा समाज, धनुषा फोटो ग्राफरसंघ लगायत थुप्रै क्लब तथा संघ संस्थाहरुले समर्थन जनाएका छन् । केही यूवा क्लवहरुले समर्थन जनाउँदै विभिन्न चौकहरुमा टायरबाली विरोध प्रदर्शन समेत गरेका थिए ।

२०७२ जेष्ठ ३१ गते आईतबार