अस्पतालको कर्मचारीद्वारा पत्रकार अनुरागीलाई दुवर््यवहार

जनकपुर अञ्चल अस्पतालमा परिवार नियोजनका
लागि काउन्सलिङ गर्दै काउन्सलर जय कुमार झा ।
१४ पुष २०७० मा उक्त तस्वीर सहितको समाचार
 द एक्सक्लुसिभमा प्रकाशित गरिएको थियो ।

द एक्सक्लुसिभ सम्वाददाता

जनकपुरधाम............

जनकपुर अञ्चल अस्पतालको आर्थिक अनियमितता र अवैध कर्मचारी नियूक्ती सम्बन्धी द एक्सक्लुसिभ साप्ताहिकले निरन्तर खुलासा गर्दै आएको छ । यस अघि ५ असोजमा  पनि अस्पतालको अनियमितता विषयमा समाचार प्रकाशित गरिएको थियो । त्यसपछि ८ असोजमा समाचार फलोअप गर्न पुगेका द एक्सक्लुसिभका सम्पादक अजय अनुरागीलाई अस्पतालमा कार्यरत एक कर्मचारी जयकुमार झाले दुवर््यवहार गरेका थिए । मेरो बारेमा समाचार लेख्ने तैले हिम्मत कसरी गरिस्, को सँग सोधेर मेरो बारेमा समाचार लेखिस्, त विरुद्ध अदालतमा मानहानीको मुद्दा चलाउछु, आफुलाई डन ठान्छस्, गुण्डा ल्याएर ठीक पार्न सक्छु भन्दै परिवार नियोजन संस्थागत कार्यक्रममा कार्यरत कर्मचारी जयकुमार झाले पत्रकार अनुरागीलाई गाली गलौज गर्न थाले । त्यसपछि पत्रकार अनुरागीले तपाई बारे लेखिएको समाचारमा यदि तपाईलाई चित्त बुझेको छैन भने तपाई प्रेस काउन्सिल, नेपाल पत्रकार महासंघ र अदालत सम्मको कानुनी उपचार खोज्न सक्नु हुन्छ र तपाईलाई जे गर्नु छ गर्नुस् तपाई त्यसको लागि स्वतन्त्र हुनुहुन्छ भनेर पत्रकार अनुरागीले जवाफ दिएका थिए । रह्यो कुरा समाचार दिने व्यक्ति सूचना अधिकारी दिवाकर प्रकाश थापा र दिपक कुमार ठाकुर सँग सोध्नुस, उनैले जानकारी दिएको भन्दै पत्रकार अनुरागी अस्पतालको प्रशासन कार्यालयबाट बाहिरिए । अनुरागीसँगै पछि पछि आएका झाले तलाई मोटरसाइकल कसाई दिनुप¥यो, विल्डिङ पिटाई दिनु प¥यो, कामेश्वर झा र मनिष झाले उक्साएर समाचार लेखेको परिणाम तैले भोग्नु पर्छ भन्दै उनले चेतावनी दिए ।

जनकपुर अञ्चल अस्पतालका निमित्त मेसु डा.बलराम मिश्रले नियम विपरित प्रक्रिया नपु¥याई जयकुमार झालाई परिवार नियोजन संस्थागत कार्यक्रममा काउन्सलर पदमा तीन महिने करारमा नियूक्ती दिएको समाचार प्रकाशित गरिएको थियो । उनीसँगै धेरै कर्मचारीहरुको अवैध नियूक्तीका बारेमा समाचार प्रकाशित भएपनि जय झा यसरी किन दुवर््यवहार र धम्की दिनुका साथै पत्रकार अनुरागीको बारेमा घुस माँगेको दुसप्रचार गर्न लागेको खोजी गर्न जाँदा के तथ्य पत्ता लाग्यो भने लोक सेवा आयोगले केही दिन अघि मात्र सोही शाखाको काउन्सलर पदमा कल्पना गुरुङलाई पठाएको छ । उनी हाजिर भएपछि स्वतः झाको पद खारेजी हुने भयो । कर्मचारीहरुका अनुसार धेरै कर्मचारीहरुले उक्त कुरा बुझ्ने भएपछि आफ्नो पर्दाफास हुने कारण उनी आक्रोशित भएका थिए ।

यस अघि पनि काउन्सलर पदमा लोक सेवा आयोगको जाँच उत्तिर्ण गरी मन्त्रालयबाट पदस्थापना गरी मुकेश अधिकारीलाई २०६७ सालमा काउन्सलर पदमा खटाइएको थियो । तर, केही महिना अधिकारीले काम गरे पछि तत्कालिन मेसु डा.गौराङ्क मिश्रले अधिकारीलाई बोलाई एउटा चिठ्ठी थमाए । उक्त चिठ्ठीमा तपाईको पद यहाँ नभएको कारणले तपाईलाई मन्त्रालयमा फिर्ता जान जानकारी गराईन्छ भनेर मेसु मिश्रले पत्र लेखेका थिए । रोचक प्रशंग के हो भने सोही पत्रमा के पनि लेखिएको थियो भने तपाईले काम गरेको पदमा जयकुमार झालाई नियूक्त गरिएको जानकारी समेत गराइन्छ । यसरी नेपाल सरकारको कर्मचारीलाई अधिकार विपरित मेसुले पत्र दिएपछि अन्याय परेको भन्दै पुनरावेदन अदालत जनकपुरमा अस्पताल, मेसु डा.गौराङ् र जयका विरुद्ध अधिकारीले १६ पुष २०६७ मा निषेधाज्ञा मुद्दा दर्ता गराएका थिए । अधिकारीको तर्फबाट बहस गरेका अधिवक्ता चन्द्रकिशोर शर्मा मैनाली भन्छन,“ मेसुले पद र अधिकारको दुरुपयोग गरी हुनै नहुने कुरा पनि गरेका थिए । तर, पुनरावेदन अदालतबाट तत्काल हाजिर गराउनु भनी अन्तरिम आदेश जारी ग¥यो र, पछि आदेशबाट पनि अधिकारीको पद र जागिर यथावत राखि हाजिर गराई सम्पुर्ण तलब भत्ता उपलब्ध गराउनु भनेर आदेश आएपछि उनको जागिर यथावत रहेको थियो ।” यति भईसके पछि पनि झाले अधिकारीको घरमा गएर थर्काउने गरेका थिए । के पनि भनिन्छ भने अधिकारीले आफ्नो तलबबाट आधा तलब झालाई बाध्यतावस दिनु परेको थियो । मुख्य कुरा के हो भने काउन्सलर पद सुब्बा सरह हो । त्यसको लागि स्टाफ नर्स वा हेल्थ असिस्टेन्ट उत्तिर्ण गरेकै हुनुपर्छ । तर, उनी न त स्टाफ नर्स हुन न त हेल्थ असिस्टेन्ट । सपहीको एउटा स्वास्थ्य संस्थाबाट ८ दिने तालिमको प्रमाण पत्रको आधारमा प्राविधिक क्षेत्र रहेको अञ्चल अस्पतालको परिवार नियोजन शाखामा उनी कार्य गरिरहेका छन् । अब त्यसको जवाफ त जनतालाई मेसुले दिनुपर्ने हो कि उनी काउन्सलर पदका लागि कसरी योग्य भए ?

यति मात्र होइन, झा सधै क्यामरा लिएर कार्यालय जाने र कर्मचारीहरुलाई समेत थर्काउने गरेको केही कर्मचारीको भनाई छ । डा.लखन लाल साह मेसु भएर आएपछि थुप्रै कर्मचारीहरुलाई हटाएका थिए । सोही बेला झा पनि हटेका थिए । झा त्यसपछि बैदेशिक रोजगारीका लागि थाइलेन्ड गएर समेत फर्केर अस्पतालमा छिरेका हुन । झाको दाई विनोदानन्द झा नेपाली कांग्रेसका नेता भएका कारण उनको नामको प्रभावलाई भजाएर कुनै पनि मेसु र विकास समितिको अध्यक्षका नजिक पुग्ने उनको स्वभाव रहेको छ । यसका अतिरिक्त उनी जनकपुर अञ्चल बस व्यवसायी संघमा समेत काम गर्छन । दुर्घटना कोषको क्षतिपुर्ति सिफारिस गर्न उनी क्षति भएको बसको तस्वीर लिई प्रतिवेदन बुझाउने काम गर्छन ।

२०७१ असोज १२ गते आईतबार