द एक्सक्लुसिभ सम्वाददाता
जनकपुरधाम............
जिल्ला प्रशासन कार्यालय महोत्तरीमा पासपोर्टका लागि आवेदन दिएको एक वर्ष वितिसक्दा पनि पासपोर्ट पाउन सकेको छैन । महोत्तरी मनरा–१ का कमलेश ठाकुरका छोरा पुष्कर ठाकुरले राहदानी पाउनका लागि ६ साउन २०७० मा आवेदन फारम भरेका थिए । आवेदन फारम भर्दा कुनै पनि किसिमको गल्ती नभएपनि पासपोर्ट नदिँदा १७ साउन २०७१ मा पुनः राहदानी लिनका लागि आवेदन दिएका छन् । पुष्करका पिता कमलेश ठाकुरका अनुसार पहिलो पटक २० असोज २०७० मा राहदानी लिन आउन भनेकोमा पटक–पटक गईसकेपनि राहदानी पाउन सकिएको छैन । जहिले जाँदा पनि काठमाण्डौ गएर त्यहीबाट लिनुस् भनेर प्रशासन कार्यालयबाट जवाफ दिने गरेपछि आफु पीडित भएको उनले द एक्सक्लुसिभ सामु गुनासो व्यक्त गरेका छन् ।
२०७१ साउन १८ गते आईतबार
No comments:
Post a Comment