द एक्सक्लुसिभ सम्वाददाता
जनकपुरधाम............
१० किलो सुन बरामद गरेको केहि दिन नबित्दै शुक्रबार प्रहरीले धनुषाबाट भारत तस्करी गर्न लागिएको भाडी मात्रामा चाँदी बरामद गरेको छ । जनकपुरबाट भारत तर्फ लैजाँदै गरेको अवस्थामा सशस्त्र प्रहरीले ७४ किलो चाँदी सहित चारजनालाई पक्राउ गरेको छ । पक्राउ पर्नेहरुमा जनकपुर(१६ बस्ने २८ वर्षीय उमेश यादव, धनुषाको रमदैया भवाडी गाविस (१ बस्ने ३६ वर्षीय दिलिप कुमार साह, भारत बिहार राज्यको दरभंगा बस्ने ३६ वर्षीय रोशन कुमार साह र सोहि स्थानका ३२ वर्षीय प्रकाश गुप्ता रहेको सशस्त्र प्रहरी उपरीक्षक सुवर्णथापा मगरले जनाएका छन् ।
चाँदीको सानो पोका जिउमा लुकाई छिपाई लग्दै गरेको अवस्थामा उमेश र दिलिपको साथबाट ४५ केजी तथा रोशन र प्रकाशको साथबाट २९ केजी चाँदी बरामद भएको प्रहरी उपरीक्षक थापाले जानकारी दिए । पक्राउ परेका चारैजना तथा अन्दाजी ५२ लाख ५९ हजार ५ सय ६४ मूल्य बराबरको चाँदी कारबाहीका लागि राजश्व अनुसन्धान कार्यालय पथलैया पठाइएको थापाले बताए । अवैध रुपमा भारत तर्फ सुन लग्दै गरेको अवस्थामा दुई नेपाली नागरीकलाई सीमावर्ती क्षेत्र लगमा (९ र दुई भारतीय नागरीकलाई नगराईन(३ बाट सशस्त्र प्रहरीको जटही बोर्डर आउट पोस्ट ईन्चार्ज होमराज न्यौपानेले शुक्रवार बिहान पक्राउ गरेका हुन । साइकलमा जाँदै गरेको तिनीहरुलाई शंका लागि चेकजाँच गर्दा चाँदी बरामद भएको उपे्रतीले बताए ।
जनकपुरको राज ज्वेलर्सका संचालक राजकुमार साहले भारत र्पुयाउनका लागि आफुहरुलाई चांदी जिम्मा दिएको पक्राउ परेका उमेश यादवले संचारकर्मीलाई बताए । ओसारपोसारका लागि प्रतिव्यक्ति पांच हजार देखी १० हजार सम्म मेहनताना दिने गरेको यादवले जानकारी गराए । यसभन्दा पहिला पनि दुईपटक सुनचाँदी तस्करी गरिसकेको उनीहरुले बताएका छन । पक्राउ परेका तस्करहरुले ज्याकेट जस्तो लुगा लगाई त्यसभित्र चांदीको पोकाहरु लुकाएर सिमा पार गरिरहेको अवस्थामा नियन्त्रणमा लिइएको थियो ।
२०७१ साउन १८ गते आईतबार
No comments:
Post a Comment