जनकपुर पटना सीधा बस सेवा संचालन हुँदै

द एक्सक्लुसिभ सम्वाददाता
जनकपुरधाम............
 नेपाल र भारतका प्रधानमन्त्रीले संयुक्त रूपमा उद्घाटन गरेको जनकपुरधाम(अयोध्या बससेवा संचालनमा नआए पनि जनकपुर पटना सम्मको बस सेवा संचालन हुन गईरहेको छ ।
नेपालको प्रदेश नम्बर दुईको राजधानी जनकपुरधाम र भारत बिहारको राजधानी पटना सम्म नेपाल भारत यात्रु मैत्री बस सेवा संचालन हुन गईरहेको छ ।
नेपाल  सरकार र भारत सरकार बीच सन् २०१४मा  काठमाडौंमा भएको सार्क सिखर सम्मेलनमा नेपालका बिभिन्न शहर देखि भारतका बिभिन्न शहर हरूमा सीधा यात्रु मैत्री बस संचालन हुने गरी बिभिन्न रुट मध्ये जनकपुर पटनाको रुट पनि स्वीकृत भएको थियो ।
सार्कमा भएको सम्झौता भर्खरै सम्पन्न बिमस्टेकको बैठकमा लागु हुने कुरा भए अनुसार नेपालको काठमाडौंका मंजुश्री यातायात प्रा.लि.ले कुल चार वटा बस सेवा संचालनका लागि रुट परमिट पाएको चौधरीले बताए ।
 अनिल चालिसे संचालक रहेको उक्त यातायात समितिले यही आउँदो भदौ ३१ गते देखि जनकपुर अंचल बस बयाबसायी संघको सहकार्यमा बस सेवा संचालनमा आउने तयारी गरिएको चौधरीले बताए ।
उता भारतको बिहार राज्यका चार वटा सरकारी बस र नेपालका मंजुश्री  यातायात समितिले चार वटा बस संचालनका लागि नेपाल र भारत सरकारबाट रुट परमिट लिएको उनले बताए । दैनि चार चार वटा बस सेवा संचालनमा ल्याउने रुट परमिट अनुसार सुचिकृत र पंजीकृत भएको भए पनि सुरुमा जनकपुरबाट पटनाका लागि एउटा र पटना बाट जनकपुरका लागि एउटा गरी दिनहुँ एक एक वटा बस मात्र संचालनमा आउने चौधरीले बताए ।
भदौ ३१ गते प्रदेश सरकारका मुख्यमन्त्री लाल बाबु राउत र भारतबाट बिहार सरकारका सरकारी अधिकारीले बसलाई हरियो झण्डा देखाएर संचालनमा ल्याउने तयारी भएको चौधरीले द एक्सक्लुसिभलाई बताए ।जनकपुरधाम देखि पटना सम्म २ सय ४ किलोमिटर दुरी राहेको बताईन्छ । करीब चार देखि ५ घण्टामा जनकपुर देखि पटना सम्मको यात्रा गर्न सकिनेछ ।
यस अघि बिगतमा भारतको जयनगर देखि धनुषाको जनकपुरधाम सम्मम रेल सेवा संचालनमा हुँदा रेल संजाल ले जोडिएको भए पनि बस सेवा मार्फत नेपाल र भारत बीच धनुषामा पहिलो पटक जोडिने काम भईरहेको छ ।
यस अघि पटना जानका लागि जनकपुरधामका मानिसलाई भारत बिहारको भिठठामोड वा जयनगर वा पिपरौण हुंदै जानु पर्ने अबस्था रहेको थियो । तर, अब जनकपुरबाट सोझै पटना सम्मको आवगमन हुने हुँदा यस क्षेत्रका लाखौँ नागरिकले लाभ उठाउन सक्ने चौधरीले बताए ।
जनकपुर अंचल बस ब्यबसायी संघका अध्यक्ष मनोज चौधरीका अनुसार सार्क सिखर सम्मेलनमा गरिएको नेपाल र भारत सरकार बीचको सम्झौता अनुसार नै जनकपुर देखि पटना सम्मको बस सेवा संचालनमा आउन लागेको हो ।
जनकपुर अयोध्या घोषणामै सिमित
नेपाल र भारतका प्रधानमन्त्रीले संयुक्त रूपमा हरियो झण्डा देखाएर सुरु गरिएको जनकपुर अयोध्या बस सेवा पुनः संचालनमा आउन सकेको छैन । एक पटक उद्घाटन गर्दा बस सेवा चलेर बन्द भएको छ । भारतका प्रधानमन्त्री नरेन्द्र मोदीको नेपाल भ्रमणका क्रममा दुवै देशका प्रधानमन्त्रीले बैशाख २८ गते हरियो झन्डा देखाएर बससेवाको आरम्भ गरेका थिए ।
जनकपुरलाई ‘रामायण सर्किट’ भनिएको धार्मिक पर्यटन मार्गमा जोड्ने भनी प्रचारित बससेवा प्राविधिक प्रक्रिया पूरा हुन बाँकी भएकाले हाललाई रोकिएको छ । मोदी आएका दिन जनकपुरधामबाट अयोध्याका लागि २ वटा बस गएका थिए । जनकपुरबाट अयोध्या गएका २ वटै बस फर्केपछि बस सञ्चालन भएको छैन ।
जनकपुर(अयोध्या बससेवा स्थायी रूपमा सञ्चालन गर्न पूरा गर्नुपर्ने औपचारिक प्रक्रिया धेरै नै बाँकी रहेको मन्त्रालयका सचिव जिबछ मण्डलले बताए । ‘रामायण सर्किट’ अन्तर्गत राम र सीताको चरण परेका स्थललाई जोड्ने क्रममा सीतामढी भएर अयोध्याका लागि बससेवा सञ्चालन हुने बताइएको थियो । जनकपुरधामबाट भारतको सीतामढी हुँदै अयोध्या जान बस यात्रामा करीब १२ घण्टा लाग्छ ।
सीतामढी भएर अयोध्यासम्मको यात्रा गर्न ५ सय ४४ किलोमिटरको यात्रा गर्नुपर्छ । बसको भाडा, बस रोकिने स्थल, बससेवा नेपाली अथवा भारतीय कुन कम्पनीले सञ्चालन गर्ने लगायतका प्राविधिक निर्णय भइसकेका छैनन् । नेपाल र भारतका २ चर्चित धार्मिक नगरबीच नियमित रूपमा बससेवा सञ्चालन भएमा तीर्थालू र धार्मिक पर्यटकको आवागमन बढ्ने अपेक्षा गरिएको छ ।





२०७५ भदौ २४ गते आईतबार