एक्सक्लुसिभ सम्बाददाता
जनकपुरधाम...........
गैरकानुनी रुपमा पक्राउ गरी निर्ममतापूर्वक कुटपिट गर्दे यातना दिने दुई जना बहालवाला प्रहरीलाई धनुषा जिल्ला अदालतले विभागीय कारवाही गर्न र पिडितलाई क्षतिपूर्ति वापत २२ हजार ५ सय रुपैया उपलब्ध गराउन आदेश गरेको छ ।
१ अषाढ २०६८ मा न्यायाधिश रामकृष्ण खनालको इजलासबाट प्रतिवादी बनाईएका तारापट्टी चौकीका प्रहरी सहायक निरीक्षक रामअशिष बरै र प्रहरी जवान नरेन्द्र कुमार झा लाई विभागिय कारवाही गर्न फैसला भएको हो । धनुषाको तारापट्टी सिरसिया – ६ (तारापट्टी) मा बस्ने जय किसोर साहको छोरा सन्तोष कुमार साहलाई गाउँकै आली विषयमा तारापट्टी प्रहरी चौकीका तत्कालिन प्रमुख असई वरैले गत १२ भदौ २०६६ मा गैरकानुनी रुपमा पक्राउ गरी तारापट्टी प्रहरी चौकीमा ल्याएका थिए । असई वरै र प्रहरी जवान झाले सन्तोष साहलाई निमर्मता पूर्वक कुटपिट गरेका कारण पीडित सन्तोषले १ अशोज २०६६ मा धनुषा अदालतमा दुवै प्रहरी विरुद्ध मुद्दा दायर गरेका थिए ।
अदालतले गरेको उक्त फैसलाले प्रहरी जवानलाई भने अव सचेत तुल्याएको छ । खास गरी मधेशको जिल्लाका गाउँ–घरमा असईहरुले प्रायः एक पक्षबाट अनुचित लाभ लिएर अर्को पक्षलाई गैरकानूनी हिरासतमा लिई यातना दिने कुरा सामान्य बनिसकेको अवस्थामा अदालतको उक्त फैसलाले प्रहरीलाई आफ्नो दायरा भित्रै रहन सन्देश समेत दिएको छ । पुलिसले कुनै पनि स्थितिमा कसैलाई यदि ऊ अभियुक्त नै किन नहोस वा सर्वसाधारण, गैरन्यायिक हिरासतमा लिई यातना दिन पाउँदैन् । पदिय जिम्मेवारी विपरित मानिसलाई प्रहरीले यातना दिने गरेको घटना बढे पनि उक्त घटना अदालतको ढोका सम्म पुग्न नसकेका कारण प्रहरीको मनोवल बढदै गएको हो ।
यातना तथा क्षतीपूर्ति ऐन २०५३ अन्तरगत धनुषा जिल्ला अदालतबाट भएको उक्त ऐतिहासिक फैसलालाई स्थानीय अधिकारकर्मीहरुले स्वागत गरेका छन् । भूमिजा मानवअधिकारका अधिकारकर्मी विजयदत्तले प्रतिक्रिया दिदै अदालतले गरेको फैसला सकारात्मक एवं प्रहरीको ज्यादती नकारात्मक भएको बताए छन् । चेन अफ कमाण्डका हैसियतले तत्कालिन प्रहरी उपरीक्षक संजय सिंह बस्नेतले आलटाल गरेका कारण अधिकारकर्मी संस्था एडभोकेशी फोरमले पीडितका तर्फबाट निःशुल्क मुद्दा लडेर न्याय दिलाएकोमा अधिकारकर्मीहरुमा पनि मनोवल बढेको दत्तको भनाई छ । प्रहरीले ज्यादती बन्द गर्नु पर्छ तथा कारवाही भनेको अदालतले गर्ने हो न कि पुलिसले भने सन्देश समेत गएको मानवअधिकारकर्मी दत्तको भनाई छ ।
मिति ः २०६८ अषाढ ५ गते
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete