एक्सक्लुसिभ सम्वाददाता
जनकपुरधाम............
संघीय लोकतान्त्रिक गणतन्त्रात्मक मुलुक नेपालका हरेक नागरिकलाई सम्मानपूर्वक बाँच्न पाउने हक नेपालको अन्तरिम संविधानको मौलिक हकमा प्रत्याभुत गरिएको छ । नेपालको नागरिकलाई कानुनबमोजिम बाहेक कुनै पैसा रोजगार, उद्योग र व्यापार गर्ने स्वतन्त्रता संविधानले प्रदान गरेको भए पनि समाजमा उक्त कुरामा व्यवहारमा लागु हुन सकेको छैन् । धनुषाको ठेरा कचुरी –४मा तारी चुहाउने कार्य गर्दै आएका राजेन्द्र दास तत्मालाई उक्त कार्य गर्नमा जातीय कथित अगुवाहरुले प्रतिबन्ध लगाएका छन् । कथित अगुवाहरुको फरमानको अवज्ञा गर्दै आफ्नो जिविकोपार्जनका लागि तारी चुहाउने पेशागत कार्यलाई निरन्तरता दिए पनि राजेन्द्रलाई अहिले जातिय बहिष्कार गरी अपहेलना गरी कुनै पनि व्यक्तिको सम्मानपूर्वक बाँच्न पाउने तथा कुनै पेशा, रोजगार गर्न पाउने संवैधानिक हकको खिल्ली उडाएका छन् । तीन छोरा, तीन छोरी, आमा, श्रीमति सहित ९ जनाको परिवार पाल्न वर्षो देखि गदैैआएको काममा प्रतिवन्ध लगाए पछि जीवन–यापन गर्न समस्या परेको राजेन्द्रले गुनासो व्यक्त गरेका छन् । मासिक १० देखि १५ हजार रुपियाँ तारी चुहाएर आर्जन गरेर राजेन्द्रले आफ्ना अपाङ छोरा श्यामसुन्दर दासलाई स्नातकको अध्ययन गर्न लगाएका छन् । राजेन्द्र भन्छन्, “चोरी डकैती तथा अपराध गर्नु वर्जित छ तर आफ्नो पेशामा प्रतिवन्ध लगाउने जातीय अगुवाहरुले आफ्ना सन्ततीको बारेमा कि त अर्को राम्रो विकल्प दिनु प¥यो, तर समाजमा जातीय वहिष्कार गरेर अन्याय नै पा¥यो, अव इन्साफका लागि कानूनी उपचार गर्न अदालतको ढोका खटखटाउने छु ।”
राजेन्द्रका अनुसार कचुरी, तारापट्टी, मिथिलेश्वर, भुतही, इच्छापुर, देवकोइट, सितानगर सहित आधा दर्जन भन्दा बढी गाउँका जातीय अगुवाहरुले ९ जेष्ठमा सामूहिक भेला गरेर उक्त पेशा बन्द गर्ने निर्णय ग¥यो । तारापट्टी सिर्सियाका रिझन दास, परमेश्वर दास, रामपृत दास, भुतही पटेरवाका अर्जुन दास, सहितका अगुवाहरुले तारी चुहाउने कार्य तत्काल नरोके गाउँबाट निकाला गरिदिने धम्की समेत दिएका थिए ।
२३ जेष्ठमा गाउँमै रामनारायण दासको छोरीको विहे हुँदा साँझ ६ बजे सम्पूर्ण परिवारलाई निमन्त्रणा दिइयो तर जातिय दवावका कारण राती भन्दै राजेन्द्र दासका छोरा श्यामसुन्दर दास भन्छन, “उक्त राती हामी स–परिवार भोकै सुत्नु प¥यो, अहिले गाउँमा कसैले कुनै सहयोग नगरी कृत्रिम रुपले विस्थापित गर्ने परिस्थिती निर्माण गरिदिएको छ ।” तारी चुहाउँदै आएका गाउँकै राजेन्द्र दास, बुधेश्वर दास, किशोरी दास सहितलाई तिनीहरुले ५ हजार रुपियाँ जरिवाना गरेर उनीहरुलाई जातिय क्रियाकलापमा समावेश गरेका छन् । केही वर्ष अघि सउदी अरवमा ऋण काढेर कामका लािग गए पनि २३ महिना पछि फर्केको र ऋण पनि नसधेको हुनाले घरमै उक्त पेशा रोजेको भए पनि जातिय अगुवाहरुले अन्यायमा पारेको गुनासो व्यक्त गरेका छन् । तर जातिय अगुवा मध्येका गाविस सचिव समेत रहेका रामपृत दास भने उक्त कुरा अस्विकार गर्छन् । उनका अनुसार अव देखि रक्सी, तारी सहितका सामान कसैले नबेच्ने तथा अन्य वैकल्पिक पेशाको खोजी गर्ने भने सात गाउँका दलित तत्माहरु बीच निर्णय नै भएको तथा स्वेच्छाले सवैजनाले उक्त कार्य त्याग्ने बताएका छन् ।
मिति ः २०६८ अषाढ १२ गते
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete