बढ्दो चिसोले जनकपुरको जनजीवन प्रभावित

द एक्सक्लुसिभ सम्वाददाता
जनकपुरधाम............
चिसोका कारण धनुषाको तापक्रम लगातार घट्दै गएको छ । शुक्रबार धनुषा जिल्लाको अधिकतम तापक्रम १५.४ डिग्रि सेल्सियस मापन गरिएको छ । बिहीबारको तुलनामा शुक्रबार एक डिग्री तापक्रम घटेको जल तथा मौसम विज्ञान विभाग फिल्ड कार्यालय जनकपुरले जनाएको छ । मौसम विभागका अनुसार बिहीबार अधिकतम तापक्रम १६.४ डिग्री तापक्रम रेकर्ड गरिएको थियो । गएको मंगलबारदेखि धनुषा जिल्लामा मौसमको पारो घट्दै गएको छ । न्युनतम तापक्रममा भने कमी नआएको जल तथा मौसम विज्ञान विभाग जनकपुरका राजेन्द्र राउतले जनाए । राउतका अनुसार शुक्रबार पनि न्युनतम तापक्रम १०।० मापन गरिएको छ । बिहीबार पनि यत्तिकै मापन गरिएको थियो । न्युनतम तापक्रममा कमी नआएपनि अधिकतम घटेका कारण बिहीबारको तुलनामा शुक्रबार केही बढी चिसो महसुस गरिएको छ ।
चिसोका कारण शैक्षिक संघसंस्था, कलकारखानाका कामकाज समेत प्रभावित भएको छ भने सरकारी कार्यालयहरुमा पनि सेवाग्राहीको संख्यामा कमी आएको छ । पश्चिमबाट परेको चिसो हवाले धनुषासहित तराईका जिल्लाहरुमा चिसो ह्वातै बढेको छ । जसका कारण मानिसहरुलाई दैनिक कामकाज गर्न समेत कठिनाइ भएको छ ।  शुक्रबार बिहान परेको शीतलहरका कारण धनुषासहित तराईको जनजीवन कष्टकर बन्दै गएको छ । गएको केही दिन यता धनुषासहित तराईका जिल्लाहरुमा सुरु भएको शितलहरका कारण जनजीवन कष्टकर बनेको हो । शितलहरका कारण मानिसको दैनिक कार्य प्रभावित भएको छ । शितलहरका कारण शुक्रबार धनुषा जिल्लामा थप चिसो महसुस गरिएको छ । यता, लगातार दोश्रो दिन जनकपुरको हवाइ सेवा प्रभावित भएको छ । जनकपुर आउने बुद्ध र यती एअरलाइन्सको उडान लगातार दोश्रो दिन रद्ध गरिएको छ । मौसममा सुधार नआएपछि लगातार दोश्रो दिन जनकपुर आउने तीन वटै उडान रद्ध गरिएको जनकपुर नागरिक उड्डयन कार्यालयले जनाएको छ । यसका साथै चालु सप्ताहमा तीन दिन हवाई सेवा प्रभावित भइसकेको छ । बिहीबार र मंगलबार पनि जनकपुरबाट हुने उडान रद्ध गरिएको थियो । हुस्सुका कारण भिजिविलिटी घट्दै गएपछि शुक्रबार दिउसोको बुद्ध एअरको उडान समेत रद्ध गरिएको थियो । यसअघि शुक्रबार बिहान हुस्सुका कारण अधिकतम भिजिविलिटी ५ सय मीटरसम्म पनि नदेखिएकोले बिहानको सेवा रद्ध गर्नुपरेको थियो । यस्तै, दुई दिनदेखि चलेको शीतलहरसगै बढेको कठयांग्रिने जाडोले महोत्तरीको जनजीवन प्रभावित भएको छ । यसै क्रममा जाडोबाट कठयांग्रिएर शुक्रवार महोतरीको मटिहानी ६ का ५५ वषर््ािय राम नारायण खत्वेको मृत्यु भएको छ । दिशा गर्न  शुक्रबार विहान घर बाहिर निस्किदा जाडोले कठयांग्रिएर बाटोमै खत्वेको मृत्यु भएको प्रहरीले जनाएको छ । दिनभरि नै आकासमा लाग्ने बाक्लो हुस्सुसगै चल्ने शीतलहरका कारण बढेको जाडोले विद्यालयका छात्रछात्रा, दैनिक मजदुरी गर्ने मजदुर र वृद्धवृद्धाहरुलाई बढी असर पुरुयाएको छ । जाडो बढेसगै जिल्ला अस्पताल जलेश्वर तथा अन्य स्वास्थ्य संस्थामा निमोनिया, श्वासप्रश्वास, टाइफाइड रुघाखोकी र कोल्ड डाइरेरियाका बिरामीको चाप बढ्न थालको छ  भने जिल्ला प्रशासन कार्यालयले चिसोबाट नागरिकलाई जोगाउन आवश्यक गृहकार्य थालेको छ । जाडोबाट बालबालिका र वृद्ध  बढी प्रभावित भएका छन् । जाडो बढन थालेपछि बजारमा न्यानो लुगाफाटोको बिक्री बढ्नुका साथै माछा, मासु, अन्डाको बिक्री  बढ्को छ ।  चिसोले  सवारीसाधनको चाप कम देखिएको छ । चिसोबाट जोगिन आगो ताप्नका लागि दाउराको आभाव देखिएपछि थप सास्ती खेप्नु परेको सर्वसाधारणले गुनासो गरेका छन । जाडो बढेपछि स्थानीय बजारमा सर्वसाधारणको आवागमनसमेत पातलिएको छ । अत्याधिक चिसोका कारण अत्यावश्यक कामबाहेक मानिसहरु घरबाहिर निस्केको पाइँदैन भने कार्यालयहरुमा सेवाग्राहीको उपस्थिति पनि पातलिएको छ । गत वर्ष जाडो र शितलहरका कारण जिल्लामा २० जनाको मृत्यु भएको थियो । मृत्यु भएकाहरुलाई हाल सम्म कुनै पनि प्रकारको राहत हाल सम्म स्थानिय प्रशासनले उपलब्द्ध गराएको छैन भने यस वर्ष मृत्यु भएकाहरुले राहत पाउनेमा आंशका देखिएको स्थानिय वुद्धजिवीहरुको भनाइ रहेको छ ।  बाक्लो हुस्सु   तुसारो र घाम नलागेकोले महोत्तरीको न्युन्तम तापक्रम १० डिग्री सेल्सियस सम्म झरेको छ ।  एक्कासी चिसो बढदा विद्यालयहरुमा पठन पाठनमा प्रतिकुल असर परेको छ भने बालबालिकाको स्वास्थ्य समेत प्रभावित हुन थाले पछि उनीहरु विद्यालय आउन छाडेका छन । 



मिति ः २०७०÷०९÷१४