द एक्सक्लुसिभ सम्वाददाता
जनकपुरधाम............
संविधान सभाको निर्वाचन सम्पन्न भएको ३५ दिन भन्दा बढी समय बितिसक्दा पनि धनुषाका सम्पुर्ण उम्मेदवारहरुले चुनावी खर्च विवरण अहिले सम्म पनि जिल्ला निर्वाचन कार्यालयमा बुझाउन सकेका छैन्न । जिल्लाका ७ वटै निर्वाचन क्षेत्रमा स्वतन्त्र सहित ३ सय ३४ जनाले पहिलो हुने निर्वाचित हुने प्रणाली अन्तरगत उम्मेदवारी दिएका थिए । ती मध्ये अहिले सम्म ५ जना स्वतन्त्र सहित २७ जना उम्मेदवारहरुले मात्र चुनावी खर्च विवरण बुझाएको जिल्ला निर्वाचन कार्यालय धनुषाले जनाएको छ । निर्वाचन क्षेत्र नम्बर(१ मा चुनावी खर्च विवरण बुझाउनेहरुमा एकिकृत नेकपा माओवादीका मधेश व्यूरो इन्र्चाज रामचन्द्र झाले रु.८ लाख ४ हजार ४ सय ५०, काँग्रेसका दिनेश प्रसाद प्रसैलाले रु.८ लाख ४५ हजार,स्वतन्त्र उम्मेदवार सुषमा देवि झाले रु.५४ हजार ६सय खर्च भएको प्रतिवेदन निर्वाचन कार्यालयमा बुझाएका छन् । अहिले सम्म खर्च विवरण बुझाएकाहरु मध्ये नेपाल परिवार दल क्षेत्र नम्बर ४ का उम्मेदवार पवन साहले सब भन्दा बढी रु.९ लाख ९३ हजार रकम खर्च भएको विवरण बुझाएका छन् । त्यस्तै, सब भन्दा कम रकम क्षेत्र नम्बर(३ का स्वतन्त्र उम्मेदवार कुलानन्द झाले रु. २ सय मात्र खर्च भएको विवरण बुझाएको निर्वाचन कार्यालयको प्रतिवेदनमा उल्लेख छ । झाले सधारण कापी कलममा सो रकम खर्च भएको जनाएको छ । क्षेत्र नम्बर(३ का मधेशी जन अधिकार फोरम नेपाल लोकतान्त्रिक पार्टीका उम्मेदवार अव्दुल हलिमले रु. ९लाख २४ हजार,राष्टिूय मधेश समाजवादी पार्टीका उम्मेदवार राजु चौधरीले रु. ९ लाख, क्षेत्र नम्बर(४ का उम्मेदवार संघिय सदभावना पार्टीका उम्मेदवार दिपक झाले रु.७ लाख ६१ हजार ४ सय, मधेशी जन अधिकार फोरम मधेशका उम्मेदवार अरुण नायकले रु. २ लाख ८५ हजार,नेकपा मालेका उम्मेदवार दुखी मण्डलले रु. १लाख ४० हजार चुनावमा खर्च भएको विवरण बुझाएका छन् । त्यस्तै, काँग्रेसका विजयी उम्मेदवार रामकृष्ण यादव, प्रेम किशोर साह,दिनेश प्रसाद प्रसैलाले चुनावी खर्च विवरण बुझाएको नासु खेमराज पौडेलले जानकारी दिए । उम्मेदवारहरुले खास गरि सवारी, इन्धन र पर्चापम्पलेटमा बढी खर्च भएको बुझाइएको खर्च विवरणमा उल्लेख छ । चुनाव सम्पन्न भएको ३५ दिन भित्र उम्मेदवारहरुले चुनावी खर्च विवरण बुझाउने प्रावधान भएपनि समयमा खर्च विवरण नबुझाएनिर्वाचान आचारसंहिता विपरित रहेको जिल्ला निर्वाचन कार्यालय प्रमुख जानकी शरण लाल कर्णले बताए । खर्च विवरण नबुझाउनेहरुको सम्बन्धमा निर्वाचन आयोगबाट अहिले सम्म नयाँ आदेश नआएको उल्लेख गर्दै उनले निर्वाचन खर्च नबुझाएको खण्डमा उम्मेदवारको सदस्यता पद पनि खारेज गर्न सक्ने प्रावधान रहेको बताए ।
मिति ः २०७०÷०९÷१४
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete