द एक्सक्लुसिभ सम्वाददाता
जनकपुरधाम............
धनुषाको क्षीरेश्वरनाथ नगरपालिकाको मुख्य बजार क्षेत्र महेन्द्रनगरमा स्मृति वाटिका निर्माण गर्ने उद्देश्यले शनिवार बृक्षा रोपण गरिएको छ । वातावरण मैत्रि स्थानीय शासन कार्यक्रम (इएफएलजी) अन्तर्गत क्षीरेश्वरनाथ नगरपालिका र योनसेडको सहयोगमा महेन्द्रनगरलाई हरित शहरको रुपमा विकास गर्ने लक्ष्य सहित राजमार्गको पार्कमा वृक्षा रोपण कार्यक्रमको अयोजना गरिएको हो ।
स्मृती वाटिका नामाकरण गरिएको यस पार्कमा ९ सय ७५ वटा विभिन्न किसिमको वृक्षा रोपण गरिने यस कार्यक्रमको उद्घाटन आज एक समारोह बिच धनुषा जिल्ला न्यायधिश कृष्ण बहादुर थापाले प्रमुख अतिथिको रुपमा गरेका थिए । यो वाटिकामा वृक्षा रोपण गर्न चाह्ने व्यक्तिले एक वृक्ष वापत रु. १ हजार को रसिद काट्नु पर्ने हुन्छ र रोपिएको वृक्ष आफूले कसको स्मृतिमा रोप्न खोजेको हो । वृक्ष संगै उसको नेम प्लेट राखिन्छ ।
यो वाटिकामा रोपिएको प्रत्येक रुखलाई कुनै हालतमा मर्न नदिने जिम्मेवारी योनसेड संस्थाले लिएको जानकारी योनसेडका अध्यक्ष जीवन थापाले गराएका छन् । थापाको अनुसार पाँच वर्ष सम्म यस वाटिकामा रोपिएको सबै रुख विरुवाहरु हुर्काएपछि मात्र स्थानीयलाई हस्तारन्तरण गरिन्छ । उद्घाटन कार्यक्रमलाई प्रमुख अतिथिको आसनबाट सम्बोधन गर्दै जिल्ला न्यायधिश कृष्ण बहादुर थापाले नगरपालिकाले विकास निर्माणको कार्यसंगै वातावरण जोगाउनको लागि गरेको यस वाटिका निर्माण कार्य सराहनिय रहेको र यसबाट अरु नगरपालिकाहरुले पनि सिक्नु पर्ने धारणा व्यक्त गरे । उनले वातावरण जोगाउनलाई सबैले आ(आफनो घर अगाडी वा पछाडी कम्तीमा एउटा रुख रोप्नु पर्ने बताए ।
त्यसैगरी क्षीनपाका कार्यकारी अधिकृत उमेश यादवले महेन्द्रनगरलाई सुन्दर हराभरा शहर बनाउनमा स्थानीयवासीले वृक्षा रोपणको लागि आ(आफ्नो तर्फबाट गरेको योगदानको लागि धन्यवाद दिए । अधिकृत यादवले इएफएलजी कार्यक्रम अन्तर्गत महेन्द्रनगरको दुधमती तलाउमा घाट निर्माण गर्न लागेको र नगर क्षेत्रमा थप २० वटा सोलार स्टिूट लाइट पनि निकट भविष्य मै जडान गरिने जानकारी समेत गराए । कार्यक्रममा ५० वटा बृक्ष लिएर सहयोग गर्ने नेपाली काँग्रेसका योगेन्द्र पजियार, नेकपा एमालेका पल्टु पण्डित, कसमस सिमेन्ट, काफ्ले परिवार लगायतकाहरुलाई दोसल्ला ओढाई सम्मान समेत गरिएको थियो ।
२०७२ अषाढ २७ गते आईतबार
No comments:
Post a Comment