जानकी मेडिकल कलेजमा अख्तियारद्वारा छानविन

द एक्सक्लुसिभ सम्वाददाता
जनकपुरधाम............
नेपालका बिभिन्न मेडिकल कलेजहरुले आर्थिक अनियमितता, विद्यार्थी ठगी, पूर्वाधारको कमीलगायतका समस्याहरु देखिएपछि अख्तियार दुरुपयोग अनुसन्धान आयोगले छानविन सुरु गरेको छ । त्यसै समस्या देखिएको जनकपुरको जानकी मेडिकल कलेजमा पनि अख्तियारले छानबिन सुरु गरेको छ । अख्तियारका विभूति कोइरालाको नेतृत्वमा पाँच सदस्यीय टोली छानविनमा संलग्न रहेको छ । टोलीमा आन्तरिक राजस्व कार्यालय जनकपुरका कर अधिकृत, ल्याब र फार्मेर्सी प्राविधिक र एकजना चिकित्सक रहेका छन । चिकित्सक काठमाडौँबाट आएपनि फार्मेर्सी हेर्न वीरगन्जबाट र ल्याब हेर्न जनकपुरबाट विज्ञको रुपमा लिएको बताइएको छ ।
कोइरालाका अनुसार केही कागजपत्रहरु नियन्त्रणमा लिई अनुसन्धानको क्रम जारी छ, सबै तिरबाट अध्ययन गरिएपछि वास्तविकता थाहा हुनेछ । विद्यार्थीलाई परीक्षामा अमर्यादित क्रियाकलापका लागि विशेष व्यवस्था गरिएको, कापी बाहिर लेखाएर दिने गरिएकोलगायतका आरोप कलेज सञ्चालकमाथि लगाइएको छ ।
त्यस्तै, अध्यापन र प्रयोगात्मक व्यवस्था ठीक नरहेको आरोप लगाउँदै विद्यार्थीहरुले पटकपटक कलेज बन्द र हडताल गर्दै आएका छन । सोका कारण कलेज रहेको धनुषा जिल्लाको रमदैया भवाडी गाविसमा अवस्थित अस्पतालमा दैनिक दस जना रोगीपनि जाने नगरेको पाइएको छ ।
‘अनुसन्धान सुरु भएकोछ’ कोइरालाले भने(केहि कागजपत्रहरु नियन्त्रणमा लिएका छौ । अनुसन्धानको क्रम जारी छ उनले भने(सबै तिरबाट अध्ययन गरिएपछि वास्तविकता थाहा हुनेछ । विद्यार्थीलाई चिट चोराउन विशेष व्यवस्था गरिएको, कापी बाहिर लेखाएर दिने गरिएको लगायत थुप्रै आरोप कलेज सञ्चालकमाथि लगाइएकोछ । चरम आर्थकि संकटबाट गुज्रिरहेकोछ । कलेज सञ्चालनको जिम्मेबारी लिएको सगरमाथा कन्सलटेन्टले दुई महिनापनि सञ्चालननगरि करार तोडेको बताइएकोछ ।एक सय विद्यार्थी भर्ना स्विकृति पाएको जानकी मेडिकल कलेजमा आवश्यक भौतिक पूर्बाधार, प्राध्यापक चिकित्सकको अभाव, रोगीको कमि जस्ता समस्या समान्य बनेकोछ ।
अध्यापन र प्रयोगात्मक व्यवस्था ठिक नरहेको आरोप लगाउँर्दै विद्यार्थीहरुले पटकपटक कलेज बन्द,हडतालगर्दै आएकाछन । ‘कलेजको अस्पतालमा दक्ष चिकित्सकको व्यवस्था नभएको कारण रोगीहरु जादैनन’ एक जना विद्यार्थीले पहिचान नखुलाउने शर्तमा भने(कलेजको भौतिक र शैक्षिक अवस्था नाजुक छ । अनुगमनमा आएका त्रिविका निरीक्षकहरुलाई समेत सबै ब्यहोरा जानकारी गराएको उनले बताए । तर मेडिकल काउन्सिलले गरेको अनुगमनमा कलेजको अवस्था ठिक नदेखिएकोले स्विकृतिमा ढिलाई गरिएको बताइन्छ । हाल सञ्चालनमा रहेको ८० जना विद्यार्थीको कोटालाई त्रिविविले स्विकृत गरेको कलेज प्रशासनले जनाएकोछ । कलेज रहेको धनुषा जिल्लाको रमदैया भवाडी गाविसमा अवस्थित अस्पतालमा दैनिक दस जना रोगीपनि जाने नगरेको विद्यार्थीहरुले बताए
    उनीहरुका अनुसार निरीक्षणको क्रममा भाडामा रमदैया, सपहीबाट मानिस ल्याएर बेडमा राख्ने गरिन्छ । एक दिन बेडमा रोगी बनाएर राख्दा प्रति व्यक्ति पाँच सय नगद र खाना दिने गरिन्छ । नक्कली रोगीहरु सबैलाई निरीक्षणको बेला स्लाइन पानी चढाइएको देखाउने गरिएको र निरीक्षक कलेज परिसरबाट निस्कने बितिकै सबै बेड खाली हुने गरेकोछ । कलेजले सात सय सैययाको आफ्नो अस्पताल सञ्चालनगरि विशेषज्ञ सेवा उपलब्ध गराउनुपर्ने प्रावधान छन । तर सञ्चालकहरुले निरीक्षणको बेला मात्र भाडामा चिकित्सक लगेर देखाउने गरेको आरोप विद्यार्थीहरुको छ । वर्षमा ४ महिनापनि नियमित रुपमा कलेज सञ्चालन नहुने गरेको उनीहरु बताउँछन । कलेजको लागि चाहिने भौतिक पूर्बाधार समेत रहेको छैन । कलेजको ओपीडी सेवा सञ्चालनमा छैन । कुनै रोगको विशेषज्ञहरुको सेवा समेत उपलब्ध छैन । मेडिकल कलेजको अस्पतालमा स्थानीय नर्सिङ होम, सरकारी अस्पताल, स्वास्थ्य चौकीहरुबाट रोगी रेफर (पठाइनुपर्ने) गर्नुपर्नेमा कतैबाट रोगी रेफर हुने गरेको छैन । पायक पर्ने सिन्धुली, सिराहा, सर्लाही, महोत्तरी जिल्ला अस्पताल लगायत जनकपुर अञ्चल अस्पतालले समेत रोगी मेडिकल कलेजलाई रेफर गर्दैन ।
स्रोतहरुका अनुसार कलेजले नेपाली विद्यार्थीहरुबाट ३६ लाख डोनेशन र भारतीय विद्यार्थीहरुबाट २४ लाख भारतीय मुद्रा९नेपाली ३८ लाख४००हजार मात्र लिनुपर्नेमा नेपाली विद्यार्थीहरुबाट ४० लाख र भारतीय विद्यार्थीहरुबाट ३५देखि ४० लाख भारतीय मुद्रा लिने गरिन्छ ।


मिति ः २०७०÷९÷७