बिमल शरणलाई हत्या गराउन बम विस्फोट जिवनाथ चौधरीले गराएको हो वा होइन प्रश्नको जवाफका लागि जिवनाथ चौधरीको पोलिग्राफ जाँच होस् ः संजय साह

द एक्सक्लुसिभ सम्वाददाता
जनकपुरधाम............

जनकपुर बम काण्डका प्रमुख अभियूक्त मध्येका एक संजय कुमार साहले विमल शरणलाई रामानन्द चौकमा गराइएको बम विस्फोटमा हत्या गराउन जिवनाथ चौधरीले षड्यन्त्र गरेको हो वा होइन त्यस प्रश्नको जवाफका लागि जिवनाथ चौधरीको पोलिग्राफ जाँच गराउन संजय कुमार साहले धनुषा जिल्ला अदालतसँग माग गरेको छ । रामानन्द चौकमा बम विस्फोट हुन्छ भन्ने अग्रिम जानकारी मुकेश चौधरीले प्रकाश विद्यार्थीको नामबाट गराएको थियो वा थिएन भन्ने प्रश्नको जवाफका लागि जिवनाथ चौधरीको समेत पोलिग्राफ जाँच हुनुपर्ने संजय साहले माग गरेका छन् । जिवनाथ चौधरी मात्र होइन उनीसँगै तत्कालिन जिल्ला प्रहरी प्रमुख लगायत आफ्नो पनि पोलिग्राफ जाँच गराइनुपर्ने भन्दै १९ कार्तिक २०७३ मा काठमाण्डौको डिल्ली बजार स्थित कारागारको कार्यालयबाट निवेदन पत्र पठाएका छन् ।

 साहले पठाएको उक्त निवेदन पत्र जस्ताको तस्तै प्रस्तुत छ ः
म निवेदक १८ बर्षको उमेर (२०५२ साल) देखि सामाजिक कार्यमा सरिक भई नेपाली कांग्रेसको क्रियाशिल सदस्य रहि राजनैतिक रुपले समाज सेवा शुरु गरी २३ बर्षको उमेरमा पार्टीको नगर कमिटिको सदस्य पदमा निर्वाचित भई तथा २५ बर्षको उमेरमा (२०६१) सालमा उद्योग बाणिज्य संघको निर्वाचनमा महासचिव पदमा झिनो मतले पराजित भएको हुँ । प्रजातन्त्र र जनताको अधिकारको लागि निरन्तर संघर्ष गरेको कारण ३२ बर्षकै उमेरमा पहिलो संविधान सभामा जननिर्वाचित भई सम्मानित सदनको सदस्य भए तथा ३३ बर्षकै उमेरमा राज्यमन्त्री समेत भई देशको सेवा गर्ने  मौका पाएँ र एकै व्यक्ति पुनः निर्वाचित नहुने लामो इतिहास रहेका धनुषा क्षेत्र नंं. ४ सहरी क्षेत्र बाट पुनः निर्वाचित भएको हुँ । नवयूवकको उमेर देखि संघर्ष गरी मन्त्री सम्म भई सक्दा समेत कुनै राजनैतिक प्रतिस्पर्धाले तथा कुनै पत्र पत्रिका स्थानीयले समेत कुनै निजी आरोप आलोचना समेत गरेको थिएन । केही भ्रष्ट प्रहरी अधिकारीहरुले समाजमा गर्ने गरेको उत्पीडन तथा अवैध असुलीको विरुद्धमा जनताको पक्षमा संघर्ष गरेको कारण केही भ्रष्ट प्रहरी अधिकारीहरुले झुठा मुद्दामा फसाउने प्रयास गरेको थिएँ जसमा प्रमाणको अभावमा नभई मुद्धा नै झुा सिद्ध भई अदालतबाट सफाई पाएको हुँ । माओवादी द्वन्द्वको समयमा लगाइएको एउटा सानो मुद्दा हा.ख.ख. बाहेक र हाल संविधान सभाको दोस्रो निर्वाचनमा निर्वाचित भईसके पश्चात दुई वटा कर्तव्य ज्यान मुद्दामा र सम्पती सम्बन्धि मुद्दामा प्रहरीले सहअभियूक्तको पोलको आड बनाई तथा किर्ते प्रमाणको जोडजाम गरी फसाउने प्रयास गरेका हुन, जसमा स. अदालतमा प्रहरीले वदनियतपुर्वक काल्पनिक कथाको रचना गरी, फसाएको सिद्ध हुने निश्चित छ । तथापी प्रहरीले हालसम्म लगाएको सम्पुर्ण आरोपको म पोलिग्राफ जाँच गराउने नैतिकता व्यक्त गर्दछु र उक्त जाँच बाट समेत म निर्दोष सिद्ध भएमा झुठा मुद्धामा फसाउने प्रहरी अधिकारीलाई कारवाहीको दायरामा ल्याई कारवाही गरी दिन आग्रह गर्छु ।
श्रीमान् ! जिल्ला विकास समिति धनुषामा बर्षको हुने गरेको करोडौं  रकमको भ्रष्टाचार विरुद्धमा संघर्ष गरी २०६९ साल भाद्रमा १८ जना कर्मचारी लगायत मतियार सहित ८७ जनालाई कारवाही गराईसके पश्चात प्रतिशोध स्वरुप भ्रष्टाचारीहरुको संगठित समुहले केही प्रहरी अधिकारीको सहयोगमा विभिन्न निकायमा झुठा उजुरी दिई पत्र पत्रिका र झुठा समाचार लेख्न लगाई झुठा मुद्दामा फसाउने षड्यन्त्र गरेको हो । यदि कसैले २०६९ भाद्रमा जि.जि.स. मा कारवाई हुनु भन्दा अगाडी म विरुद्ध कुनै निकायमा उजुरी दिएको अथवा २०६९ भाद्र भन्दा अगाडी कुनै पत्र पत्रिकाले मेरो चरित्र बारे आलोचना गरेको तथा प्रतिपक्षीले आरोप लगाएको समाचार मात्र कसैले ल्याई दिए भने म माथि लाएको सबै आरोप स्वीकार गरी सार्वजनिक जीवन समेत त्याग गर्ने प्रतिबद्धता व्यक्त गर्दछु । श्रीमान् स.न. १९८० को दशकमा हिन्दी फिल्महरुमा जसले भ्रष्टाचार गरेको विरोध गथर््यो उसैलाई भ्रष्टाचारी तथा जसले अपराधको विरोध गथर््यो उसैलाई अपराधी सिद्ध गरिन्थ्यो । आज म आफ्नो वास्तविक जीवनमा भोग्दै छु ।
श्रीमान् ! जि.वि.स.मा कारवाईभए पश्चात भ्रष्टाचारीहरुको संगठित समुहले केही प्रहरी अधिकारीलाई प्रलोभनमा पारी कर्तव्य ज्यान जस्तो गम्भीर मुद्दामा फसाउने प्रयास गरेको हो । जस बारे स.अदालतमा पर्याप्त तथ्य तथा प्रमाणहरु बयानको क्रममा तथा निवेदनहरु मार्फत पेश गरेको छु । जसबाट राज्यको जिम्मेवार निकायहरुबाट अन्याय भएता पनि सम्मानित अदालतले मिसिल र तथ्यकै आधारमा न्याय इन्साफ गर्ने छ भनी प्रगाढ विश्वास राखेको छु ।
घटना भन्दा ३ दिन अगाडी अर्थात २०६९ बैशाख १५ गतेबाटमात्र मिथिला आन्दोलन शुरुभएको निर्विवाद रुपले स्थापीत सर्व विदित सत्य हो तथा जो पुरानो मिसिल शामीले अशोक दत्त र परमेश्वर कापडीले प्रहरीमा गरेको कागजात तथा हाल परमेश्वर कापडी दिएको जाहेरी दरखास्तबाट स्पष्ट हुनुकोअलावा तत्काल पक्राउ प्रतिवादीहरु मुकेश कर्णको स.ज. १०÷११ सुरेश कर्णको स.ज. १३, जय प्रकाश चौधरीको स.ज. १२ र रिपेन्द्र झाको स.ज. १० बाट समेत उक्त मिथिला आन्दोलन घटना भन्दा मात्र तीन दिन अगाडी शुरु भएको तथा उक्त आन्दोलनमा विष्फोट गराउने योजना १७ गते राति एमाले पार्टी कार्यालयमा विष्फोट गराए पश्चात त्यही राती ९ः३० बजेतिर मात्र उक्त आन्दोलनमा समेत विष्फोट गराउने निज प्रतिवादीहरुको बीचमा सहमति भएको स्पष्ट देखिन्छ । तर तीन दिन अगाडी अत्तोपत्तो समेत नरहेको उक्त आन्दोलनमा विष्फोट गराउन पेश्की स्वरुप फाल्गुन २÷३ गते रु. पाँच लाख संजय साहले पठाएको तथा प्र.मुकेश चौधरी सँग मिटिङ्ग गरेको भनी लगायतका भनाई राखी अभियोजन पक्षले काल्पनिक कथातयार पारेको प्रष्ट छ । जसबाट म विरुद्धको अभियोग झुठा रहेको सिद्ध हुन्छ र जा.वा. जीवनाथ चौधरीले मिति २०७० कार्तिक १९गते स्थानीय मिथिलाञ्चल एफएम मा संजय साहद्वारा प्रायोजित एलडिओ ले मलाई कारवाई ग¥यो अर्थात संजय साहले कारवाई गरायो, संजय साह ६ महिना भित्र जेल जान्छन्......रामानन्द चौक वम काण्ड वा अरुण सिंघानियाको हत्या लगायतका मुद्दा तथा सम्पति सम्बन्धि मुद्दामा जेल जान्छन् कसैले बचाउन सक्दैन भनी बोलेको अडियो रेकर्ड जो अदालतमा समेत सुरक्षित रहेको छ जसबाट प्रष्ट हुन्छ कि २०६९ श्रावणमा जी.वि.स. धनुषामा चलिरहेको भ्रष्टाचार रैकेटको विरुद्ध भएको कारवाईमा परीनिज जीवनाथ चौधरी निलम्बित भए पश्चात प्रतिशोध स्वरुप म निवेदकलाई मुद्दामा फसाउने षड्यन्त्र शुरु गरेको हो र आश्चर्य के छ भने निज जा.वा. जीवनाथ चौधरीले भनेकै मिति भित्र जेल मात्र आउनु परेन निजले उल्लेख गरेका अन्य मुद्दाहरुमा समेत प्रहरीले मलाई फसाउने जिल्ला प्रहरी प्रमुख लगायतमेरो समेत पोलिग्राफ जाँच गराई दिन हुन यी निम्न बमोजिमको बुदागत निवेदन गर्दछु ।
(क) संजय साहले घटना वारदात भन्दा ५ दिन अगाडी मो.नं. ९८१६८८४५५१ को नयाँ सिम शुरु गरी प्र. मुकेश चौधरीसँग सम्पर्क गर्ने गरेको तथा घटना बारदातको समयमा उक्त मोवाईल नम्बरबाट निर्देशन दिएको भनी बचन दाता बनाई ज्यान सम्बन्धि महलको १३ को ४ बमोजिमको अभियोग कायम गरेको छ । तर अभियोजन पक्षले भने जस्तो उक्त मोवाईल नम्बर ९८१६८८४५५१ घटना भन्दा ५ दिन अगाडीबाट मात्र शुरु नभई महिनौं दिन अगाडी देखि प्रयोगमा रहेका तथा शुरु अनुसन्धानको क्रममा सिआईबि ले उक्त मोवाईल नम्बरलाई व्यापक अनुसन्धान गरी निर्दोष समेत ठहर गरिसकेको छ । जो पुरानो अनुसन्धानको क्रममा मोवाईल सम्बन्धि तयार पारेको ८७ पाना मध्येका केही पातलो अक्षर बाला कल डिटेल्स सम्बन्धि दस्ताबेजबाट स्पष्ट हुन्छ । जसलाई संयोगवश हाल प्रहरीले हेर्न नपाएको कारणले प्रहरीको मोवाइल सम्पर्क सम्बन्धि दावी झुठा काल्पनिक रहेको सहजै सिद्ध हुन्छ । अर्थात अभियोजन पक्षको म विरुद्ध वस्तुनिष्ठ प्रमाण कपो कल्पित रहेको स्पष्ट हुन्छ । र, उक्त मोवाईल नम्बरको कल डिटेल्स यूजर डिटेल्स प्रहरीले संचार न....गरी मगाएको भएता पनि प्रहरीको पोल खुल्ने भएकोले उक्त कल डिटेल्स(यूजर डिटेल्स मिसिल सामिल गरेन जसबाट प्रहरीको वदनियत स्पष्ट हुन्छ । र, यी विषय वस्तुबाट मात्र पनि प्र.मुकेश चौधरीले घटना वारदातको दिन कुनै निर्देशन मसँग नमागेको तथा मैले निर्देशन नदिएको सिद्ध हुन्छ । तथापी उक्त मोवाईल नं. मैले प्रयोग गरेको हो वा होइन तथा घटना वारदात दिन मैले कुनै निर्देशन प्र.मुकेश चौधरीलाई दिएको हो वा होइन भन्ने सन्दर्भमा मेरो पोलिग्राफ जाँच गराउन तयार छु ।
जा.वा. जीवनाथ चौधरीको प्र.मुकेश चौधरीसँग लगातार पटक पटक फोन सम्पर्क भएको मात्र नभई घटना वारदात भन्दा करिब ४० मिनेट अगाडी समेत सम्पर्क भएको देखिन्छ । निजहरु सित भएको फोन सम्पर्कको कारण वारे निज दुवै जनाकोभनाई फरक फरक मात्र नभई एकको भनाईबाट अर्कोको भनाई झुठो सिद्ध भईरहेको अवस्था छ । र, थप बिचारणिय के छभने प्र.मुकेश चौधरीको गोप्य मो.......९८७२ बाट जीवनाथ चौधरी बाहेक अन्य कसैलाई फोन सम्पर्क भएको देखिँदैन । प्र.मुकेश चौधरीले अदालतमा जीवनाथ चौधरी धेरै पटक चन्दा सहयोगगरेका व्यक्ति हुन्छ । र, जसको थप पुष्टि जिल्ला विकास समिति धनुषाको योजना शाखाका नासु साधुशरण यादवले २०६९ सालको मुद्दा नं. ०६९(सिआर ००८९ को भ्रष्टाचार मुद्दामा अनुसन्धानको क्रममा गरेको बयानमा “जीवनाथ चौधरीले भ्रष्टाचारको रैकेट चलाएको तर जि.वि.स. लाई कब्जामा राखेको तथा कसैले विरोध गरेमा भुमिगत समुहबाट धम्की दिन लगाउने गरेको” भनी गरेको बयानबाट तथा कान्तिपुर राष्टिूय दैनिकले ८ भाद्र २०६९ गते एलडिओ असुरक्षित भनी शिर्षक राखी करोडौंको अनियमितता सार्वजनिक भए लगत्तै स्थानीय अपराधिक समुहले धम्की दिएपछि धनुषाको स्थानीय विकास अधिकारी केदार बहादुर बोगटी विस्थापित भएका छन् । घोटालामा आरोपित जि.वि.स. कै लेखाका केही कर्मचारीले अपराधिक समुहलाई सक्रिय बनाएको अनुमान मन्त्रालय सम्बद्ध स्रोतको छ । घटना पछि बोगटीले जि.वि.स. मा कार्य गर्न नसकेको मन्त्रालयले जनाएको छ । फर्केर काठमाण्डौ आउनु भएको थियो, अस्ति मन्त्री जी जाने भएपछिमात्र फर्कनु भएको हो मन्त्रालयको एक अधिकृतले भने....भी समाचार लेखेकोबाट मसेत मुकेश चौधरी र जा.वा.जीवनाथ चौधरी सित राम्रो सम्बन्ध रहेकोतथा जीवनाथ चौधरीको निर्देशनमा डर धाक धम्की तथा अपराधिक कार्य गर्न गरेको प्रष्ट हुन्छ । र, निजहरु बीच रहेको खास अर्थपुर्ण सम्बन्धको कारण निज मुकेश चौधरीको मुल पार्टी अर्थात राजन मुक्तिको पार्टी जनतान्त्रिक तराई मुक्ति मोर्चाले बढी भन्दा बढी धनजनको क्षति पु¥याउन भिडमा तथा राजनीतिक महत्व राख्ने ठाउँमा विष्फोट गराउने निर्णय बमोजिम उक्त मिथिला आन्दोलनमा विष्फोट गराउन लागेको छ भनी अग्रीम जानकारी प्र.मुकेश चौधरीले जा.वा. जीवनाथ चौधरीलाई गराईसके पश्चात ९ः३० बजेतिर विमल शरण दासलाई पप्पु गुप्ता भन्ने जय प्रकाश साहबाट फोन गर्न लगाई बोलाई बम राखिएका उत्तर पश्चिम कुनामा बस्न लगाई विमल शरण दासको करोडौको जग्गा जीवनाथ चौधरीले कब्जा गरेको कारण विष्फोटमा पारी निजको हत्या गराइएको हो भनी मृतकहरु मध्ये क्षत विक्षत भई मर्ने विमल शरणको छोराको २०७० चैत्र ११ गते न्यूज २४ लगायतको समाचार माध्यामहमा दिएको अभिव्यक्ति तथा घटनास्थल लाश प्रकृति मुचुल्का र विमल शरण दासको छोराले प्रहरीमा दिएको जाहेरीले मुकेश चौधरीको कल डिटेल्सलाई गहिरिएर हेर्दा स्पष्ट देखिन्छ तथा विमल शरण दासको लाश प्रकृति मुचुल्का र पप्पु गुप्ता भन्ने जय प्रकाश साह लगायतले गरेको कागजातलाई गहिरिएर हेर्दा....“घटना स्थलको उत्तर पश्चिम पटी मृतक विमल शरण दासको लाश रहेको लाशको वरिपरी रगत रहेको, गिद्धी मासुको टुक्राहरु आन्द्रा भडीहरु समेत यत्रतत्र छरिएर रहेको र निज विमल शरणको लाश नजिकै ज २ प ९३९५ नम्बरको मोटरसाइकलको पार्टपुर्जाहरु समेत टुक्रा टुक्रा भएकोले टंकीमा रहेको इन्धन तथा पार्टपुर्जाले बढी क्षति पु¥याएको” भनी प्रहरीले तयार पारेको घटना स्थल लाश प्रकृति मुचुल्काबाट देखिन्छ । र, यस सन्दर्भमा बुझी नसक्नु रहस्य के छ भने पप्पु गुप्ता भन्ने जयप्रकाश साहले प्रहरीमा आफु (पप्पु) ८ः४५ बजेतिर उक्त आन्दोलनमा पुगी सो मोटरसाइकल कार्यक्रमको अगाडी पट्टी पश्चिम दक्षिण साइडमा राखि कुर्सीमा गएर बसे । अ. ९ः३० बजे तिर जीवनाथ चौधरी आई म भन्दा अगाडीको लाईनको कुर्सीमा बस्नु भयो । कार्यक्रम भन्दा पुर्वको बाटो भएर गाडी लाग्ने सम्बन्धमा विवाद हुँदा जीवनाथ चौधरी र म समेत उठी गई सो विवाद साम्य पारी पुनः कार्यक्रममा जाँदा मेरो उक्त ९३९५ नम्बरको मोटरसाइकल अगाडीबाट कार्यक्रमको पछाडी पट्टी राखेको देखि मैले छहारीमा ल्याई राखी पुनः कुर्सीमा गएर बसे । जीवनाथ चौधरी म भन्दा अगाडी पहिला बसेको कुर्सीमा बस्नु भयो । अ. १० बजेको समयमा हामी बसेको कुर्सी देखि पश्चिम छेउ तर्फ विष्फोट भयो...हेर्दा मेरो मोटरसाइकलमा विष्फोट भएको जस्तो पुरै मोटरसाइकल क्षतिग्रस्त भएको हो भनी लेखाईदिएको छ र बिचारणिय के छ भने जीवनाथ चौधरी उक्त मिथिला आन्दोलन समितिको अगुवा मध्येका एक थिए र निजकै नजिकका व्यक्ति पप्पु गुप्ता थिए । पप्पु गुप्ताको मोटरसाइकल अगाडीबाट पछाडी पट्टी कसले पु¥यायो ? उक्त मोटरसाइकल रहस्यमय तरिकाले अगाडीबाट पछाडी नपुगेको भए त्यति ठुलो क्षति नहुने निश्चित थियो । प्रहरीले उक्त रहस्यलाई किन खुलाउने प्रयास गरेन आश्चर्य छ । जसबाट प्रहरीले यी रहस्यमय तथ्य तर्फ अनुसन्धान नगरी जीवनाथ चौधरी लगायतलाई बचाउन खोजेको स्पष्ट देखिन्छ । र, निज पप्पु गुप्ता भन्ने जय प्रकाश साहलाई तत्कालै पक्राउ गरी कयौं दिनसम्म सार्वजनिक अपराध मुद्दाको नाममा राखेका थिए सो विषय बस्तुलाई अदालतबाट किन लुकाईए रहस्यमय छ । र, बिचारणीय के छ भने विमल शरण दासको छोराले दिएको जाहेरी दरखास्त प्रहरीले दर्ता गर्न इन्कार गरेको विरुद्धमा पुनरावेदन अदालत समक्ष ०६९ सालको रिट नं. ०७७४९ परमादेश जारी गरी पाउँ भनी दिएको निवेदनको जवाफमा “प्रहरीले अनुसन्धान पुरा भई जिल्ला अदालतमा विचाराधिन रहेको अवस्थामा सोही घटनालाई पुनः अनुसन्धान गर्न नमिल्ने” भनी भनाई राखेको छ । र, थप विचारणिय के छ भने शुरु अनुसन्धानको क्रममा वारदात वखत उपस्थितहरु सबै जनालाई प्रहरीले पत्र काटी प्रहरी मार्फत झिकाई वयान लिएको भएता पनि घटनास्थलमा उपस्थित तथा लगातार प्र.मुकेश चौधरीसँग फोन सम्पर्क गरेको देखिँदा समेत जा.वा. जीवनाथ चौधरीको वयान सम्म नलिएकोबाट जि.वि.स.को भ्रष्टाचार रकमको बाँडफाँडको कारण ठुलो प्रहरी अधिकारीहरु सँग रहेको सम्बन्धको कारण प्रहरीले निज जा.वा. जीवनाथ चौधरीलाई उन्मुक्ति दिएको स्पष्ट देखिन्छ । तसर्थ उचित न्याय इन्साफको लागि अदालतको रोहवरमा जा.वा.जीवनाथ चौधरीलाई उक्त स्थानमा विस्फोट हुन्छ भन्ने अग्रिम जानकारी मुकेश चौधरीले प्रकाश विद्यार्थीको नामबाट गराएको थियो वा थिएन ? र विमल शरणलाई उक्त विष्फोटमा हत्या गराउन षड्यन्त्र निज जीवनाथ चौधरीले गरेको हो वा होइन भन्ने  प्रश्नको जवाफ पोलिग्राफ जाँच गरी पाऊँ ।

२०७३ मंसिर ०५ गते आईतबार